Nehemia 1:6 - Godigo dwagi yai po buku

⁶ Genuai Bidi, te giligade me hulide eno nageba hanalu, te Israel dabe tau sao obao, te augwali nago sę bidi me sę ebo we dabe dao. Tama tialima, eno homugo nago eno te gedu haluasa po wabo te bugagia odao. Eno te tiwai hania hanilama mu obao, ena dali, te eno wąį dabe dali, dago te dwai sęgę salio. Tama dago naga te sęgę me ebeo. Menio. Te Israel we bidi tigidaligo te sęgę sela silai dao.

Nehemia 1:6 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 8:30

Genuai Bidi, nage te naga bulu te dagalude bidibao. Tiali goli, te ena nago sę ebo bidi me te Israel dabe, te naga we bidi hani dabego, te beba tonalu, te nageba gedu haluasa po obaso da, teda nago dago te gedu haluasa po wabo odolama, tama te dago sęgę sela sąyao,” po wai.

Te Israel me Juda Hani Sigo Tuni Bidigo Po Elalubo Buku Deli 8:47

tama nosali augwali te boi bidi dabego bulu tǫde bidiyu, tama augwaligo te augwa yali dwai sęde homu hauwa kone paliyu, te augwaligo homu begelibaso da, teda Genuai Bidi, nago augwaligo te gedu haluasa po wabo odao. Mu tama, augwali te boi bidi dabego tǫde kalabuside bidiyu, tama augwaligo nageba konealubo homu dąų weyu, te nageba naga homu koneyu, tama ge nenama, homu mu begelama, tama augwaligo te nago augwaligo wąį nǫų dabeba sa muyu mani te tǫba tonalu, te e hanuba dali te nago eno sę yani beba tonalu, te we bidi dabe nage pąba asainu ebo homu elama, tama te augwaligo gedu haluasa po te tama waibao, ‘Te hobede mu da, da te dwai sę ebo kolesagade biliyu, tama te dwai kolesaga haniani yali dao,’ te po obaso da, teda nage te naga bulu dagalude bidiyu, tama te nago augwaligo gedu haluasa po wabo odolama, te nago olo tau mabo wiegi yai kolesaga eyu, te augwali tau sao,” po wai.

Tuni Bidi Dabego Po Elalubo Buku Si 28:10

Tama me ma dagego Juda we bidi me Jerusalem we bidi dagego duga olo sę ebo we bidi gagalainu odasa asalio. Mena tama tialiwe? Dagego homugo dage Genuai Bidi duga Godigo gedude dage bugagia bidiba homu yaliwe?

Tuni Bidi Dabego Po Elalubo Buku Si 29:6

Dago wąį dabego dago Genuai Bidi dago Godigo po bugagia mu me wali pabeo, tama augwaligo agai gedude dolo isąwai kolesaga iyu yalio. Augwaligo God tagalama, tama augwali aga bidibo be taga peyu, tudi ola mawai dao.

Tuni Bidi Dabego Po Elalubo Buku Si 6:40

“O eno God, eno homugo tigidali sogo nage pąde tede bidiyu, tama nago dago gedu haluasa po wabo wei ponainogo nage pąde bididuao, te nago be elalubo madi.

Esra 10:1

Esra te Godigo be sunumi pąba pelama, tama aga digi te tǫba degasa dulama, tama aga gela weyu, tama te dwai sę yali sęgę sela sąbo po pusalio. Agai te tama tidubadi, tialima te genuai hani Israel we bidi wai puluba te aga pąba sisinagaselama, tama augwali me te dwai homu dene ebo gela mu walio.

Esra 10:11

Tialima, odao. Dagego duga te dwai kolesaga yali sęgę te Godiba pusuiąo, te dago wąį nǫų dabego Genuai Bidi dao. Tama dagego te agai wei elama godolo yabo kolesaga tigidali wali piąo. Tama dagego te dago tǫde bidibo te bidi hani dali kisiligi me pigimio, tama dagego te bulu badu te Godigo po wali pisąbo hani we dabe sali te sela sąiąo,” po wai.

Nehemia 1:11

Tama da tigidali Israelgo te nageba wiegi yai homu pemene elama, tama nago nogi ugwaba sobao. Tama eno homugo megi nago te tigidali Israelgo gedu haluasa po wabo odomainu homu ebao. Tama me te nago megi eno e gedu haluasa po wabo me odao homu ebao. Tama eno te king sugi pabo si da, teda nago digi te kingo ena homu dene emainu ilama, tama agai ena tau somainu yao.” Eno te gedu haluasa po te ena kingo sę bidi bidali sogo wali. Eno sę te kingo wain ąį tonalubo sę yali, tama te wain wę sela pelama, te kingo tumainu magi pabo sę yai dao.

Godigo Nogi Ugwaba Sabo Tęąbi Po Wabo Buku Dabe 102:17

Tama agai te aga we bidi dabego gedu haluasa po odaibao, te polobadu agai augwali tagalama, te augwali odolali bidali. Te agai augwaligo gedu haluasa po wabo te tudiba ma mugobeo.

Godigo Nogi Ugwaba Sabo Tęąbi Po Wabo Buku Dabe 106:6

Dago te dwai sę yalio, te polobadu dago wąį nǫų dabego yali tiwai sę yalio. Dago te dwai sę haniani yai.

Godigo Nogi Ugwaba Sabo Tęąbi Po Wabo Buku Dabe 130:2

Genuai Bidi, eno gela wabo odao. Te nago ena tau sao olama, te eno nageba i wabo odao.

Godigo Nogi Ugwaba Sabo Tęąbi Po Wabo Buku Dabe 32:5

Nosali eno sęgę te eno nageba pusali. Eno ena yali dwai kolesaga geme me dualubeo. Eno te homu yali, eno te bomai po bolali kolesagade sali sęgę tigidali eno te Genuai Bidiba pusabo homu yali. Eno hania pusula silibaso, tama nago eno yali dwai sę me, eno sęgę me, sela sąwai dao. Tama tiyu, nago ena tede nosali elegobeo wali.

Godigo Nogi Ugwaba Sabo Tęąbi Po Wabo Buku Dabe 34:15

Genuai Bidigo te doloba pai bidi dabe tonalubao, tama agai te augwaligo usu da weyu, gedu haluasa po wabo odobo dao.

Godigo Nogi Ugwaba Sabo Tęąbi Po Wabo Buku Dabe 55:17

Te kigamude me, te genuai giliga nanobode me, te hulide me, te sęgę dabego ena dolobaso, tama eno agaba gela wabo da. Tama agai eno gedu haluasa po odoyu yaibao.

Godigo Nogi Ugwaba Sabo Tęąbi Po Wabo Buku Dabe 88:1

God, Genuai Bidi, nago ena tau sabo da. Te giligade eno nageba i weyu, te ena nago tau somainu yai, tama hulide me eno nageba gedu haluasa po wabo dao.

Aisaia 6:5

Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Te We Bidi Dabego Jerusalem Hagede Gela Wali 5:7

Dago wąį dabe augwaligo polobadu te dwai sę yai digi, augwali polo isila palio. Tama megi da, da augwaligo dagede da sęgę tolobao.

Daniel 9:15

“God, te dago Genuai Bidi, te nago bomo te dabolo ola mayu, te da te bulu Isip kantride kalabus sę yali sogo, te nago da sela asali. Tama megi me, te gasa bulu tǫ kantri we bidi dabego nago te yali bomai sęde homu kone palama, tama augwaligo nageba genuai nogi mawai. Mu tama, dago dwai sę elama, tama dago dwai kolesaga hauwa yai dao.

Daniel 9:20

Ena Daniel, eno gedu haluasa po odubadi, tama ena sęgę, me eno we bidi dabego sęgę, te hania pusubo sę yali, te Israel dabe dao. Tama eno Godiba hanalu wali, ena Genuai Bidi, te aga be te bulu dude ma sę emainu yali.

Daniel 9:4

Tama eno te Israel we bidi dabego sęgę te Godiba pusali, eno Genuai Bidi da. Eno te tama po wali, “God, Genuai Bidi, nage polalubao, tama dago nago nogi ugwaba sobao. Sesemane sogo nago te naga da dali dąų walali po wali pai. Tama eyu, sesemane sogo te nage godolo elama, tama nago po wali pabo we bidi dabe te nago augwali godolo mu ebo dao,” wali.

Daniel 9:5

“Da te dwai we bidi mu dao. Dago te sęgę sabo sę eyu, dwai sę nageba yai. Dago nago po sela sąyu, tama dago te nago dabolo yao wali te wiegi yai doloba pai kolesaga me isiąwai.

Daniel 9:8

“Genuai Bidi, te dago king dabego me, tobolu bidi dabe me, dago wąį nǫų dabego dwai kolesaga elama, tama nageba dwai sęgę yai sę dabe nagebolo yai dao.

Dwagi Yai Gesi Po Lukgo Asęani 18:7

Te God aga sa muani we bidi augwaligo ulade me, hulide me aga hanalu wabo si, te God agai augwali tau magowe, ma magobewe? Agai bobenu bidama, tau sogowe?

Efesus 2:3

Tama da me, da tigidali polobadu te hani tiwai bidaluali. Dago tigigo tǫde ebo dwai dwai kolesaga wali peyu, tama dago tigide pusu yabo kolesaga ela piduai. Dago homude pusu yabo kolesaga me dago ela piduai. Tama te kolesaga edubadi, Godigo da dali sębę eduai, agai te gasa we bidi tigidali dali sębę iduali tiwai. Tama God agai da eligi sogo da, teda te dolo egi dao, po meni.

2 Timoti 5:5

Tama we aga bidi isai madi, tama we agaduba mu bidiyu aga tau sabo bidi meni baso da, teda te wego te tiwai kolesaga ebo dao: agai Godiba tialuyu, tama Godigo aga tau somainogo eyu giligade me hulide me te agai Godiba gedu haluasa po weyu ena tau sao wabo dao.

Polgo Si Wali Pas Timotiba Asęani - 2TI 1:3

Te eno wąį dabego Godigo kolesaga wali pali, te tiwai naga gilama eno me wali pobao. Tama eno te dwai sę dali dwagi yai sę dali dagalabo homugo kone paluyu, eno te ebo kolesaga te dolo mu ebo homu ebao. Tama eno gedu haluasa po wabo, te eno hulide me giligade me obao, sesemane sogo te eno nage homugo koneama te Godibolo buba hwi weyu, te nage usu da po agabolo wabo dao.

1 Jon 1:9

Tiali goli dago yali dwai sę dabe po dago te Godibolo pusuyu da, teda agai aga polobadu dąų wali po wali peyu, tama agai da dali te doloba pai kolesaga naga eyu yaibao. Agai dago dwai sę yali sela sąwaibao, tama dago yali dwai kolesaga tigidali agai sela sąnama tama da te meda isąwai we bidi ilaibao.

1 Samuel 15:11

“Odao. Solgo ena tudiba munama, tama eno po sela sąwanio. Tama tibaso, eno aga te king pedalumainu ilali tama eno tede homu dene mu ebao,” wali. Samuelgo te po odama, tama aga homu sęgę eyu, tama haliga dwai yali. Tama te sogo hulide Samuelgo te Genuai Bidiba hanalu, te olo tau sabo wiegi yai homu kolesaga te Solba emainu yali, tama be posobo side te agai gedu haluasa wali po te silagasu, gedu haluasa po walio.