Nehemia 10:29 - Godigo dwagi yai po buku

²⁹ da te dena deli kaneme dabe dali, me te dago tobolu bidi dabe dali sisinagaselama, dago bomo yai po dąų waliyu, te dago Godigo bomai po sesemane sogo wali paibao wai. Te bomo yai po te Godigo te dago wąį nǫų dabeba mayu, te aga sę bidi Mosesgo nogoba mawai. Dago Genuai Bidigo te tama po wai, dago te bomo yai po dabe te bugagia wali peyu, te agai po tigidali me wali pao wali. Tama tibaso, dago te po bomai weyu, te dago wali paibao wali, tama dago te bomai po togolobaso da, teda te Godigo da dolomainao.”

Nehemia 10:29 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 10:31

Tama me te Jehugo te Israel bidi dabego Genuai Bidi Godigo te tigidali bomai po te agai bugagia bomo elama, wali pabe. Menio. Agai te king Jeroboamgo yali kolesagadu wali pali, te kingo te polobadu agai te Israel hani augwali kegelama, te augwaligo te dwai sęgę ebo kolesaga yai.

Te Israel me Juda Hani Sigo Tuni Bidigo Po Elalubo Buku Si 23:3

Te king aga te Genuai Bidigo be mabo dolo elalubo bobobage pos dolalubo madigi aga dolaluali, tama agai te Genuai Bidi dali e tama bomai po dąų wali. Agai te tigidali te bomai po te buku tomode muani po wali paibao wai. Agai te po bodolu selama polali deli homu naga, deli kolesaga naga tigidali bomai po me, me te Genuai Bidi agai po me wali mu paibao. Tama te tigidali we bidi dabego me augwali tigidaligo te bodolu selama, dąų wali po delidu naga wali paibao olama, polali.

Tuni Bidi Dabego Po Elalubo Buku Deli 9:2

Tama nosali te Israel hani dabe meba te kalabus igi pali bulu tagalama, te augwa page bulu, te augwa tǫba me augwa taunba bidagasalio. Te tomode te hasia polasa ma asali hani dabe e tama da, te pris hani dabe me Livai hani dabe badi, te augwa bulali wąį nǫų hani wai dabe te Godigo be tomode sę yali hani bage badi, te gasa we bidi dabe augwali me te polasa ma asai dao.

Tuni Bidi Dabego Po Elalubo Buku Si 34:31

King aga pesagede dolaluyu, tama agai Genuai Bidi dali po dąų wali. Te agai te we bidigo te bukude elalubo po tigidali wali paibao olama, po dąų wali. Agai po dąų weyu te po wali, “Eno tigidali kolesaga me homu kolesaga sese deli naga yaibao, te Genuai Bidigo tigidali bomai po me tigidali po wali paibao,” wali.

Tuni Bidi Dabego Po Elalubo Buku Si 6:16

Tama megi da, Genuai Bidi, da Israel dabego God, eno nago eno aya Devit dali po me dąų wali te po me kone palao homu ebao. Nago agabolo e tama po walai dao, ‘Devit, te nago wai pulubago ena wali tigidali sogo peyu elama, tama eno gedude bugagia dolasa biliyu ebaso da, te nago ebo tiwai ebaso da, teda eno tigidali sogo nago hani bidide te Israel dabego king bidi pedalomainogo iyu yaibao,’ wali.

Nehemia 13:25

Tama eno te bidi dabeba wado ilama, tama eno meba elama, tama mebago tobolu nisi guda sąwai. Tama eno te tiwai po augwaliba wali, “Dagego te dwai kolesaga ebaso, tama eno homugo Godigo dage dolainogo yaibao.” Tama eno te bidi dabego te Godigo nogide bomai po dąų walomainu ilali, te augwa dali, te augwa wai dabego me, te gasa bulu tǫ pedai we bidi hani dali we si ebo munu ma elamu dao po wai.

Nehemia 7:46

Te Godigo tempel bede sę ebo sę bidi dabe te Jerusalemba ma asali, augwali te hani Siha, me Hasufa, me Tabaot dao,

Nehemia 8:3

Tama aga dolugulama, te bomai po te we bidiba te kigamu mu nedada pidubadi, te belo giliga tomo yagasobadi, te nai tubo siba usu nigi pai. Tama augwa te Esrago poba olo bugagia muai. Tama te olo bugagia munama, te po selama, koneabo usu ebo wai dabe, augwali me te sisinibo madide bidai dao.

Nehemia 9:2

Te we bidi augwaligo te Israel hani isąwai hani bidi dali kisasa bilali kolesaga te tagalali. Tama augwali dolalu, te augwa sęgę me, te augwa wąį nǫų dabego sęgę me pusali.

Nehemia 9:38

Te gedu haluasa po ola silama, da tigidali Israel we bidi da tigidaligo te daba pedalubo sęgęde homugo kone palama, tama dago homu deli elama, tama tialima te Godigo bomo yai po dago wali mu pabo homu eyu, tama te da dąų wabo bomai po me deli asęani. Tama te dago pris dabe dali, te Livai dabe, me tobolu bidi dabe, augwali aselama, tama te kontrak asęani pode augwa dąį ilama, tama te po bomo elama dąų walai dao.

Godigo Nogi Ugwaba Sabo Tęąbi Po Wabo Buku Dabe 105:45

Agai tama tiwai, te Israel hani augwaligo agai tigidali bomo yai po wali pomainogo tiwai. Tama Genuai Bidi agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 119:106

Eno po dąų weyu, te eno nago doloba pai po tigidali wali paibao po walio. Tialima, eno te tiwai tama yaibao. Eno tibo po me wagobeo.

Godigo Nogi Ugwaba Sabo Tęąbi Po Wabo Buku Dabe 8:1

Yawe, nage dago Genuai Bidi da, tama te tigidali tǫ badu te nago nogi te mu polalubao. Nago genuai nogi dali, nago bomo dali si te ugwanu mu elaluyu, te dagalu aiyaba mu elalubao.

Godigo Nogi Ugwaba Sabo Tęąbi Po Wabo Buku Dabe 8:9

God, nage dago Genuai Bidi da. Te tigidali bulu habude te nago nogi te mu polalubao.

Aisaia 14:1

Genuai Bidigo aga Israel we bidi hobede ma elama, augwali tau siyu, tama augwali aga we bidi tiwai dąį ma ilaibao. Tama agai augwali augwa tǫba ma odasa paibao. Tama gasa hani we bidi augwali dali bidagaselama, tama augwali te Jekopgo hani dali taluama, augwali Israel we bidi mu pedelaibao.

Jeremaia 26:4

Nago te po augwaliba mao, ‘Genuai Bidigo dagede te tiwai po elalubao. Dagego Genuai Bidi eno po odama, tama eno dageba mani bomo yai po wali pao,’ wali.

Jeremaia 34:15

“Hasia dagego me te po wali me pisąwai. Tialima, te sesabi elama gana bidisiąbadi, te dagego haliga begelama, te doloba pai kolesaga eno gedude yalio. Te dage deli deligo te abagi dabeba weyu, augwali munu me te olo sę ebo bidi me sę ebo we bidigio wali. Tama me, dage te eno bede dolalu, te eno gedude bomo yai po dąų wali, te abagi dabe augwali olo pomainao olama, tagala palai dao.

Esekiel 36:27

Tama eno dagebolo ena mobo bidi dagebolo mawaibao, tama aga dagego homude bidaibao. Tama eno dage homu hogodolama, tama dagego eno bomai po, me eno gasa po wali bugagia pomainu ilaibao.

Pris Sę Ebo Bomai Po 20:26

Dagego te dwai kolesaga dabe tagalama, te wiegi yai tedali mu bidiyu, te eno wiegi yai doloba pai kolesaga naga wali pao, magi baso meni, ena digi ena tedali wiegi yai elaluyu, te eno kolesaga tigidali te wiegi yai doloba pai mu elalubao. Te ena Genuai Bidi, eno dage te gasa hani bage tomode sali, te dage ena bage naga elalubao.

Malakai 4:4

“Dagego te eno sę bidi Moses nogoba te Sainai bulu dude mani po dabe me bomai po me te munu me tagaligio. Eno te po agabolo mani te tigidali Israel we bidigo wali pomainu yai dao,” Genuai Bidigo te po wai.

Israel Hanigo Namba 5:21

Tama pris bidigo po geninama weyu, e tama po wao, ‘Tialima, nago te sę mu tama yai da wida, te Genuai Bidigo nage dwai olo nai tiwai ilaibao, te we bidigo gedude, tama agai nago tabi bǫ delama, tama nago nai dagana somainu yaibao.

Dwagi Yai Gesi Po Jongo Asęani 1:17

Te bidi nogi Moses agai da Juda dabego wąį mu augwalibolo agai Godigo bomo yai po ola mawai. Tiali goli, Jisas Krais agai genuai olo tau sabo sę dali mu po dali si magasai.

Dwagi Yai Gesi Po Jongo Asęani 15:14

Tama dagego eno wali po selama, te po bugagia wali asobaso da, teda dage eno abagi dabe dao.

Dwagi Yai Gesi Po Jongo Asęani 7:19

Polobadu Mosesgo dage te Godigo bomo yai po mawai dao. Tialima, dage tomode bidi mego te bomo yai po wali pabo menio. Magi baso dagego ena elainogo ebawe?” Jisasgo te po hanalu wai.

Godigo Sęba Tagala Palai Bidigo Po 11:23

Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.

Godigo Sęba Tagala Palai Bidigo Po 17:34

Tama bidi me badu augwali augwa homu Jisasba mu muani, tama augwali Pol dali pali. Te bidi me deli aga te Areopagusde bidibo kaunsil bidi, agai nogi Dionisius da, te we me deli agai nogi Damaris, augwali si me, gasa bidi dabe me badu me, augwali tigidali augwa homu Jisasba muani.

Godigo Sęba Tagala Palai Bidigo Po 23:21

Tiali goli, augwaligo wabo po nago ‘Au’ wagio. Te augwaligo bidi sese si bidi tųba nǫ muagasaibao, Pol pabode elainogo yaibao. Tama augwaligo God gedude Pol elaibao po polai dao. Augwaligo Pol elainu, te nai me, ąį me osogo gisilali. Augwaligo te po dola selama, nago ‘Awe, Pol te kaunsilba pagameo’ po wabo wenama tonalubo,” te gesi bidigo te po wai.

Polgo Po Pas Rom Dabeba Asęani 12:9

Duga hasi dagego duga ama dabebolo dwagi yai homu eyu godolo eba wida, teda dagego homu mu naga eyu augwali godolo mu ela pao. Tama tiyu, dagego te dwai kolesagaba tudi mu ola menama, tama dagego te wiegi yai kolesagaba homu mu kęą sao.

Bomai Po 33:4

Ena Moses dao. Eno te Godigo te bomai po dagebolo mani dao, tama dago wali pinao. Te bomai po da, te dago kantride polaluabo po mu dao.

Bomai Po 5:1

Te Mosesgo Israel we bidi tigidali i ola sisinama, tama agai augwalibolo te po walali, “Dage Israel dabe, dagego eno megi dagebolo mawainogo ebo te bomai po odiąwe. Dagego te bomai po konea sao, tama bugagia wali piąo.

Bomai Po 5:32

Tama Mosesgo augwalibolo te po wali, “Dagego bugagia tonaluiąwe, God dago Genuai Bidigo dagebolo mani te tigidali bomai po dabe wali piąwe. Dagego te bomai po me deli geda munamo dao.