Nehemia 11:16 - Godigo dwagi yai po buku

¹⁶ Tama tobolu bidi Sabetai me Josabat sigo te sę dabe te Livai dabego te Godigo tempel be bulu badu ebaso tonaluai.

Nehemia 11:16 Iomraidhean Croise

Tuni Bidi Dabego Po Elalubo Buku Deli 26:20

Te Ahiya, te Livai hani dabede te bidi me deli da, agai te Genuai Bidigo bede munalubo mone mubo be tonalubo tobolu bidi da, tama agai te wiegi yai nai dabe te elalubo be habu te bidi dabego Genuai Bidigo nai da olama dąį ilali nai te tonalubo bidi dabe tobolu bidi dao.

Tuni Bidi Dabego Po Elalubo Buku Deli 26:29

Te Ishar hanigo ogwa dabede, augwaligo te Kenaia dali aga ogwa dabe dali te gavman sę emainu dąį ilali. Augwa te kuskus sę eyu te Israel we bidi dabego po tų odalio.

Esra 10:15

Augwaligo te miani pode tigidali bidi dabego usu da wali, tiali goli Jonatan, te Asahelgo ogwa, dali Jasea, te Tikvago ogwa, augwali sigo homu usu meni yai. Tama Sabetai, te Livai bidi me deli, te Mesulam, augwali sigo me usu isąwai, tama augwali sigo me te Jonatan de Jasea sigo wali poba homu munama, te po dąų walai.

Esra 8:33

Tama te dei namba 4 tede dago te silva me gol me dis pou me tigidali selama, tama te Godigo beba selasa pelama, tama te nai dabego sęgę dagalali. Dagala silama da, teda dago te nai tigidali te pris Meremotbolo mawai, te Uriago ogwa dali, te pris Eleasar, te Finiasgo ogwabolo manio, tama te Livai sibolo me, Josabat, te Jesuago ogwabolo, me te Noadia, te Binuigo ogwa, te tama bidi dabeba te nai dabe mawai dao.

Nehemia 11:15

Te Livai hani tobolu bidi dabe te Jerusalemde bidali te tiwai. Polalubo bidi Semaia aga te Hasupgo ogwa, tama te wąį nǫų Asrikam. Tama te Semaiago wąį nǫų bidi si, te Hasabia me Buni dao.

Nehemia 11:17

Tobolu bidi Matania te Mikago ogwa, tama agai wąį te Sapdi. Aga te Asap hani da. Te Godigo bede lotu po wabo sogo, Matania te bidi dabego gedu haluasa po weyu, Godiba usu da wabo tonalubo polaluali bidi dao. Tama tobolu bidi Bakbukiago te Matania te sę ebo tau sali. Tobolu bidi Apda aga te Samuago ogwa, tama aga wąį nǫų Galal. Aga te Jedutungo hani dao.

Nehemia 8:7

Nosali te we bidi hodaluama, ma dologulalio. Tama te Esrago te bomai po augwaliba neda mabo sogo, te Livai mebago te bomai po page pusa mawai. Te Livai dabego nogi te tiwai, Jesua, Bani, Serebia, me Jamin, me Akup, me Sabetai, Hodia, me Masea, Kelita, Asaria, Josabat, me Hanan, Pelaia dao.