Nehemia 1:2 - Godigo dwagi yai po buku

² Tama te sogo Hanani, te eno ama me deli, te hani bage me deli dali, augwa te Juda tǫ taga soyu, tama digibulu aselama, te Susa taunba sabolali. Eno augwali sisinama, tama eno augwaliba te tama po hanalu wali, “Eno te Juda hani dabe meba te kalabus yagasali pesage, e Babilon bulu tagalama, te Jerusalemba ma pali bagede, te po eno koneainogo hanalu obao,” wali. “Te augwali bugagia bidibawe, ma meniwe? Tama te taun Jerusalem me, te bugagia elalubawe, ma meniwe?” Eno te po te bidi si hanalu wali.

Nehemia 1:2 Iomraidhean Croise

Tigidali Nai Gagalama Nigali Side 14:10

Tama te Sidim odogo tǫde te kolta sabo tǫ dedage hauwa elaluai. Tama te Sodom de Gomora gavman tuni bidi si augwa bidi dabe dali te boi hwįbaso, wi painogo homu yali, tiali goli augwali meba te kolta sabo tǫ dedage dabeba tulaluali, tama isali. Te augwaligo ami bidi dabe meba te bulu du bageba wi pai.

Te Israel me Juda Hani Sigo Tuni Bidigo Po Elalubo Buku Si 24:14

Tama te king Nebukatnesar agai te tigidali te Jerusalem bulude bidali we bidi dabe tigidali me, me te tigidali gavman ofisa bidi dabe me, tama me te boma pai ami soldia bidi dabe me, te we bidi dabe tigidali, te 10,000 usu bidi dabe agai selasa, te Babilon buluba pai. Tama me te agai te tigidali bidi dabe te haniani nai dabe nigibo konea pai bidi naga selama, tama me te ain nigibo konea pai bidi dabe me, agai selasa pali. Tama agai te bidi dabe augwali tigidali te Babilon taun buluba odasa pelama, te kalabus iligi pali. Tama agai e tama tiali, te tigidali te haniani nai dabe mu meni yai bidi dabe naga tagalama, te Juda hani augwa bulude bidibadi taga soali.

Te Israel me Juda Hani Sigo Tuni Bidigo Po Elalubo Buku Si 25:12

Tialima, me badu Juda hani we bidi dabe augwali te me badu te tigidali doado bage dabe meni yai we bidi dabe, tama te augwali te bidi Nebusaradango augwali tagalama, tama augwali bidaluyu, tama augwaligo te wain gi dabe me, me te gasa gasa gi dabe me augwaligo tonaluali.

Esra 9:14

Tama tiyu, te dago nago po ma sela sąyu, tama dago wegi te hani bidiba mayu, te dago augwali hani wegi ma siyu, te haniani dwai kolesaga ebo te dwai mu ebao. Dago koneanio, te dago augwali hanigo wegimani sobaso da, teda nago haliga sębę dwai mu elama, tama nago da dolama, tama da tigidali silimainu yaibao, tama da me deli te me bidigobeo.

Nehemia 7:2

Tama eno te Jerusalem tonaluabo bidi si nigilai. Bidi me deli te Hanani, eno ama da, tama gasa bidi me te nogi Hanania da, te Jerusalemde ami bidi dabego polalubo ofisa bidi da. Hanania aga doloba pai bidi mu, tama te God dologode mu bidai. Agai kolesagago te gasa bidi dabego kolesaga aiyaba elaluai dao.

Jeremaia 44:14

Dage megi Isipde bidibo dwasianu Juda hani, dagego te Juda tǫba ma pabo homu godolo ebao. Tiali goli, te dageme deli te dolabo sęgo geda munama, te duga tǫba mepogobeo. Dage tigidali dolaibao, te deli deli bidi naga wipeyu, ma paibao,’ Genuai Bidigo te po wali.” Jeremaiagote Isip tǫde bidali Juda dabebolo te po pusali.

Esekiel 6:9

Augwali te digibulu bulude bidibo sogo augwaligo ena homu kone palaibao, tama augwa te tiwai koneaibao, te augwaligo tibo godiba gedu eyu, te wali pali kolesagago ena haliga sęgę mu ilama, tama ena augwaligo mu tagalalio. Tama augwa te yali dwai kugumini yai kolesagade hale dwai mu eyu, tama tiai sę yai dao.

Esekiel 7:16

Te me badu usu yali da, te augwali bulu duba wi pelawaibao. Tama te tigidali wi pali we bidigo te augwa yali dwai kolesagade homu kone palama, te augwa haliga sęgę elama, dwai gela waibao, tama augwaligo gela wabo te odogo bulude bidibo ba dabego gela tiwai pedelaibao.