Dwagi Yai Gesi Po Makgo Asęani 11:3 - Godigo dwagi yai po buku

³ Tama bidi me deligo dage sibolo te po weyu, ‘Magi baso dage sigo te sę ebawe?’ obaso da, teda dage sigo te po waiyąo, ‘Te Genuai Bidigo agade te sę elalubo, tama agai te aga polo ma tagala palaibao’ po waiyąo,” Jisasgo augwali sibolo te po wai.

Dwagi Yai Gesi Po Makgo Asęani 11:3 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 110:3

Te nago te boi bidi dabe dali hwįainu ebo sogo, te naga hani bidi dabego usu da, pinao po weyu, te nage dali pelama, tama nage tau somainu yaibao, tama dage te Godigo bulu duba ugwaba holaibao. Tigidali sogo hulide tulubage wę segeni te nosade pedalu, tama te nosago gesi bomo siyu ebo dao. Tama nage me nage te tigidali sogo bomo saibao.

Godigo Nogi Ugwaba Sabo Tęąbi Po Wabo Buku Dabe 24:1

Te tǫ dali, tigidali tǫde elalubo nai, te tigidali Godigo nai naga dao. Tigidali bulu me, te Godigo nigali nai dao. Tama tigidali bulude bidibo we bidi me, augwali me te Godigo hani we bidi naga dao.

Dwagi Yai Gesi Po Makgo Asęani 11:2

tama augwali sibolo te po wai, “Dage si te e pąde elalubo te be naniba piąo. Dage si te be nani tomoba pabode, tama polo dage sigo te megi tama holobo gesi kibu donki me deli augwaligo te haliga bonogo gebelai elalubo sueibao. Te bidi me deli tede dualasa bilisiąwai elaluaibao. Te aga gebelali haliga bono pedalama, sela asao.

Dwagi Yai Gesi Po Makgo Asęani 11:4

Te po obaso, augwali pai, tama augwali sigo te gesi ogwa bidi donki me deli suali, augwaligo te be me deli te sunumi pąde bulu badu gebelama elaluai. Tama augwali pelama, te haliga gebelai elalubo bono pedali.

Dwagi Yai Gesi Po Makgo Asęani 14:15

Tama agai dage sibolo te ugwadu sigide elalubo te be habu ola mawaibao, tede te tebol sai me, duabo sai me te sisi ilai elaluaibao. Dage sigo da tuabo nai te be habude sisi ilao,” Jisasgo te po wai.

Godigo Sęba Tagala Palai Bidigo Po 1:24

Tama augwaligo Jisasbolo te gedu haluasa po wai, “Genuai Bidi, nago tigidali bidi dabego homu kolesaga konebo dao. Tama tibaso, Genuai Bidi, te bidi si me deli nago dabolo dąį ilama,

Godigo Sęba Tagala Palai Bidigo Po 10:36

Godigo te dwagi yai po da Israel we bidibolo mawai dao. Tama te dwagi yai po page e tiwai da, Jisas Krais da, te tigidali we bidigo Genuai Bidi da. Da tigidaligo aga godolo eyu da, te da dwagi yai homu elama, bugagia bidaibao.

Godigo Sęba Tagala Palai Bidigo Po 17:25

Me ma, agai dago nogode agai nai tubo mu menio. God aga digi tigidali tǫde bidibo we bidibolo noma mabo dao. Tigidali nai dabe dago gegelama sabo, te Godigo naga mabo dao.

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.