Dwagi Yai Gesi Po Makgo Asęani 9:2 - Godigo dwagi yai po buku

² Nosali te Sarere deli bidai madi, Jisasgo Pita me Jems me Jon selama, tama agai augwali te ugwanu holai bulu du me deli te bageba odasa holali. Tama augwa naga tede bidaluali. Tama augwali gedude Jisasgo tigi hasegelama, tama aga gasagi yai pedalai.

Dwagi Yai Gesi Po Makgo Asęani 9:2 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 18:33

Nosali Elaijago te alta daiba isi manama, te kibu bulmakau mi tologolama, te sia daiba ugwadu mananio.

Te Israel me Juda Hani Sigo Tuni Bidigo Po Elalubo Buku Deli 18:42

Tialima, Ahap pelama, nai tugi pali. Te Elaija aga sę bidi dali te bulu du Karmelba ugwaba holali. Tama Elaija basi gulama, te aga tobolu te sągą kidu si tomoba pǫgulali.

Ma Dobola Sali 24:13

Tama tibaso, Moses aga sę bidi Josua dali, augwali si sisi elama, te Godigo bulu duba holainogo yai.

Aisaia 33:17

Dagego duga tuni bidigo aga sawi yai tuni bidigo ugwa ma gudama, tama te bulu ma tonalubo sueibao. Tama dagego duga bulu genuai ma pedalobo sueibao.

Aisaia 53:2

Genuai Bidigo aga sę bidi te olo ni me deli tiwai te tǫ pesagede pedalumainu ilali. Awe, aga te ni me deli te wa pai tǫdu pedalubo tiwai pedalali. Te sę bidigo nogi meni yai, magi baso meni, te bidi dabego gedude tonobo sawi isiąwai. Te agade te bidi dabego godolo elama, tonabo nai me deli elalusąwai.

Matyu 14:13

Te Jisasgo te Jon isali po wabo odama, tama agai te bulu tagalama, tama geba me deli selama, tama ąį daidu peyu, aga te bidi meni yai bulu badu pali, aga wali pabo bidi dabe augwali naga aga dali pali. Tiali goli te we bidi augwaligo aga pali po odobaso, tama augwali te hanude bidali tagalama, tama augwali aga pali wali pai dao.

Dwagi Yai Gesi Po Makgo Asęani 14:33

Tama agai te Pita, me Jems, me Jon, te bage sela selama, tama augwali aga dali pali. Megi da, te aga homu moni sęgę eyu, tama aga kone palu te aga dwai homu mu yai.

Dwagi Yai Gesi Po Makgo Asęani 16:12

Tama nosali te wali pali bidi sigo te moni hanu Jerusalem tagalama, tama te sunumidu pai. Tama Jisas te gasagi yai hasegelama, tama augwali siba pedaligi pai.

Dwagi Yai Gesi Po Makgo Asęani 5:37

Tama agai te we bidi dabe augwali habu selama, te augwali aga dali me pelamuo wali. Pita me Jems me Jon, te Jems aga ama, te augwali sela naga aga dali pali.

Dwagi Yai Gesi Po Lukgo Asęani 6:12

Te sogo Jisasgo Godibolo po wainu eyu, tama bulu duba holama, moni huli sesabi Godibolo po udali.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Polgo Po Pas Rom Dabeba Asęani 12:2

Tama te kolesaga edubadi, dage te tǫde bidi dabe biladubo tiwai elama me bilalugio. Menio. Dagego homu kolesaga Godigo gesi noma pedalomainogo ilama, tama dagego kolesaga me gesi noma pedalomainogo emainao. Tama tiyu da, teda dagego te Godigo homu kolesaga koneaibao. Tama agai homu kolesaga koneama tama te bidigo yabo wiegi yai sę me, te Godigo gedude te usu niba kadu wabo kolesaga dali, te doloba pai kolesaga dali, te tobage dwagi yai kolesaga page tigidali dagego hania koneaibao.

2 Korin 13:1

Megi ena dage bidibo madi sela sogo wagisu te asainogo ebao. Tama asama, eno dage tomode po tų eyu, tama bidi me deli ma we me deli agai naga gasa we bidide po kisilibo te usu egobeo. Godigo po bukude elalubo po me deli wali peyu dago te po tų dodolaibao, te po e dao: “Te bidi si ma bidi sela te pedauwali deli poba muani wida, teda te po bomo elalubaso, tama te tobage pogo naga te po tų dodolobo usu yaibao,” te po asęani.

Filipai 3:21

Magi baso meni. Agai bomo te gasa tigidali bomo aiyaba elalubo dao. Tama agai bomogo agai tigidali nai deliba sisinama, tama aga dologoba muabo te bomo tede usu dao. Tama aga tǫba ma asama, tama dago bomo meni yai polo isibo tigi, te tigi agai bomogo hasegelaibao, tama dago tigi aga wiegi yai ula elalubo tigi tiwai si pedalaibao.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.