Nehemia 13:2 - Godigo dwagi yai po buku

^2-3 Tama te Israel dabego te bomai po odali sogo, augwaligo te we bidi dabe sela sąwani, te augwa aya ma ida te bulu badu bidi te Israel hani isąwai bidi dao, tama augwaligo te augwali te Israel we bidi hanide bidimainu me ebeo. Te bomai pogo page te tiwai dao. Te Israel dabego te Isip tagalama asali sogo, te Amon dabe me Moap dabe augwaligo te nai me wę me augwali me mabeo. Tama te hanigo te profet Balam abelama, te Godigo Israel dabe dolomainu ebo po omainu yali. Tiali goli, Godigo Balamgo te po omainu me ilibeo. Menio. Balamgo te Godiba augwali wiegi yai bugagia ilabo po wai dao.

Nehemia 13:2 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 109:28

Augwa te po weyu, te Godigo ena dolaibao po wali, tiali goli nago enabolo wiegi yai sę yaibao. Eno homugo te enaba dwai sę ebo bidi dabe aiyaba elalumai homu yai, tama ena naga sę bidigo, eno bugai haliga yaibao.

Maika 6:5

Eno we bidi dabeo, te dwai sę te polobadu Balak te Moap kingo te dageba dwai sę yainu yali, te homugo koneao,” wali. “Te Balam, te Beorgo ogwago wali po, te Balakbolo wei ponani po, te homu kone ma palao. Tama eno yali genuai sę tigidali me te homu koneao, te bulu Sitim dagego tagalama, te bulu Gilgalba sobadi, te sę yali. Dagego te eno sę yali dabe koneao, tialima, te eno dage tau siyu yali sę dabe, te dagego ma koneao,” God Genuai Bidigo te po megi obao.

Israel Hanigo Namba 23:18

Tama Balamgo te pusabo po pusali, “Balak, hodaluao, odao. Siporgo ogwa, eno megi e pusainogo ebo po odao.

Matyu 25:40

Tama tuni bidigo po wei ponoyu, augwalibolo te po waibao, ‘Eno mu po dagebolo obao, te tigidali sę dagego te eno amanu e tiwai te nogi meni yai bidi dali yali wiegi yai sę, te sę dabe te dagego ena dali te yali dao.’ Tuni bidigo te po waibao.”

Bomai Po 23:3

“Te Amon hani me Moap hani me, augwali te Genuai Bidigo we bidi hani tomoba aselamuo, augwaligo hani wąį nosali ame neyu, neyu idu gelama, tama hani sibi te nogo siba usu nubosi da, nosali mu, teda augwali te Genuai Bidigo we bidi hani tomoba asomainao.

Bomai Po 23:4

Te tama tiabo page da e tama dao. Da te Isip tagalama asali sogo, augwaligo da nai mawai menio, te wę me da me mawai menio. Tama augwaligo Balam abelama, da Godigo dolomainu yao wabo po omainogo abelai dao. Balam da, te Beorgo ogwa dao, te hanu Petor, te Mesopotemia bulu bidi dao.

Bomai Po 23:5

Tiali goli, Genuai Bidi dago God aga te Balamgo po odobeo, menio. Agai te da dolomainogo wali dwai po dabe, te po te wiegi yai po naga iliyu yai dao, te da tau sabo po nigiliyu yai dao. Magi baso menio. God agai da godolo mu ebaso.

2 Pita 2:15

Tama augwaligo te doloba pai kolesaga wali pabo tų tudiba muyu, tama augwali hagawai. Augwaligo te polobadu bidai bidi Beorgo ogwa, Balam, tego yali kolesaga te tų wali pai. Agai te sęgę sabo sę elama, tama te sęde sabo masigi te agai godolo mu yai dao.