Nehemia 12:8 - Godigo dwagi yai po buku

^8-9 Te Livai dabe ma asali bidi dabego nogi e tiwai, Jesua, me Binui, me Katmiel, me Serebia, me Juda, me Matania, me Bakbukia, me Uno da. Matania te aga ama dabe daligo te Godiba buba hwi weyu, te usu da olama, balia po wabo bidi dabe tonaluai. Tama te hanigo te balia wali dage silibo si da, teda te Bakbukia me Uno dali te augwa si ama dabe, augwaligo te gasa balia po dage wei ponoyu, weyu yai dao.

Nehemia 12:8 Iomraidhean Croise

Tuni Bidi Dabego Po Elalubo Buku Deli 9:33

Te tobolu bidi hani dabe mebade te Livai hani dabego te wiegi yai tęąbi musik wabo sę meba elaluali. Te bidi dabe augwali te Godigo be obo te dąį togwali be habu tomode piyu yali, magi baso meni, augwaligo sę te siade me hulide me te sę tama yai dao, tama augwaligo gasa sę me ebeo.

Esra 2:40

Te Livaigo hani dabe nogi dali, te Jerusalemba ma pali Livai dabego namba dali, te e tiwai dao. Te Jesua de Katmiel sigo hani bidi te 74 elaluali. Te bidi si augwa bulali wąį te Hodavia dao.

Esra 3:2

Tama Josua, te Jehosadakgo ogwa, tama gasa pris dabe me, te Serubabel, te Sealtielgo ogwa, te aga deli kaneme bage me, augwaligo te Israel dabe augwa Godigo alta ma nigali. Augwa te daiba ugwadu munama te siago tigidali dabo nai muabo nai nigai. Augwa te tama tiali te bomai po me deli wali peyu, Moses te Godigo sę bidigo te bomai po wabo bukude asęai dao.

Nehemia 11:17

Tobolu bidi Matania te Mikago ogwa, tama agai wąį te Sapdi. Aga te Asap hani da. Te Godigo bede lotu po wabo sogo, Matania te bidi dabego gedu haluasa po weyu, Godiba usu da wabo tonalubo polaluali bidi dao. Tama tobolu bidi Bakbukiago te Matania te sę ebo tau sali. Tobolu bidi Apda aga te Samuago ogwa, tama aga wąį nǫų Galal. Aga te Jedutungo hani dao.

Nehemia 11:22

Usi te Banigo ogwa da, tama wąį nǫų Hasabiago wai. Tama agai te Livai dabe te Jerusalemde tonalu bidali. Usi te Asap hani, tama aga wąį si, me Matania me Mika da. Te Asap hanigo naga te Godigo tempel be tomode te musik elibo sę tonaluai dao.

Nehemia 12:24

Te Israel dabego lotu po odubadi, te God nogi ugwaba siyu, te agaba buba hwi wabo sogo, te Livai dabego te king Devitgo wali po tiwai gilama yali. Devit aga te Godigo po pusubo bidi da. Te Livai hani nani si dolugulama, tama te hani me deligo te balia po ola simanobo si da, teda te gasa hanigo te gasa balia po dage me wei ponoyu wali. Tama Hasabia, me Serebia, me Jesua, te Katmielgo ogwago, te sę tonaluai.

Nehemia 12:7

me Salu, Amok, Hilkia, me Jedaia. Te polalubo pris Josua bidali sogo, te pris dabe augwali te pris dabego tobolu bidi bidai dao.

Nehemia 7:43

Te Livai hani dabego nogi dali, te Jerusalemba ma asali Livai dabego namba dali si, e tiwai dao. Jesua me Katmiel hani bidi 74 elaluai. Te bidi sigo wąį nǫų bidi te Hodavia dao.

Nehemia 7:48

me Lebana, me Hagaba, me Salmai,

Nehemia 9:4

Te Livai meba te po pusubo pesageba dolugulama, tama augwa Genuai Bidi Godiba i bomo elama weyu, tama augwa agaba gedu haluasa po wai. Te Livai dabego nogi te tiwai, Jesua, me Bani, me Katmiel, me Sebania, me Buni, me Serebia, tama gasa Bani, me Kenani dao.