Nehemia 13:18 - Godigo dwagi yai po buku

¹⁸ “Polobadu te wąį nǫų dabego te tobage kolesaga tiwai naga ebaso, tama te Godigo augwaliba dwai dene mayu, tama agai te taun dolali. Tama megi dagego te tobage kolesaga ebaso, tama Godigo da dali wado po mu odubo dao,” wali.

Nehemia 13:18 Iomraidhean Croise

Nehemia 10:32

“Tama te tigidali kibu bede te da deli deligo te dwasianu pedai dage silva mone menama, te Godigo bede muabo nai dabe abelimainu yaibao wali.

Ma Dobola Sali 31:12

Tialima, Genuai Bidigo Mosesbolo te po olama, te Israel we bidibolo te po omainogo yai, “Te Sabat side te olo bidiyu, toma nabo side dao, tama te Sabat side sesemane sogo dage eno po odolama, olo bidiyu, toma nao. Te Sabat side eno dagebolo te sa mubo tiwai megi mayu, tama nosali me tigidali sogo tama naga tiao. Tama tebo sę dagego konemainogo, te ena digi ena dagego Genuai Bidi dao, tama eno dage te tedali gasagi yai we bidi hani pedalomainogo ebo dao.

Jeremaia 17:27

Tialima, dagego eno po wali me pisąma, te dagego Sabat side te eno side da olama, bodolu te side munama, tama dagego te Jerusalem tomoba te Sabat side da wali sogo te walu doado bage sesebaso da, teda eno te sunumi siago domainogo ilama, tama te sia genuai domainogo elama, te Jerusalemde elalubo genuai bomai be dabe domainogo yaibao. Tama te isi dabo polo sula sogobeo,” te po wai dao.

Jeremaia 44:22

Dagego te dwai kugumini yai kolesaga ebaso, tama nosali Genuai Bidi dagego te kolesagade hagela mu yai. Tama agai te tama sę elama, te dagego tǫ dolama olo elalubadi, te bidi bidisiąbadi, te megi e sogoba usu nagasobao. Te gasa tǫ kantri we bidi dabego te augwa boi bidi dabeba dwai po wabo sogo, augwa te tiwai po waibao, ‘Dage te Juda tǫ dolali tiwai gilama dolagameo,’ wabo dao.

Jeremaia 44:23

Dagego te tibo godiba te wiegi yai denami ebo hanoilibo ofa mobaso, te dagego Genuai Bidi gedude sęgęsobao. Te dagego agai bomai po sela sąnama, te agaite tobage bomai po dabe wali me pabeo. Tama tibaso, dageba te dwai sę pedalumainu elama, te megi tama meelalubo dao,” Jeremaiago wali.

Jeremaia 44:9

Te duga wąį nǫųdabego me, te king dabego me, te kingo we dabego medwai kolesaga yali. Te dage me, duga we dabe dali, tedwai kolesaga ebao. Dage tigidaligo te kolesaga te Judatǫ pedai tigidali badu eyu, te Jerusalem sunumi dabedeme yali. Dagego te homu kone gegeda palai da, agawe?

Esekiel 23:26

Te bidi dabe augwaligo nago ugwa pepeda sąnama, te nago wiegi yai beli me nogode muani ring dabe saibao.

Esekiel 23:8

Agai te penani sę te aga Isipde bidu, te gesi ogwa bidide bidali sogo yali tiwai yali. Te sogo te bidi dabego aga ame tolama, te gagali eyu, aga penani elama, te augwa homu godolo yali te silalio.

Pris Sę Ebo Bomai Po 26:18

“Tama eno te kolesaga dabego dageba te dwai dene mabo sę ebaso, te tudi, badu nosali dagego eno po wali me pisąbaso da, teda eno te dwai dene mabo sę dageba mu geninaibao.

Pris Sę Ebo Bomai Po 26:28

teda eno haliga sębę dwai mu eyu, te eno dagego dwai sę ebo umagia mu wei ponodu, te dageba dwai dene mu madubadi geaibao,” wali.

Amos 8:5

Duga digi dagego te tiwai po obao, “Dago homugo te genuai lotu wabo side polo silao homu ebao, tama dago te dena nai dabe te maketba mugi pelama, te bidi dabego abelimainu homu yaibao. Nisu sogo te toma nabo Sabat si siligowe? Da asesa te maketba pabo homu eyu, te dago nai dabe maketba mugi paibao. Tama tibaso, dago mone mubo ugwaba igulama, te dago tibo dąį ilibo sę elama, tama te nai abelibo bidi dabe muma sabo usu sabo skel mueibao.

Israel Hanigo Namba 32:14

“Tama megi dage duga aya dede hasegelama, tama dage sęgę sai bidi dabe pedalobawe? Tama dagego Genuai Bidi sębę dwai mu emainu elama, tama agai da Israel dabe elemainu ebawe?