Nehemia 10:39 - Godigo dwagi yai po buku

³⁹ Magi baso meni, te da we bidi me te Livai dabego te hasia podolali tigidali nai te wit me, wain me, te oliv wel me sela aselama, te Godigo nai mubo be habuba muaibao. Tama te dis pou me te be habude munaluai. Tama te Godigo be habu nigilali, tede te pris dabego be habu me, te tonalubo bidi dabego be habu me, te Godigo bede musik wabo bidi dabego be habu me elalua paibao.” “Tama dago te Godigo be tonalubo sę munu me tagalogobeo. Te dąų wali po te ola silali dao.” Te po da, te dąų wali po mu dao.

Nehemia 10:39 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 7:10

Augwali te hulide tama augwali te Samaria buluba ma geasa pai. Tama te taun tų tonalubo bidi dabe augwali i wagi peyu, e tama wai, “Da te Siria bage bidali pesageba pai dao. Tama dago suali, ma bidi me deli bidibo subeo,” wali, “tama te bidi dabego po wabo dago odobeo,” wai. “Te Siria bage augwali pela silai, tama te augwaligo tigidali doado bage te augwa bidali pesagede taga pela silai yalio,” wali. “Tama te doado bage munalubao. Augwaligo te hos kibu, me te donki kibu, me te gebelali haliga augwaligo te peda palebe yalio,” wali. “Menio. Te kibu dabe te haliga kebealu bidibo, te Siria bage bidali pesagede bidibo sualio. Tama te tubo nai me, te tigidali doado bage me, te sel ugwa bede me munalubo,” tama po wali.

Tuni Bidi Dabego Po Elalubo Buku Si 31:11

Tialima kingo pode te sę bidi dabego te be habu me te Genuai Bidigo tempel be obo tomode elalubo be dabede me dodolali.

Tuni Bidi Dabego Po Elalubo Buku Si 31:12

Tama augwaligo te we bidigo Genuai Bidibolo mani te nai dabe me meba gasa nai dabe selama, te be habu dabe tomoba muani. Tama Livai bidi me aga nogi Konaniago te sę tonaluali, tama aga ama Simei aga tudi badu namba tu dolaluali.

Nehemia 12:47

Tama megi da, te Serubabel me Nehemia si bidali sogo, tigidali Israel we bidigo te tigidali side te nai sela aselama, te musik wabo bidi dabeba, me te Godigo tempel be sunumi tonalubo bidi dabeba magasali. Tama te we bidi dabego te wiegi yai nai te Livai dabeba mawai, te ofa God agaba digi mabo tiwai yali. Tama Livai dabego te ofa me pedai deli te pris dabeba mawai, te bomo yai po wali po tiwai gilama yalio.

Godigo Nogi Ugwaba Sabo Tęąbi Po Wabo Buku Dabe 122:9

Eno te dena Genuai Bidi, Godigo beba homu kone paliyu, tama eno te gedu haluasa po obao, te nago tigidali nai te bugagia mu pedalumainao.

Israel Hanigo Namba 18:26

te Livai dabebolo e tama po wao po wali, “Te meba Israel dabego te nogo si nai deli me bogelama, Genuai Bidi mobaso da, tama te nai te Genuai Bidigo dagebolo mawaibao. Tama dagego te nai dabe sabo sogo da, teda dagego te nai dabe bugulama, nogo si nai nigilama, te nai nogo si wali deli bogelama, Genuai Bidi mao, te ofa tiwai mao.

Israel Hanigo Namba 18:30

Te dagego te wiegi yai nai dabe te Genuai Bidibolo polo menama da, tama da, te Livai dabe dagego te me munalubo nai sagameo. Te bidigo ofa elama, te nai meba nosali sabo tiwai yali gilama tama yao.

Bomai Po 12:17

Dagego te nai dabe da tuiagameo. Tiali goli, dagego Genuai Bidigo ofa duga bulude tulamuo. Te ofa nai dabe da e dao. Te nogo si wabo te wit dabe, me te wain, me oliv wel, me te kau kibugo gomunai wai, me sipsip kibugo gomunai wai, me te dagego Genuai Bidi dali dąų wali po usu nabo, te nai dabe me te duga homugo mabo, te ofa me te gasa meba ofa dabe.

Hibru 10:25

Tama tiyu, dago te ama dede dali deliba sisinibo kolesaga te me tagalamuo, te bidi mebago te ebo kolesaga tiwai egimio. Menio. Duga koneani, te dago Genuai Bidi Jisas asabo side bodolu te pąba yagasalio. Tama konealigo da, ama dedego homu kolesaga tau siyu dąų walobo sę bomonama dago yao.