Nehemia 13:15 - Godigo dwagi yai po buku

¹⁵ Te sogo eno suali, te meba Juda dabego te nedu du wain agalama, tama te Sabat side wain wę siyu nigali. Tama te gasa Juda dabego te wit nai, me wain, me te wain nedu du wai, me te ni kaya fik, me te gasa tobage nai dabe selama, te donki daiba munama, tama te Jerusalemba sela pabo sę yali. Tama te Sabat side te eno augwaliba bomai po wali, “Te side da wabo sogo te we bidi dabego te nai dabe abelimainu me ilamuo,” po wali.

Nehemia 13:15 Iomraidhean Croise

Tuni Bidi Dabego Po Elalubo Buku Si 24:19

Tama Genuai Bidigo profet dabe tagala palali, tama bomai po dabe augwalibolo olama, augwali agaba ma asomainu ilali. Tiali goli, te we bidi augwali po sela sąbo sę genuai mu yali, tama augwaligo te profet dabego po odobeo.

Nehemia 10:31

“Tama te bulu badu hani bidi dabego te nai wit ma gasa tobage nai te Sabat sogode, ma gasa genuai lotu wabo sogode sesebaso da, teda dago me abeligobeo, wali.” “Tama te kibu be a naga olama, me badu nogi si, te wabo kibu bede dago te gide nai me bulugobeo, wali. Tama dago te kibu bede te tigidali negeli elalubo siminaibao.”

Nehemia 10:32

“Tama te tigidali kibu bede te da deli deligo te dwasianu pedai dage silva mone menama, te Godigo bede muabo nai dabe abelimainu yaibao wali.

Nehemia 13:16

Te tamu ąį sesegede elalubo taun Tair bidi meba te Jerusalemba aselama bidai. Tama te Sabat side te hanigo te sųgų pis me gasa nai dabe te Jerusalemba sesali, te da we bidi dabego abelimainu yai.

Nehemia 13:21

Eno augwali sulama, tama augwaliba wado po te tiwai wali, “Magi baso dage te obo bulu badu bidagasaliwe? Tegoba, dage piąo. Te dage Sabat side ma asali da, teda eno dwai sę dageba yaibao.” Augwaligo te po odolama, te nosali Sabat side augwali ma asobeo.

Nehemia 9:29

“Nago po bomo elama augwaliba weyu, te nago bomai po wali pomainu yali. Tiali goli, augwaligo hagoma eyu, tama augwaligo nago bomo yai poba tudi ola mawai. Augwaligo koneani, augwaligo te bomo yai po wali pobaso da, te augwali bugagia bidimainu yai. Tiali goli, augwaligo tobolu te dila pelama, tama augwaligo tabi haliga te dagana sali, tama tiyu te augwaligo nago po wali me pisąwai dao.

Jopgo Po Asęani Elalubo Buku 39:12

Tama nago homugo agai nago wit nai giba pelama, tama te wit nai inayali sela aselama, te wit nai yabe dali, bo dali sela sąyao po waibawe?

Godigo Nogi Ugwaba Sabo Tęąbi Po Wabo Buku Dabe 50:7

Godigo te po wali, “Dage te eno we bidi da, odao. Eno po elalubao. Dage Israel dabe, eno dage po tų ilaibao. Ena naga, ena te God mu da, tama ena te dagego God dao.

Ma Dobola Sali 31:12

Tialima, Genuai Bidigo Mosesbolo te po olama, te Israel we bidibolo te po omainogo yai, “Te Sabat side te olo bidiyu, toma nabo side dao, tama te Sabat side sesemane sogo dage eno po odolama, olo bidiyu, toma nao. Te Sabat side eno dagebolo te sa mubo tiwai megi mayu, tama nosali me tigidali sogo tama naga tiao. Tama tebo sę dagego konemainogo, te ena digi ena dagego Genuai Bidi dao, tama eno dage te tedali gasagi yai we bidi hani pedalomainogo ebo dao.

Ma Dobola Sali 31:16

Dage Israel bage te sogo toma nao, magi baso meni, te polobadu te po dąų wai elaluai, dagego po dąų olama, te wali paibao wai dao. Tama tibaso, nosali dagego tama tidi pao.

Ma Dobola Sali 34:21

“Tama tigidali Sarere te dagego sę yabo side te a naga olama nogo kibisa, te tama sogo naga sę yabo sogo te elalubao, tiali goli te 7 wali, te me deli sogo te sę me egio, te habu selai. Te gide tǫ elabo sogo, ma te nai inayu tau yai nai sisinibo sogo elalubaso da, dagego te olo bidibo side te sę me igimio.”

Ma Dobola Sali 35:2

Te Sarere dagego sę yabo side te 6 sogo te sę yabo side te elalubao. Tiali goli, te 7 wali, te me deli sogo te olo bidiyu, toma naga niąo, tama te sę idali weyu, habu mu selao, magi baso meni, te Genuai Bidigo side dolo dao. Te side te bidigo, ma te wego, te sę ebaso da, teda dagego aga ela muao.

Bugagia Bidibo Kolesagade Po Asęai Buku 28:4

Te bomai po tudiba mubo bidi dabe augwaligo te dwai kolesaga ebo bidi dabe nogi ugwaba saibao. Tiali goli, te bomai po wali pabo bidi dabe, augwaligo te dwai sę ebo bidi dabe aiyaba elalubo sę ebo dao.

Aisaia 58:13

Genuai Bidigo te tiwai po wali, “Dagego te Sabat side bomo yai po boligio, te eno side ena digi dąį ilali. Te dagego duga sę dabe digi te side yabo homu me igio. Dagego te Genuai Bidi eno side, te ena godolo homu mu elama, te duga genuai side da homu kone palao. Te dage me tedela pįsama, te duga sę me isiąma, te haniani olo po me minamo dao wali.

Jeremaia 17:24

Tiali goli, dagego da, Genuai Bidi eno po wali peyu, tama dagego walu dabe te Jerusalem tomoba te Sabat side me sela asigimio. Menio. Te Sabat sogo dagego eno side da olama, dąį ilao, tama te side sę ebo habu mu sao. Te dagego eno po wali pobaso da,

Jeremaia 17:27

Tialima, dagego eno po wali me pisąma, te dagego Sabat side te eno side da olama, bodolu te side munama, tama dagego te Jerusalem tomoba te Sabat side da wali sogo te walu doado bage sesebaso da, teda eno te sunumi siago domainogo ilama, tama te sia genuai domainogo elama, te Jerusalemde elalubo genuai bomai be dabe domainogo yaibao. Tama te isi dabo polo sula sogobeo,” te po wai dao.

Jeremaia 42:19

Jeremaiago te Genuai Bidigo po pusula silibo si da, teda agai te tiwai po wali, “Dage dwasianu Juda hanigo, odao. Genuai Bidigo dage te Isipba pigio wali. Tama tialima, eno dageba te mani bomai po bugagia homu kone palao.

Esekiel 20:13

Tiali goli, te masigi tǫ wa pai bulude me, augwaligo eno po sela sąwani. Augwaligo eno po wali pabo hagela homu elama, te augwaligo eno bomo yai po dabe sela sąwani, te bomo yai po dabe augwaligo wali peyu, te augwali bugagia bidimainu yali. Tama te Sabat side bomo yai po mu augwaligo bolalio. Tama tibaso, haliga sębę dwai mu augwaliba elama, te pąde eno augwali te masigi tǫ wa pai bulude dwai dene menama, te augwali tigidali dolainu yai digi dao.

Amos 8:5

Duga digi dagego te tiwai po obao, “Dago homugo te genuai lotu wabo side polo silao homu ebao, tama dago te dena nai dabe te maketba mugi pelama, te bidi dabego abelimainu homu yaibao. Nisu sogo te toma nabo Sabat si siligowe? Da asesa te maketba pabo homu eyu, te dago nai dabe maketba mugi paibao. Tama tibaso, dago mone mubo ugwaba igulama, te dago tibo dąį ilibo sę elama, tama te nai abelibo bidi dabe muma sabo usu sabo skel mueibao.

Maika 6:3

Tialima, Genuai Bidigo te tiwai po obao, “Eno we bidi dabeo, eno mena dwai sę dageba yaliwe? Eno mena sę elama, dageba sęgę maniwe? Ae, tegoba, dagego enaba po wei ponao,” te po obao.

Godigo Sęba Tagala Palai Bidigo Po 2:40

Te Pitago augwalibolo dwasianu po wabe, te po hauwa wai, te po bomona weyu, te po wai, “Duga digi duga ma tau siąo. Tibaso, dage dene sogobeo, te Jisas ela muai dwai bidi dabe nosali dene sainu ebo yaligia,” te po wai.

Godigo Sęba Tagala Palai Bidigo Po 20:21

Sesemane sogo eno dagebolo po bomonama weyu, te po wai dao, ‘Te Juda bidi dabe me, te Grik bidi dabe me, dagego dwai sę ebo kolesaga me tudiba tagalama, homu begelama, God pageba aselama, dagego homu Jisasba mu muao.’ Te dage tau sabo po eno dagebolo tigidali sogo konelai dao.

Galesia 5:3

Te po tiwai me elalubo. Dage dolidali weyu, eno gasa dage tau sabo po waibao. Te dage tomode bidi me deli aga tigiwali togomainogo agai usu da weyu da, teda agai te gasa bomo yai po tigidali me wali pao, te bomo yai po deli naga wali pigio.

Efesus 4:17

Tama tibaso, eno po me deli dage dali wainu obao. Te ena da Genuai Bidigo po wabo bidi bidibaso, dage tau somainogo eno te po bomo elama obao. Odiąo. Dagego te Godigo po odisąbo bidi dabego ebo kolesaga munu me ma wali pelamo dao. Augwaligo homu kolesaga da te olo habuge naide naga te homu ebo dao.

Bomai Po 8:19

Dagego God dago Genuai Bidi me gegeda pelamuo. Tama dagego tibo god dabe wali pelama, tama augwaliba lotu po me olamuo. Megi eno haninama dagebolo bomona te walibao, ma dagego te po sela sąyani da, teda mu tama o, Godigo dage mu tama dolaibao.

1 Tesalonaika 4:6

Tama God agai ebo homu e dao. Dagego te we sabo sę po bolama, tama duga abagi dali dwai sę egimio. Magi baso menio. Genuai Bidi Jisas agai te tobage dwai sę ebo kolesaga ebo bidi augwali tigidali agai wei ponobo dao. Tama polobadu da dage dali bidibadi, e sęgę yai po dao homu eyu, dago te po hanilama, dage dali wai dao, dage tau somainogo.