Nehemia 10:37 - Godigo dwagi yai po buku

³⁷ “Tama te tigidali kibu bede dago te hasia nigali bret nigabo plaua dage selama, te dago gide te polasa tau elama inayani naigo te agaga pali wit dao, tama te wain, me oliv wel, tama te tedali tobage ni wai dabe selama, tama dago te nai dabe te pris dabebolo te Godigo beba mawaibao.” “Tama te Livai dabego te dago gide holali nai dabe me deli te nogo si walide sagasainu ebo sogo da, teda dago augwaliba mawaibao.

Nehemia 10:37 Iomraidhean Croise

Tuni Bidi Dabego Po Elalubo Buku Si 31:6

Tama te Juda bulu taunde we bidi dabe augwaligo te nogo si nai te kau kibu me sipsip kibu augwaligo sesali. Tama me augwaligo nogo siba dobalama, tama augwaligo nogo me deli te Genuai Bidi augwa Godiba tagalali. Tama augwaligo te nai dabe sela aselama, tama augwaligo pesage hauwa nigilama muani.

Nehemia 13:10

Eno te tiwai me odali, te Livai dabe, me te Godigo bede musik elibo hani dabe, augwa te Jerusalem tagalama, te augwa tǫba ma pali, magi baso meni, te we bidi dabego augwali nai me masiąwai.

Nehemia 13:12

Tialima, tigidali Judago te wit, me wain, me oliv wel te bugai pedai me deli te ma gagalama, sela aselama, tama te Godigo nai doado bage mubo be habuba ma muai dao.

Nehemia 13:5

Eliasipgo Tobia te genuai be habu me delide bidimainu ilali, augwaligo te ofa yabo wit sisinani madi nigilai, tama te wiegi yai denami pedalubo pauda hano elalubo digi, te Godigo bede sę ebo doado bage mubo madi, te we bidigo ofa te pris dabeba mabo me, te nai dabe me wain, me oliv wel, te we bidi dabego Godiba mabo te pesage habu me deli te nigilali. Godigo te nai dabe te Livai dabe, me te musik wabo bidi dabe, me te Godigo be tonalubo bidi, te augwaligo tuabo nai te nigilama, sa muai.

Nehemia 13:9

Tama eno te pris dabe augwaliba olama, te be habu te augwa ebo kolesaga wali pelama, te Godigo gedude wiegi yai me pedalumainu ilao po wali. Tama eno augwaliba weyu, te Godigo bede sę yabo doado bage te nai tigidali selama, tama te ofa yabo wit, me te wiegi yai denami hano ilibo pauda selama, tama tigidali te be habuba ma muiąo wai dao.

Ma Dobola Sali 13:12

Tama agai te tǫ dageba mabo sogo, tama dagego gomunai ogwa tigidali te dagego Genuai Bidiba mao. Tama tigidali kibu dabego gomunai wai, te me Genuai Bidigo naga dao.

Ma Dobola Sali 13:2

“Dagego gomunai ogwa tigidali enabolo mao. Dage Israel hanigo gomunai ogwa tigidali, me te dagego tigidali sipsip, meme, bulmakau gomunai omai wai dabe me, te enaba naga mao. Augwali te eno tedali muani nai dao,” wali.

Pris Sę Ebo Bomai Po 23:17

Te we bidi wai augwali deli delide bret si seselama, enabolo te gesi wit ofa mabo tiwai yao. Dagego te sęgę kilogram si yai plaua si te bret deli deli nigabo usu selama, te yis dali taluama ulao, te Genuai Bidi, enaba te bret ofa yao. Te prisgo nogo tolaluyu, eno gedude iba eda yao.

Malakai 3:10

Dagego duga doado bage tigidali dobolama, te nogo si pedai elaluyu, te me deli te eno beba sesao wali. Tama eno sę bidi dabego nai hauwa elaluaibao. Dagego tama tibaso da, te eno wiegi yai doado bage hauwa umabo dageba mayu, te dage me sǫą pogobeo, te nai mubo madi te usu egobeo. Te sunumi wali pobaso da, te dagego koneyu, te eno po tigidali mu po dao waibao.

Malakai 3:8

Tialima eno dagebolo obao, dagego eno nai wi sali. Dagego homugo te dwagi yai kolesaga da homu eba, agawe? Mu menio. Tialima dagego e tama tebo dao. Nosali dagego enaba ma hanalu wai, ‘Magi ilama nago nai dago wi saliwe?’ Te bomai pode enaba mao wabo nai te dagego ma tolalubo dao.

Israel Hanigo Namba 18:15

Te Israel dabego gomunai wai dabe, me hasa dabego gomunai wai dabe, augwaligo enabolo ofa sesebo, te me dagego mu dao. Tiali goli, te hasa meba augwali te ofa maiabo wiegi yai nai mu menio, te tobage hasa gomunai wai dabe te ofade sigio. Te page bidigo monego te hasa gomunai wai hasegeleyu, tama te mone nago sao. Te me te Israel dabego augwa gomunai wai augwali monego hasegelama abelemainao.

Israel Hanigo Namba 18:18

Tama te ofa ebo nai mi dabe te dagego dao, te dagego te Israel dabego mabo ofa eno gedude ugwaba edaba te hogayali, te ofa bau me, dolo sągą me mabo ofa tiwai dao, te dagego sabo nai dao.

Israel Hanigo Namba 18:21

Tama Genuai Bidigo po genina ma weyu, e tama po wali, “Te Israel dabego te nai dabe nedama, nogo si wabo nai deli me bogelama, enaba magasobo si da, teda eno te nai deli dabe te Livai dabe mawaibao. Te da, te augwaligo pe tiwai, te sę ebo masigi tiwai sabo dao, te eno ugwa bede sę ebo pe tiwai dao.

Polgo Po Pas Rom Dabeba Asęani 11:16

Te po digi po si begelama tama eno dagebolo obao. Te Juda dabe augwaligo tubo nai bret nigibo si, tama hasia augwaligo te dwasianu pedai bret nigibo plaua te Godibolo hasia mabo dao, te Godigo nai dao, te po wabo dao. Tama tibaso, dago koneani, te plauago nigibo bret tigidali te Godigo nai dao. Tama te ni pedali dabe te Godigo da wida, teda te ni nologo dabe augwali me te Godigo naga dao. Tama te tiwai me te Juda dabego wąį dabe augwali Godigo we bidi bidalibaso, te megi bidibo Juda bage me te Godigo we bidi me bidibao.

Bomai Po 14:22

Mosesgo te po wali, “Dagego tigidali nai dabe dagego tigidali sogo kibu bede duga gide siyu eba, dagego nogo si pesage holama, tama dagego pesage deli muao.

Bomai Po 18:4

Tama me dagego te hasia inabo wit meba, me wain, me oliv wel, me te sipsip nisi selama, tama te pris bidi dabebolo mao.

Bomai Po 26:2

teda dagego te bulude hasia inabo gide nai dabe sabo sogo, dage deli deligo te Genuai Bidibolo magasao. Tama te basket wade bulama, tama Godigo sa munama elaluabo te pesageba selasa pao.