Dwagi Yai Gesi Po Makgo Asęani 8:5 - Godigo dwagi yai po buku

⁵ Jisasgo augwaliba hanalu wali, “Dagego nisu naga bret munalubowe?” Tama augwaligo te po wali, “Te a naga olama me badu si munalubo,” wai.

Dwagi Yai Gesi Po Makgo Asęani 8:5 Iomraidhean Croise

Matyu 15:34

Jisasgo augwalibolo te po wai, “Dagego nisu naga bret elalubawe?” Augwaligo te po wai, “Dago bret nogo a naga me badu nogo si badi, tama dwasianu sųgų si sela badi tama dago munalubao,” te po wai.

Dwagi Yai Gesi Po Makgo Asęani 6:38

Tama agai augwalibolo te po wali, “Dagego nisu naga bret munalubowe? Dage pelama sugi piąo.” Augwaligo sula selama, tama augwaligo te po wai, “Dago te bret a naga, me te sųgų si te tama elalubao.”

Dwagi Yai Gesi Po Makgo Asęani 8:4

Tama aga wali pabo bidi dabego agabolo te po wei ponoyu, te po wai, “Te ede da, te bidi meni yai madi bidibao. Tama dago menade te bret tubo nai selama, te we bidi augwali mawaibawe?” Te po wai.

Dwagi Yai Gesi Po Makgo Asęani 8:6

Tama agai te we bidi augwalibolo olama, tama augwali te tǫba duada pao wali. Tama agai te a naga olama me badu si bret selama, tama agai Godiba puba hwi olama, tama te nai pebedama, tama aga te wali pabo bidi dabebolo menama, te augwaligo dobaba pomainogo yali. Tama augwaligo te we bidiba dobaba palio.

Dwagi Yai Gesi Po Lukgo Asęani 9:13

Tiali goli, Jisasgo augwalibolo te po wali, “Tuabo nai duga digi mao.” Augwaligo wei ponoyu, te po wali, “Dago bret a naga badi, sųgų si badi elama naga, munalubao. Moni we bidi dabego tuabo nai dabe dago abelegi pomainu obawe?” (Tama tede bidibo bidi dabe namba nedebo te umabo mu, te 5,000 dao.)