Dwagi Yai Gesi Po Makgo Asęani 13:3 - Godigo dwagi yai po buku

³ Tama nosali Jisas te Oliv bulu dude dualalu, tama te Moni Lotu be tempel u badu pedaide elalubo suali. Tama Pita, me Jems, me Jon, me Andru, te augwali naga agaba aselawali. Tama augwaligo agabolo hanalu wali,

Dwagi Yai Gesi Po Makgo Asęani 13:3 Iomraidhean Croise

Matyu 13:10

Te Jisas aga wali pabo bidi dabe aga pageba aselama, te po wai, “Magi baso nago po digi po begelama augwalibolo obawe?”

Matyu 13:36

Te sogo Jisasgo te we bidi augwali tagalama, tama aga te be tomoba pelama bidai. Tama aga wali pabo bidi dabe augwali agaba aselama, te po wai, “Nago te dwai noswai te gide pedalobo po olama po digi po begelama wali po page te dabolo haninama ola mao,” te po wai.

Matyu 17:1

Te nosali me sela sogo silama, tama Jisasgo Pita badi, te Jems de Jon ama name si badi, te bidi sela naga Jisasgo selama, tama aga polasa peyu, augwali te moni bobage bulu duba holai. Tede augwa naga bidaluai.

Matyu 21:1

Te augwali Jerusalem pąba sabolama, te dwasianu hanu nogi Betfage teba sabolali, te Oliv bulu du pąde elaluai. Tama Jisas aga wali pabo bidi si tagala paliyu, tama augwali sibolo te po wai,

Matyu 24:3

Te aga pelama, tama te dwasianu bulu du Oliv teba sabolama, aga tede dualaluyu, tama aga wali bilibo bidi dabe naga augwali aga pageba aselama, augwaligo te po wai, “Nago dabolo wao, nisu sogo te Moni Lotu Be tempel dolobo sę pedelaibawe? Magi sę bolo hasia pedelama, dago koneai elalubadi, nage ma asiyu e tǫ siligowe?”

Dwagi Yai Gesi Po Makgo Asęani 10:35

Te bidi Sebedigo ogwa si, Jems me Jon, augwali si te Jisasba aselama, te po agabolo wai, “Tisa bidi, da sigo te magi nai po deli nagebolo hanalu waibao, tama da sigo homugo nago te sę da sibolo emainu homu ebao.”

Dwagi Yai Gesi Po Makgo Asęani 13:4

“Nago dabolo wao, nisu sogo te sęgę te Moni Lotu Be tempelba pedalugowe? Mena dąį bolo hasia pedalubo si, tama dago koneai elalubadi, megi da te sę dabe te pąde pedalaiba homu elalugowe?”

Dwagi Yai Gesi Po Makgo Asęani 14:33

Tama agai te Pita, me Jems, me Jon, te bage sela selama, tama augwali aga dali pali. Megi da, te aga homu moni sęgę eyu, tama aga kone palu te aga dwai homu mu yai.

Dwagi Yai Gesi Po Makgo Asęani 4:34

Agai te po te we bidi augwalibolo hanilama me pusubeo. Menio. Agai te po begelama naga pusali. Tama aga te wali pabo bidi dabe naga aga dali bidibadi, agai te po page tigidali hanilama augwali dali pusuyu yai dao.

Dwagi Yai Gesi Po Makgo Asęani 5:37

Tama agai te we bidi dabe augwali habu selama, te augwali aga dali me pelamuo wali. Pita me Jems me Jon, te Jems aga ama, te augwali sela naga aga dali pali.

Dwagi Yai Gesi Po Makgo Asęani 9:2

Nosali te Sarere deli bidai madi, Jisasgo Pita me Jems me Jon selama, tama agai augwali te ugwanu holai bulu du me deli te bageba odasa holali. Tama augwa naga tede bidaluali. Tama augwali gedude Jisasgo tigi hasegelama, tama aga gasagi yai pedalai.