Nahum 1:12 - Godigo dwagi yai po buku

¹² Tialima Genuai Bidigo aga we bidi dabe, te Juda dabeba, te tama po wai, “Te Asiria dabe te bomai bidi dabe te genuai abagi hani elalubao, tiali goli te augwali eno dolama te augwali mu silaibao. Eno we bidi Juda dabe, eno dageba genuai sęgę muani, tialima eno te munu me ma tegobeo. Mu menio.

Nahum 1:12 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 19:35

Tialima, megi hulide tama, te Genuai Bidigo sę ebo ensel mobo bidi me deli te Asiria hani bidibo pesageba pelama, tama te 185,000 ami soldia bidi elama, isilali. Tama te do kigamu mu te king Senakerip aga hodaluama, te ami soldia bidi dabe isali tigi suali.

Te Israel me Juda Hani Sigo Tuni Bidigo Po Elalubo Buku Si 19:37

Tama nosali me sogo deli aga te lotu be tomoba pelama, te Nisrokba lotu po wabo sę edubadi yaide, te Nisrok te aga tibo god da. Tama aga ogwa si, me nogi Adramelek, tama te me wai nogi Sareser da, tama te augwa sigo te ge pedai bainat hwą selama, tama te lotu be tomoba pelama, te augwa si aya king Senakerip elama, isilali. Tama tilama, nosali augwa si te Ararat buluba wi pelama, bidigi pali. Tama tiali, te aga te gasa ogwa me, aga nogi e dao, Esarhadon, aga te ogwago aga ayago te king yali sę selama, tama aga te Asiria king nigilama bidali.

Ma Dobola Sali 12:12

“Tama te sogo hulide tama, ena te Isip tǫ tigidaliba pelama, tama te Isip we bidigo tigidali te gomunai ogwa ela muyu, tama augwaligo kibu dabe me elaibao. Ena digi ena te Genuai Bidi Yawe, tama eno te Isip bage augwaligo tibo god tigidali augwali te bomo meni yai bage mu dao hanilama, ola mawaibao.

Aisaia 10:16

Megi da, Genuai Bidi Tigidali Bomo Elalubo Bidigo te Asiria dabebolo genuai gasi me deli augwalibolo menama, tama augwali bomo sia somainu yaibao. Tama me ma, bidigo magi nai dolainu sia nogebo tiwai eyu, agai te Asiria bagego bomo me, genuai nogi dali, mu dolaibao.

Aisaia 17:14

Polo tama te boi bidi dabego te bulu pio bagua sagasobo si da, te we bidi dabe wi dwai mu ebo dao. Tiali goli, kigamu da, boi bidi dabe menia saibao. Tama te tobage kolesagago Godigo te boi bidi dabego da dolama, dago nai dabe wi sela pai badi te sunumi palibo dao.

Aisaia 30:19

Te Jerusalemde megi bidalubo we bidi, tega, dage hobede elama, gela me wagobeo. Megi te Genuai Bidigo dage hobede elama, dage tau sabo deli naga no munalubao. Te dagego aga i olama, gedu haluasa po wabo si da, polo tama agai dagego i wabo odama, dage olo mu tau saibao.

Aisaia 31:8

Genuai Bidigo te po wali, “Te hwįbo hwą bainat mego te bulu Asiria dolaibao. Tama te Asiria dabe mu silaibao. Te bainat hwą ena Genuai Bidi ena digi tagala palaibao, te bidi dabe mego menio. Te Asiria dabe te bainatde wi paibao, tama te Asiria dabe gesi bidi dabe da kalabus sę yaibao.

Aisaia 37:36

Tialima, te sogo hulide naga, te Genuai Bidigo ensel mobo bidi me deli te Asiria dabe bidalubo pesageba pelama, te umabo bidi sese hauwa 185,000 ami bidi ela muai. Te kigamu mu Senakerip hodaluama, te ami bidi dabe isai tigi munalua pabo sualio.

Aisaia 51:22

Nago Genuai Bidi, te Godigo nago te boi bidi dabe dali hwįbo tau selama, dage ugwa ela holobo ilali, agai te tama po wali, “Suao. Eno te haliga sębę yali kabu te eno nageba menama, te nago tulama, te gęǫ page dwai mu elama, te umuna sali. Tiali goli, megi da, eno te kabu nago nogode ma sali. Te eno nosali nage te kabude ąį ma tumainu me egobeo.

Aisaia 7:20

Tama te sogo Genuai Bidigo te Asiria tuni bidi te wę Yufretis u badu oda saibao. Aga te Genuai Bidigo nisa tiwai elama, dagego nisi poawaibao, te dage Juda dabego tigi nisi. Agai dagego penane nisi me, tobolu nisi me, tigi nisi me, tigidali agai poawaibao.

Daniel 11:10

Tama po ma weyu, agai te po wai, “Te Siria kingo ogwa dabego te ami hauwa umabo selama, te sisinagaselama, te augwaligo hwįabo sisi yaibao. Tama polo tama te kingo ogwa dabe me deligo te ami dabe selama, te augwali asesa polo pelama, te bulu hauwa aiyaba elalu, te wę genuai asobo tiwai yaibao. Tama augwaligo te bomai obo banis elalubo taunba hwįgi paibao, te Isip kingo tonalubo bulu tǫba pelama, hwįgi paibao.

Joel 2:19

Agai te po wai, “Megi da, eno dageba te wain me, ni oliv wel me mawaibao, tama dagego hauwa elalueibao. Eno tama tibode te gasa we bidi dabego dage tudiba mubo po munu me ma wagobeo.

Nahum 1:15

Suao. Bidi me deli te bulu du sunumi dabedu asiyu, te wiegi yai po selasa asobao. Aga asobo te hwįani silali po pusagasu asobao. Tialima te Juda we bidi dabe, dage te genuai side sisinama, te Godiba lotu weyu, tama agabolo dagego te mawaiba po dąų wali nai maiąo. Tama te bidi dwai dabego te dagego tǫ somainu ma egobeo. Godigo augwali dolai dao.

Kraisgo Geme Dualali Sę Pedelabo Po Jonbolo Ola Mani 7:16

Tama tiyu, augwali nasi munu me esiąyu, tama augwali ąį nogone munu me ma egobeo. Tama augwali giliga posolo esiąyu, tama magi nai mego augwali tigi posolo me iligobeo.