Nehemia 13:7 - Godigo dwagi yai po buku

⁷ Tama ena te Jerusalemba ma sabaligi pabo sogo, augwaligo enabolo te tiwai po wali, Eliasipgo te Tobiabolo te genuai be habu te Godigo tempel be obo tomode te mawai da po wali. Agai te yali kolesaga te dwai mu dao wai.

Nehemia 13:7 Iomraidhean Croise

Tuni Bidi Dabego Po Elalubo Buku Deli 3:24

Elioenaigo ogwa te 7 ogwa dabe bidali, Hodavia, me Eliasip, me Pelaia, me Akup, me Johanan, me Delaia, me Anani, te tama dao.

Esra 9:1

Dago te sę tigidali ela silama da, teda dago te polalubo bidi dabe aselama, tama enabolo te tiwai po wagasalio, “Odao. Te pris dabe, me Livai dabe, me te dago we bidi tigidali te Godigo po odisąbo bidi hani bage digibulude me bidibeo. Menio. Augwaligo te Kenan dabe, me Hit dabe, me Peres, me Jebus, me Amon, me Moap dabe, me Isip dabe, me Amor dabe, te tama hani dabego ebo dwai kolesaga wali pobao,” wai.

Nehemia 13:1

Te sogo te we bidi dabe sisinagasobaso, tama te Livai dabego te Mosesgo bomai po augwaliba nedali. Tama augwaligo te bomai po nedali pode te tiwai po wali, te Amon dabe me Moap dabe te Godigo we bidi Israel hani tomoba me asogobeo wai.

Nehemia 13:5

Eliasipgo Tobia te genuai be habu me delide bidimainu ilali, augwaligo te ofa yabo wit sisinani madi nigilai, tama te wiegi yai denami pedalubo pauda hano elalubo digi, te Godigo bede sę ebo doado bage mubo madi, te we bidigo ofa te pris dabeba mabo me, te nai dabe me wain, me oliv wel, te we bidi dabego Godiba mabo te pesage habu me deli te nigilali. Godigo te nai dabe te Livai dabe, me te musik wabo bidi dabe, me te Godigo be tonalubo bidi, te augwaligo tuabo nai te nigilama, sa muai.

Te We Bidi Dabego Jerusalem Hagede Gela Wali 1:10

Polobadu te God Genuai Bidi te habu selebo po weyu, te Israel hani isąwai bage te moni lotu be tempel tomoba pelamuo po wai dao. Tiali goli, te Jerusalem we bidigo suali, te tobage boi bidi dabe te bomo yai po boliyu, augwali tomoba pelama, tama tede elaluali wiegi wiegi yai nai dabe sese tama wi salio.

1 Korin 1:11

Eno te po dagebolo magi baso obawe? Woo, eno ama dede, te dage tomode bidibo we nogi Kloe, aga bede bidibo bage meba augwaligo enabolo wali, duga hasi tomode wado ebo wali.