Nehemia 13:25 - Godigo dwagi yai po buku

²⁵ Tama eno te bidi dabeba wado ilama, tama eno meba elama, tama mebago tobolu nisi guda sąwai. Tama eno te tiwai po augwaliba wali, “Dagego te dwai kolesaga ebaso, tama eno homugo Godigo dage dolainogo yaibao.” Tama eno te bidi dabego te Godigo nogide bomai po dąų walomainu ilali, te augwa dali, te augwa wai dabego me, te gasa bulu tǫ pedai we bidi hani dali we si ebo munu ma elamu dao po wai.

Nehemia 13:25 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 2:24

Elisa aga ma begelama, tama agai te ogomani bomo mu elama tama tonaluyu, agai te augwaliba e tiwai po agai wali, “Eno mu po tama obao, Genuai Bidigo dage dolaibao.” Elisago te po wabo si, te bomo yai genuai uni kibu tiwai kibu sou si nogi bea, te kibu te dwai tǫdi gagawai kibu da, te kibu bea si aselama, te bidi sese si olama, me si, 42 ogomani te kibu sigo ela muna silali, tama te augwali tigi minama mu silai.

Esra 10:5

Tama te Esra hodalu, te po bomonama te polalubo pris bidi dabeba, me te Livai bidi dabeba weyu, tama te tigidali Israel dabe augwaligo me augwa digi dąų wabo bomai po me deli te Godiba weyu, te Sekaniago wali po tiwai waiyąo wai. Tialima, te augwaligo tama tiwai yai dao.

Esra 7:26

Te bidi me deligo te nago Godigo bomai po wali me pisąbaso da, ma te king Artaserksis eno bomai po me wali pisąyu ebaso da, teda nago mena dene mabo sę te polo tama agade yao. Nago aga ela muyu, me ma aga te gasa bulu tǫ pedaiba ela gudulao, ma agai doado bage siyu, ma aga kalabus me ilao. Te agaba dene mabo kolesaga te aga yali dwai sęde usu nama tama tiao,” te king bidigo Esrabolo te pasgo te po wai dao.

Nehemia 13:11

Tama tibaso, eno te polalubo bidi dabeba wado po wabo sę ilama, tama eno augwaliba hanalu wali, “Magi baso dagego te Godigo be olodali elalumainu ilaliwe?” Tama eno te Livai dabe, me te Godigo bede musik wabo bidi hani ma odasa aselama, tama eno augwalibolo te sę ma hodolama yao po walio.

Nehemia 13:17

Tialima, eno te Judade polaluali bidi dabeba wado po weyu, te tama po wali, “Odiąo. Dagego te dwai kolesaga mu ebao. Dagego te Sabat side dao wabo dolama, tama te olo side tiwai me deli pedalubao,” wali.

Nehemia 13:24

Tama augwali hani wai mebago te Asdot dabego po koneani. Tama mebago te gasa po koneai. Tiali goli, augwaligo te da Juda dabego po konesiąwai dao.

Nehemia 5:13

Tialima, megi da, eno te kukulu tiwai elama gudali te nami ugwa pedai peda sabo side tama te elaluali nai dabe memenege elama, te augwali tulaluali. Tama eno te tobolu bidi dabe augwaliba te tama po wali, “Te dagego te megi tama dąų walali po te dagego wali me pisąbaso da, teda te Godigo dage me memenege ilama, tama te dagego be dabe me tigidali nai te dobola selama, tama dage e nami ugwa tiwai olo mu elalueibao.” Tama tigidaligo te tiwai po wai, “Dwagi yai dao. Godigo te tiwai emainao.” Tama augwaligo te Genuai Bidi nogi ugwaba sali. Tama augwa beba ma pelabo sogo, augwaligo te augwa dąų walali po wali pai dao.

Nehemia 5:6

Eno te we bidi dabego po wabo odobo sogo, eno haliga sębę mu ebaso,

Godigo Nogi Ugwaba Sabo Tęąbi Po Wabo Buku Dabe 119:53

Eno suali, dwai bidi dabego nago dwagi yai po bolai, tama eno augwali dali wado po wabo dao.

Godigo Nogi Ugwaba Sabo Tęąbi Po Wabo Buku Dabe 15:4

Agai Godigo te tudiba muani bidi dabe augwali godolo isiąma, tama agai Godigo po wali pabo bidi dabego nogi ugwaba sabo dao. Tama agai te Godigo gedude eno te sę yaibao po obaso da, teda agai te po usu naibao. Ma, tebogo te sęgę agaba mobaso da, tagalao, agai te dąų walali po togogobeo.

Ma Dobola Sali 34:16

Tama tiyu, dage Israel gesi bidi dabego te gasa hani gesi wegi mani sabuo. Te dagego tama tiali da, teda te we dabego te augwa bidi kekelama, tama te bidi dabe augwaligo ena tagalama, tama te tibo god dabeba lotu waibao. Te eno gedude te kolesaga te penani ela bilibo kolesaga tiwai yaibao.”

Bugagia Bidibo Kolesagade Po Asęai Buku 28:4

Te bomai po tudiba mubo bidi dabe augwaligo te dwai kolesaga ebo bidi dabe nogi ugwaba saibao. Tiali goli, te bomai po wali pabo bidi dabe, augwaligo te dwai sę ebo bidi dabe aiyaba elalubo sę ebo dao.

Aisaia 50:6

Ena te bidi dabego keloago tudide elama, eno penane nisi gudumainu yalio. Te augwaligo enaba dwai posobo po weyu, eno gesabidiba pesą sąyu yali, eno ena gesabidi te augwaliba dualubeo.

Bomai Po 6:13

Dage God dago Genuai Bidi dologode naga bidiąo. Tama dage deli deligo gasa bidi dali po dąų omainogo eyu da, teda Genuai Bidigo nogi naga nogi elama, te po dąų walao.

Bomai Po 7:3

Tama me dagego augwali dali we si me abelamo dao.

Josua 23:12

“Tiali goli, dagego te dena God tagaliyu, tama dage te hwįbode isiąwai gasa hani we bidi te dage tomode bidalubo bage dali sisinama, tama dagego augwali dali we si ebaso da,