Nehemia 12:36 - Godigo dwagi yai po buku

³⁶ Tama te Sekaraia aga nogi sabi bidi mebago te aga wali pai. Te augwali nogi te tiwai, Semaia, me Asarel, me Milalai, me Gilalai, me Mai, me Netanel, me Juda, me Hanani. Te hani tigidaligo te balia po wabo haniani nai tolali, te king Devitgo polobadu elali musik tobage tiwai, te Godigo po pusali bidigo, te gagali yali nai tiwai dao. Tama pris Esra aga te polasa pabo hanide te polalubo bidi dao.

Nehemia 12:36 Iomraidhean Croise

Tuni Bidi Dabego Po Elalubo Buku Deli 23:5

Tama te me 4,000 bidigo te Genuai Bidigo be tonalubo bidi bidao, te gasa 4,000 bidigo te Genuai Bidigo nogi ugwaba sabo tęąbi wabo wiegi yai musik omainao. Eno te musik wabo haniani nai dabe nigali, tama augwaligo te nai dabe selama te musik elebo sę emainao,” Devitgo te po wali.

Tuni Bidi Dabego Po Elalubo Buku Si 8:14

Solomongo aga aya Devitgo bomai po dabe me gasa po dabe wali pali, te Godigo sę bidigo po. Tama agai pris bidi dabe deli deli haniba dobayali, te sę tigidali sogo emainogo. Tama agai te Livai dabe te deli deli haniba dobayali, te pris dabe tau selama, te sę emainogo, tama me te Godigo nogi ugwaba sabo tęąbi po me weyu emainu yali. Te Livai dabego augwalibolo emainu deli deli sogo sa muani sę naga ebo dao. Tama me Solomongo deli deli haniba bidi tonaluabo bidi dobayali, te Genuai Bidigo tempel be sunumide tonaluyu emainogo yali.

Esra 7:1

Kibu be hauwade nosali, te Artaserksis te Persia king bidali sogo, te bidi me deli Babilonde bidai, aga nogi te Esra. Esra te polobadu bidali tobolu bidi pris Arongo hani bidi dao. Te Esrago hani e tiwai elaluali. Arongo ogwa te Eleasar dao, tama Eleasargo ogwa te Finias dao, tama Finiasgo ogwa te Abisua dao, tama te Abisuago ogwa te Buki dao, tama Bukigo ogwa te Usi dao, tama Usigo ogwa te Serahia dao, tama Serahiago ogwa te Meraiot da, tama Meraiotgo ogwa te Asaria dao, tama Asariago ogwa te Amaria dao, tama Amariago ogwa te Ahitup dao, tama Ahitupgo ogwa te Sadok dao, tama Sadokgo ogwa te Salum dao, tama te bidi Salumgo ogwa te Hilkia dao, tama Hilkiago ogwa te Seraia dao, tama te bidi Seraia aga ogwa te Esra dao.

Esra 8:1

Te e lista te deli deli hanigo polalubo bidi dabego nogi elalubo lista dao. Te da te ena Esra dali Babilonde bidama, ena dali Jerusalemba ma pali bage, te Artaserksis king bidali sogo dao. Te bagego nogi e dao.

Nehemia 12:24

Te Israel dabego lotu po odubadi, te God nogi ugwaba siyu, te agaba buba hwi wabo sogo, te Livai dabego te king Devitgo wali po tiwai gilama yali. Devit aga te Godigo po pusubo bidi da. Te Livai hani nani si dolugulama, tama te hani me deligo te balia po ola simanobo si da, teda te gasa hanigo te gasa balia po dage me wei ponoyu wali. Tama Hasabia, me Serebia, me Jesua, te Katmielgo ogwago, te sę tonaluai.

Amos 6:5

Dagego te gesi olo balia nigibo sę ebo wei ebo dao, te Devitgo yali tiwai eyu, dagego te wiegi yai musik gagali eyu, te gita gagali me ebo dao.

Israel Hanigo Namba 1:8

Te Isakar hanide da, nago Suargo ogwa Netanel sao.