Nehemia 11:30 - Godigo dwagi yai po buku

³⁰ me te Sanoa, me Adulam, me te taun pąde elalubo bulu dabede bidai. Tama meba te taun Lakisde bidai, tama augwa te Lakis pąde elalubo tǫde bidai. Tama meba te taun Asekade bidali, tama te pąde elalubo bulu dabede bidai. Tama te Juda dabe te Bersebade bidali, te saut badu, te Berseba tomode elalubo taun tomode bidai, tama te odogo tǫ bulu te Hinom te not badu me bidai dao.

Nehemia 11:30 Iomraidhean Croise

Tigidali Nai Gagalama Nigali Side 21:14

Do kigamu mu te Abrahamgo te nai dali, te wę botol dali sisi elama, tama Hagarbolo mani. Abrahamgo te nai dabe te Hagar nageba anugulama, tama aga dali aga ogwa dali si ibaba olo tagala palali, gasaba. Tialima, Hagar palima, te Berseba tǫ pedai badu subigila te bidi bidisiąwai madi biliduai.

Tigidali Nai Gagalama Nigali Side 25:16

Te augwali Ismaelgo ogwa dabe tama te augwali nogi dabe dali, te bulu dabe te tǫ pedai me te augwaligo pesage nigilama bidali, te nogi dali dao. Tama augwaligo tobolu bidi dabe te nogo si olama, sągągo si elaluali, tama nogo si olama, sągą si hani bidi dabe bidali.

Te Israel me Juda Hani Sigo Tuni Bidigo Po Elalubo Buku Si 23:10

Te king Josaia agai te augwaligo te lotu wabo pesage nogi te Tofet wabo pesage te agai dolali, te bulu te Hinom bulu odogode elaluai dao, tama te bulu me te bidi dabego gedude meda mu ilali. Tama tibaso, te bidi dabe augwaligo augwa te buluba nosali ma begasa pelama, tama te augwaligo augwa wai bǫų elama, te tibo god Molekba te ofa nai tiwai gilama me augwaligo ula magi pogobe.

Nehemia 11:29

Tama meba te Enrimonde bidiyu, me te Sora, me Jarmutde bidai,

Nehemia 11:31

Te Benjamin we bidi hani meba te Geba taun, me Mikmas, me Aija, me Betel, tede bidali, me te Betel taun pąde elalubo bulu dabede bidai.

Nehemia 3:13

Tama Hanun, te Sanoa taun bidi dabe dali, augwaligo te obo banis te sunumi elaluali madi te augwaligo te nogi wali Te Odogo Pesage Badu Sunumi da walio. Te badu te sę wadoa selama, sę yai. Tama augwaligo te sunumi aga te pesagede muani, tama augwaligo te bomai lok munama, te sunumi palibo bobage ain dili muanio. Tama me augwaligo te obo gasa wadoasa pali, te augwaligo te nogi weyu, te Pobele Bage Sela Sąbo Sunumi da wali, tama te obo banis dąį usu nagasali, te 440 mita dao.

Aisaia 37:8

Te Asiria ami ofisa bidigo po odali, te king Senakeripgo te taun Lakis taga pali po odali. Tialima, te ami ofisago te Jerusalem taga peyu, ma begasa pelama, tama te king te taun Lipnade boi hwįdubadi suali, tama aga pelama, aga sugi palio.

Jeremaia 19:2

“Tama dage te Odogo Bulu Pesage te Hinomba dulao, te Jerusalem moni obo sunumi pąde augwa te nogi e tiwai waibao, te Sospen Sene Dabe Alua Pai Sunumi Dao wali. Tama nago eno po e tama pusao,

Jeremaia 19:6

Tama tialima, ena Genuai Bidi, eno te po obao, nosali munu me augwaligo te bulu pesage nogi ma wagobeo, Tofet, ma Odogo Bulu Hinom me wagobeo. Menio. Augwa te tiwai nogi yaibao, te bidi hauwa ela muai bulu dao, po waibao.’”

Jeremaia 32:35

Tama augwaligo te tibo god Balba lotu wabo pesage te odogo bulu Hinomde nigai. Tama augwa wai dabe digi te tibo god Molekba ofa ilali. Tiali goli, eno augwalibolo te kolesaga yao po me wabeo. Tama me eno te tobage bomo yai po augwaliba maiabo homu munu me ebeo. Eno homugo augwaligo te kugumini yai kolesagago te Juda dabe hodolama, te dwai sę emainogo ilibo te eno hagela homu ebo dao,” wali.

Maika 1:15

Dage te Maresa we bidi, te Genuai Bidigo dage te boi bidi dabego nogoba munama, te dagego taun augwaligo saibao. Tama te Israel polaluali tobolu bidi dabe te Adulam masigi ola beba geme wi duala sigi peyu, ela paibao.

Josua 10:3

Tialima, Adoni Sedek tuni bidigo po te Hebron tuni bidi Hohambolo po tolobadi, tama Piram te Jarmut hanu tuni bidibolo me, tama Jafia te Lakis hanu tuni bidibolo me, tama Debir te Eklon hanu tuni bidi dali, te augwalibolo po ola tolalio.

Josua 12:15

Lipna, Adulam,

Josua 15:39

Lakis, Boskat, Eklon,

Josua 15:8

tama te Hinomgo ogwago te odogo tǫ tedu wali pelama, te Jebusgo bulu du te a badu sabolali. Te Jerusalem te badu elaluali. Tama dąį pidubadi geanima, te bulu duba sabolali, tama te giliga dega sigi pabo badu te Hinomgo malu elaluali, te badu dąį igi pali. Te dąį yali te Refaim dabego te tǫ odogo sesege badu tede elaluali.

Josua 18:16

Tama te dulali te bulu du dolalubo sesege badu te Hinomgo ogwago tǫ malu elalubo pąba pedelali. Te bulu du te not badu te Refaim dabego malu tǫ sesege badu elaluali. Tama dąį pali te saut badu te Hinomgo tǫ malu bolama, tama te Jebus dabego dwasianu bulu du togolama, tama palima, te Enrogel te pedai badu dąį igi pali.