Biblia Todo Logo
Bìoball air-loidhne

- Sanasan -




Nahum 3:3 - Godigo dwagi yai po buku

3 Te boi hwįabo bidi dabe te hosde dualama, te udada asiyu, te augwa bainat hwą me sesemone te dula gegemane ela asobo tiwai yaibao. Tialima augwaligo te bidi hauwa ela munama, te augwa tigi dabe pesage holaibao, te bidigo nedabo usu me egobeo. Te soabo bidi dabe augwaligo te isali bidi dabe tigi daide agaga soaibao wali.

Faic an caibideil Dèan lethbhreac




Nahum 3:3
10 Iomraidhean Croise  

Godigo te bidi me we me sela sąnama, tama agai te bomai mobo ensel bidi tiwai, te bage te Iden giba muani. Tama agai te gegemani yai moni hwą ge me deli munama, tama te tigidali habuba bebegeli bebegeli bilibao. Te mobo ensel tiwai dabe dali, te moni hwą ge dali sigo tonalubao, tiyu bidi me deli te bidibo ula mabo ni pageba pedalidali weyu tebo dao.


Tialima, megi hulide tama, te Genuai Bidigo sę ebo ensel mobo bidi me deli te Asiria hani bidibo pesageba pelama, tama te 185,000 ami soldia bidi elama, isilali. Tama te do kigamu mu te king Senakerip aga hodaluama, te ami soldia bidi dabe isali tigi suali.


Te augwali tigi dabe te bidi dabego pubalubo usugobeo. Menio. Te bulu tǫ dabede danamu pelayu, te bulude dwai kugumini mu yaibao wali. Te augwaligo kaneme dabe te bulu du dabede pągąnalueibao wai dao.


Tialima, te sogo hulide naga, te Genuai Bidigo ensel mobo bidi me deli te Asiria dabe bidalubo pesageba pelama, te umabo bidi sese hauwa 185,000 ami bidi ela muai. Te kigamu mu Senakerip hodaluama, te ami bidi dabe isai tigi munalua pabo sualio.


Magi baso meni. Te Genuai Bidigo isigo te we bidi uluyu, te agai hwą ge bainatgo te we bidi hauwa mu ela mueibao, te augwa yali dwai sę wei ponoyu, tiaibao.


Tama nage me, nage dali asali ami dabe, te haniani kantridu nage dali asali bage me, dage sese tama te Israel dabego bulude bulu dude isaibao. Tama dagego tigi dabe te pepeli dili tǫde olo munalua paibao. Tama te ba kemodage dabe, me bulu hasa dabego dagego tigi dabe tuagasaibao. Te da God Genuai Bidi eno po dao.’ Te po king Godbolo pusao,” wali.


Te karis dabe te sunumi dabedu te taunba asiyu, te udabo diluagi mu elama, tama te sisinibo pesageba ugwaba udayu, edaba udayu ebao. Augwaligo ula te sole udalobo tiwai eyu, tama te be sele ebo tiwai polo polo ebao.


Te nago ene dabe enama, augwali polo pabo side te gegemani eyu, ula mu ebo dao, tama giliga de polua si te dagalude bilisiąbadi, osogo olo dolaluali.


Lean sinn:

Sanasan


Sanasan