Dwagi Yai Gesi Po Makgo Asęani 8:2 - Godigo dwagi yai po buku

² “Eno te e bidalubo we bidi augwalide homu dene ebao. Augwali ena dali sela sogo bidalio, tama megi augwali nai meni yai dao.

Dwagi Yai Gesi Po Makgo Asęani 8:2 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 19:6

Tialima, Elaijago gedu peda sanama, tonono bilibadi, te aga tobolu badu pąde agai te bret me deli augwaligo masigide ulai munalubo suali, te wę sospen me suali. Tialima, agai te nai me wę tulama, nosali te aga godege ma pialio.

Godigo Nogi Ugwaba Sabo Tęąbi Po Wabo Buku Dabe 103:13

Ayago aga wai dabe hobede ebo dao. Tiwai Genuai Bidigo aga dali wi ebo we bidi augwali hobede ebo dao.

Godigo Nogi Ugwaba Sabo Tęąbi Po Wabo Buku Dabe 145:15

Tama te bidibo ula elalubo nai tigidaligo agaba tonono ebo dao, tama agai augwali nasi ebo sogo nai mabo dao.

Godigo Nogi Ugwaba Sabo Tęąbi Po Wabo Buku Dabe 145:8

Genuai Bidigo da godolo mu eyu, homu dene eyu, tama da olo tau sabo sę ebo dao. Agai wado po polo wasiąma, tama sesemane sogo agai da wei mu ebo dao.

Maika 7:19

Te nago olo mu tau sabo wiegi yai kolesaga dabolo ma yaibao. Te nago dago sęgę aiyaba elalu, te magi nai me deli nago sągągo agabo tiwai ebao, tama te sęgę nago te tamu ąį ge aiyanu mu dulaliba te sąwaibao.

Matyu 14:14

Tama nosali Jisas aga te gebadu pelama, te wę u badu tugi pelama, tama agai genuai we bidi bidalubo suali. Tama agai augwali homu dene mu ebaso, tama agai augwaligo gasi sai bidi dabe usu ma ilali.

Matyu 20:34

Tama Jisasgo augwali si homu dene yali, tama agai nogo te bidi si geduba muani, tama megi naga tama te bidi sigo gedu pedama wiegi yai ma yai. Tama augwali sigo Jisas aga wali pai.

Matyu 9:36

Tama bilidubadi, agai te genuai we bidi hani augwali sulama, tama agai homu dene augwalide genuai mu yali. Magi basowe, augwaligo homu dolo elalusiąwai baso, tama augwaligo augwa digi tau sabo usu isiąwai bidibo suali. Augwali dwai mu bidiyu, te kibu sipsip dabe augwa aya meni yai tiwai bidai.

Dwagi Yai Gesi Po Makgo Asęani 1:41

Tama Jisasgo aga homu dene mu ebaso, tama agaba nogo munama diąyu, tama agabolo te po wai, “Awe, eno homugo nage gasi usu ilaibao. Tama nage wiegi yai pedalao, te meda meni yai bidi bidao,” te po wai.

Dwagi Yai Gesi Po Makgo Asęani 5:19

Tiali goli Jisasgo hagela homu yali. Agai agabolo te po wali, “Nage naga beba me naga deli hani bidibo madiba pao. Tama nago te tigidali sę Genuai Bidigo nagede yali sę po pusugi peyu, tama agai nage homu dene eyu tau sali po me pusao,” Jisasgo te po wai.

Dwagi Yai Gesi Po Makgo Asęani 6:32

Tama augwali te geba selama, tama augwali te sigi ąį daidu te bidi meni yai habu me deli badu pali. Augwa naga palio.

Dwagi Yai Gesi Po Makgo Asęani 6:34

Tama Jisas te gebadu pelama, te wę pedai badu tugi pelama, tama agai te we bidi hauwa bidalubo suali. Tama agai augwali homu dene genuai mu yali. Augwali te sipsip kibu tonalubo bidi meni yai tiwai bidaluali. Tama tibaso agai gagalama, te wiegi yai po hauwa augwaliba ola mawai.

Dwagi Yai Gesi Po Makgo Asęani 8:3

Tama augwali nai sili bidai elalubadi te eno augwali te augwa beba pomainu tagala palali da, teda augwali tomode pobadi te gedu te gęǫ page elama, te augwali sunumiba tulaluaibao. Meba augwali te digibulu asiyu asalio,” te po wai.

Dwagi Yai Gesi Po Makgo Asęani 9:22

Tama hauwa sogo te dwai haubogo aga te siaba sąyu, te węba sąyu yai, tama aga ela muabo homu yai. Tiali goli te nago usu ilabo homu yaiba wida, teda nago da homu dene elama, tama da tau sao!” wali.

Dwagi Yai Gesi Po Lukgo Asęani 15:20

“Te homu elama, te bulu taga pelama, tama pelama, aga aya pageba painu yai. Tialima, digibulu aga tomode asodubadi, aga ayago aga asobo suali. Tama ayago agabolo homu dene eyu, aya aga ogwanu pageba udulama pali, te nogogo pageali, te gesabide nono nani.

Dwagi Yai Gesi Po Lukgo Asęani 7:13

Tama Genuai Bidigo te wilawe we sulama, moni hobede mu eyu, “Gela wagio” wali.

Hibru 2:17

Tama tibaso, te tigidali naide aga te tigidali we bidi tiwai mu pedalomainogo tiali. Magi basowe? Agai tama tialigo da, tama aga te God dali we bidi dali tomode dolalubo pris tobolu bidi bidabo te usu igibu tama Godigo sę tolaluaibao. Agai te we bidi homu dene eyu, tau sabo wiegi yai kolesaga eyu, tama aga te Godiba aga homugo kęą pai bidi bidai. Tama tiyu, agai te Godigo te tigidali we bidigo dwai sę yali sęgę sela sąwainogo eyu, te aga ofa ilali te usu yai dao. Tiali goli aga te we bidi tiwai mu pedaligi menigi da, teda te sę tigidali ebo aga usu menigi da.

Hibru 4:15

Dago digi te sęgę aiyaba elaluabo bomo menio. Tiali goli dago genuai pris tobolu bidi aga tede da homu dene isąbo tiwai bidi da po wagobeo. Menio. Te daba usu siyu te pedalobo sęgę tigidali, te tigidali sęgę agaba me pedalama aga me usu sai. Tiali goli agai dwai sę munu me ebeo.

Hibru 5:2

Te bidi dabe augwa digi te Godigo po dolo wali pabo bomo meni yai bidi me sogo bidibaso, augwaligo te kolesaga konesiąbo te Godigo tų wali pabo tagalali we bidi dabe dali te dua digi kolesaga sesa pobaso te usu dao.