Nehemia 13:21 - Godigo dwagi yai po buku

²¹ Eno augwali sulama, tama augwaliba wado po te tiwai wali, “Magi baso dage te obo bulu badu bidagasaliwe? Tegoba, dage piąo. Te dage Sabat side ma asali da, teda eno dwai sę dageba yaibao.” Augwaligo te po odolama, te nosali Sabat side augwali ma asobeo.

Nehemia 13:21 Iomraidhean Croise

Esra 7:26

Te bidi me deligo te nago Godigo bomai po wali me pisąbaso da, ma te king Artaserksis eno bomai po me wali pisąyu ebaso da, teda nago mena dene mabo sę te polo tama agade yao. Nago aga ela muyu, me ma aga te gasa bulu tǫ pedaiba ela gudulao, ma agai doado bage siyu, ma aga kalabus me ilao. Te agaba dene mabo kolesaga te aga yali dwai sęde usu nama tama tiao,” te king bidigo Esrabolo te pasgo te po wai dao.

Nehemia 10:32

“Tama te tigidali kibu bede te da deli deligo te dwasianu pedai dage silva mone menama, te Godigo bede muabo nai dabe abelimainu yaibao wali.

Nehemia 13:15

Te sogo eno suali, te meba Juda dabego te nedu du wain agalama, tama te Sabat side wain wę siyu nigali. Tama te gasa Juda dabego te wit nai, me wain, me te wain nedu du wai, me te ni kaya fik, me te gasa tobage nai dabe selama, te donki daiba munama, tama te Jerusalemba sela pabo sę yali. Tama te Sabat side te eno augwaliba bomai po wali, “Te side da wabo sogo te we bidi dabego te nai dabe abelimainu me ilamuo,” po wali.

Nehemia 13:20

Te si sela sogo te bidi dabego te tobage nai te we bidi dabego abelimainogo sela aselama, tama augwali te taun obo sesege badu pelama, tama dago te sunumi dabo tonaluai dao.

1 Pita 2:14

Tama te tuni bidi agai aga sę bugulama, tama te me me tǫ pedai tonalubo sę gasa bidi dabego nogoba muani, te augwaligo te dwai sę ebo bage dene mayu, tama te dwagi yai sę ebo we bidi nogi ugwaba somainogo ebo dao. Tama dage augwali me dologode bidiyu, augwaligo po odiąo.