Nehemia 11:17 - Godigo dwagi yai po buku

¹⁷ Tobolu bidi Matania te Mikago ogwa, tama agai wąį te Sapdi. Aga te Asap hani da. Te Godigo bede lotu po wabo sogo, Matania te bidi dabego gedu haluasa po weyu, Godiba usu da wabo tonalubo polaluali bidi dao. Tama tobolu bidi Bakbukiago te Matania te sę ebo tau sali. Tobolu bidi Apda aga te Samuago ogwa, tama aga wąį nǫų Galal. Aga te Jedutungo hani dao.

Nehemia 11:17 Iomraidhean Croise

2 Samuel 9:12

Mefibosetgo ogwa me deli te ogwa bidi bidali, aga nogi te Mika. Te sogo te Sibago hani sibi bage bidi me we, te Mefibosetgo tǫde sę iduali.

Tuni Bidi Dabego Po Elalubo Buku Deli 16:4

Tama nosali Devitgo te Livai meba dąį ilali, te Dąų Wali Bomai Po Munalubo Halobage pąba pelama, Godiba lotu wabo bidi meba dąį ilali, te Israelgo Genuai Bidi da. Augwa te Godiba buba hwi olama, gedu haluasa po weyu, usu da po olama, te agai nogi ugwaba somainao wali.

Tuni Bidi Dabego Po Elalubo Buku Deli 16:41

Tama Devitgo Heman me Jedutun dali te Livai meba te Genuai Bidiba tęąbi weyu usu da po wabo bidi meba agai dąį ilalio. Te tęąbi nogi e tiwai wali, “Sesemane sogo Genuai Bidigo da godolo umagi mu ebo dao.”

Tuni Bidi Dabego Po Elalubo Buku Deli 9:15

Te tobolu bidi mebago nogi da e tiwai da, Bakbakar, me Heres, me Galal, me Matania. Matania te Mikago ogwa, tama Mika te Sikrigo ogwa, te Sikri Asapgo ogwa dao.

Nehemia 10:12

me Sakur, Serebia, me gasa Sebania,

Nehemia 11:16

Tama tobolu bidi Sabetai me Josabat sigo te sę dabe te Livai dabego te Godigo tempel be bulu badu ebaso tonaluai.

Nehemia 11:18

Te Godigo taun Jerusalemde bidali Livai dabego namba e tiwai, te 284 dao.

Nehemia 12:24

Te Israel dabego lotu po odubadi, te God nogi ugwaba siyu, te agaba buba hwi wabo sogo, te Livai dabego te king Devitgo wali po tiwai gilama yali. Devit aga te Godigo po pusubo bidi da. Te Livai hani nani si dolugulama, tama te hani me deligo te balia po ola simanobo si da, teda te gasa hanigo te gasa balia po dage me wei ponoyu wali. Tama Hasabia, me Serebia, me Jesua, te Katmielgo ogwago, te sę tonaluai.

Nehemia 12:25

Matania, me Bakbukia, me Obadia, me Mesulam, me Talmon, me Akup, te bagego te Godigo tempel be habude te doado bage mubo madi tonalubo sę elaluali. Te be habu togwali te Godigo be bobegela sali obo sunumi sesegede elaluali.

Nehemia 12:31

Ena Nehemia eno te Juda tobolu bidi dabe te obo daiba sisinama, tama eno augwali dobolama, te genuai hani si nigilama, te masigi obo ugwadu daidu biliyu, te taun tigidali badu bagula usu nama biliyu, tama te Godiba usu da olama, te balia po walio. Te polasa pabo hani te dolo nogo badu begasa peyu, te Pobele Bage Sela Sąbo Sunumiba pedelali.

Nehemia 12:46

Te musik wabo wąį nǫų dabego te wiegi yai pemene ebo balia weyu, te Godiba usu da olama, gedu haluasa po wali, te king Devit me Asap si bidali sogo tiali, te musik wali bidi dao.

Filipai 4:6

Dagego haniani naide moni homu egimio. Te menio. Te dageba pedalobo sę tigidalide dagego Godibolo tede po weyu, tama agabolo buba hwi olama, tama te dagego sǫą pabo naide aga hanalu wao.