Nehemia 10:31 - Godigo dwagi yai po buku

³¹ “Tama te bulu badu hani bidi dabego te nai wit ma gasa tobage nai te Sabat sogode, ma gasa genuai lotu wabo sogode sesebaso da, teda dago me abeligobeo, wali.” “Tama te kibu be a naga olama, me badu nogi si, te wabo kibu bede dago te gide nai me bulugobeo, wali. Tama dago te kibu bede te tigidali negeli elalubo siminaibao.”

Nehemia 10:31 Iomraidhean Croise

Tuni Bidi Dabego Po Elalubo Buku Si 36:21

Te Israel dabe augwali augwa tǫde bidibo sogo, augwaligo augwa tǫ tigidali namba 7 wabo kibu bede augwaligo olo me tagalai menio. Tama tialima, augwali te Babilonde kalabuside bidibadi augwaligo tǫ olo bugagia toma tuyu, kibu be 70 olo toma tuali, te Genuai Bidigo te profet Jeremaiago pedauwalidu pusali po usu nigi pali.

Nehemia 13:23

Te sogo me eno te tiwai konea pali, te Juda bidi mebago te tǫ Asdot pedai we dabe, me Amon, me Moap we dabe sai.

Nehemia 13:27

Dago te dagego ebo te dwai kolesaga wali pelama, tama dago te bulu badu hani we dabe sobaso da, teda dago te Godigo po sela sąwaibao. Dagego homugo dago te tama tiwai emainogo eba, agawe?” wali.

Ma Dobola Sali 12:16

Te hasia deli sogo, me te a naga olama, me badu si sogo, dage sisinama, lotu po wao. Dagego te si sogo gasa sę me igio. Dagego duga tubo nai dabe naga dodolao. Te sę ebo naga te usu da.”

Ma Dobola Sali 20:10

Tialima, te a naga olama me badu nogo si wali, te me deli sogo te nago Genuai Bidi, God eno side dao. Te olo bidibo Sabat side nago sę me igio, tama nago ogwa dabe me, wegi dabe me, sę ebo we bidi dabe me, te nago sę ebo kibu dabe me, te nage dali bidibo gasa bulu tǫ bidi dabe me, dage tigidaligo te side sę me igimio.

Ma Dobola Sali 34:16

Tama tiyu, dage Israel gesi bidi dabego te gasa hani gesi wegi mani sabuo. Te dagego tama tiali da, teda te we dabego te augwa bidi kekelama, tama te bidi dabe augwaligo ena tagalama, tama te tibo god dabeba lotu waibao. Te eno gedude te kolesaga te penani ela bilibo kolesaga tiwai yaibao.”

Aisaia 58:6

“Eno te tobage kolesaga godolo homu me ebeo. Eno homugo dagego te haniani dwai kolesaga mu ebo habu selama, te gasa we bidi dabe elaluama, te dolobo kolesaga me habu selao. Te we bidi dabe te hobedagia kalabuside bidiyu, dagego augwali te bono me sengo kęnani, tama augwali te bulmakau tiwai dagego te ni nami augwa dogonide kęnama, te duga sę emainu ebo tiwai eyu tonalubao. Te dagego augwaliba wiegi yai kolesaga eyu, te augwali olo pomainu tagala palao.

Pris Sę Ebo Bomai Po 16:29

Genuai Bidigo po e tiwai ma wali, “Dagego te bomai po sesemane sogo wali piduao. Te polua a naga olama, me badu nogo si wabo polua, te dei 10de, dage tigidali Israel dali te gasa hani dage dali bidibo we bidi, dage te nai tubo habu selama, te wiegi yai pemene ebo sę me habu selao, tama dagego sę tagalama, te dage toma tuao.

Pris Sę Ebo Bomai Po 23:21

Dagego te ofa ebo side dage sisinama, lotu wao. Dagego duga sę dabe te side me elamuo. Te duga wąį nǫų dabe te nosali nosali pedelama, te menade bidibaso, tigidaligo te bomai po sesemane wali pidubadi geao,” te po wai dao.

Pris Sę Ebo Bomai Po 23:3

Dagego sę yabo side te a naga me deli sogo elalubao. Tialima, te Sabat side da, te toma nabo side naga elalubao, te dagego sę me igio. Dage sisinama, lotu waiyąo. Te Sabat side dage menade bidali tagalao, dagego te ena Genuai Bidigo bodolu muani side da homu yao.

Matyu 6:12

Tama dago homugo nago dago dwai sę yali sela sąyao. Te bidi dabe augwaligo da dali dwai sę elama, tama dago augwaligo te dwai sę yali sela sąbo tiwai yali gilama tama nago dago sęgę sela sąyao.

Kolosi 2:16

Krais aga isaligo te da po tų yabo sę silibaso, dagego bidi me deligo dagebolo po weyu dagego tubo naide me, tubo ąįde me te bomo yai po mabo gogolamuo. Te lotu po wabo tedali sa muani sogo dabe dali, te yaluai polua sogode wabo lotu dali, te Sarere deli deli toma tubo sogode me, te sogo tigidalide te bidi me deligo dagebolo bomo yai po mabo gogolamuo.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.