Dwagi Yai Gesi Po Makgo Asęani 10:2 - Godigo dwagi yai po buku

² Tama te po ola mobadi, te Farisi dabe meba agaba aselama, tama augwaligo usu sinayani. Augwaligo te po wali, “Te da Juda dabego bomai pode te bidigo aga we sela sąbode, te usu da wali elalubowe, ma meniwe?”

Dwagi Yai Gesi Po Makgo Asęani 10:2 Iomraidhean Croise

Malakai 2:16

God, da Israel Genuai Bidigo, agai te po wai, “Eno homugo te wego bidi tagalama penani eyu, bidigo we tagalama penani eyu ebo kolesaga, te eno hagela homu mu ebo dao,” wali. “Eno homugo dage me deligo te tobage dwai kolesaga mu te aga wede ebo te eno hagela ebo. Te dage dua dao, te dagego duga we dabe dali bugagia bidainu dąų wali po te me bologio,” God Genuai Bidigo te po wai dao.

Matyu 15:12

Tama te sogo te aga wali pabo bidi dabe augwali aselama, agabolo te po wagasai, “Nago te Farisi dabe augwaligo nago megi tamadi wali po odoyu, tama augwaligo dwai homu ebo koneaniwe?” te po wai.

Matyu 16:1

Te Farisi hani dabe mebago me, te Sadyusi hani dabe mebago me, augwali Jisas pageba aselama, tama aga augwaligo usu sainogo yai. Augwaligo agabolo te dagalude bomai sę ebo me deli te augwaligo suainogo te sę yao te po wai. God agai te Jisasde dwagi yai homu egowe ma egobewe, te konemainogo augwaligo te po agabolo wai.

Matyu 19:3

Tama te Farisi hani dabe meba agaba aselama, tama augwaligo agai geda mubo po wagowe te homu eyu, tama augwaligo aga usu sagasai. Augwaligo te po wai, “Nago magi homu ebowe? Ma, dago bomo yai pode te bidigo aga homu naga wali peyu, tama aga we te tigidali magi sęde sela sąbo te usu egowe?” te po wai.

Matyu 22:35

Tama augwali tomode te bomo yai po page koneai bidi me deli bidali. Agai Jisas usu siyu hanalu wainogo yali,

Matyu 23:13

“Dage te bomai po page ola mabo bidi dabe me, dage Farisi dabe me, hobede ya. Dageba te dwai sogo mu pedelaibao, dage tibo po wabo bage. Te Godigo we bidi tonalubo kolesaga tomoba pabo tų te dagego te we bidi augwaligo gesabidiba te tų palibo dao. Duga digi te tomoba me pabo meni, tama te we bidi augwali te tomoba painogo ebadi, te dagego augwali pabo tų palibo dao.

Matyu 9:34

Tiali goli te Farisi hani dabe augwaligo te po wai, “Agai te dwai haubo mobo sela sąbo sę ebo te dwai haubo mobo tobolu bidi dabego bomode te dwai haubo mobo te sela sąbo dao,” te po wai.

Dwagi Yai Gesi Po Makgo Asęani 10:1

Te Jisas hogodama, te bidali bulu taga peyu, tama aga te Judia provins tǫ pedai badu te pabo ąį Jordan pedai u badu pai. Tama we bidi hauwa agaba ma sisinagasali. Tama agai te aga ebo kolesaga wali peyu, tama Godigo po te augwalibolo ola mawai.

Dwagi Yai Gesi Po Makgo Asęani 10:3

Jisasgo augwaliba po wei ponoyu, te po wai, “Mosesgo mena bomai po dagebolo mawai dawe?”

Dwagi Yai Gesi Po Makgo Asęani 8:11

Te Farisi dabe meba augwali aselama, tama augwaligo te Jisas dali te wado po tiwai weyu konila po wai. Augwaligo te Jisasbolo bomai sę me deli yao po wali. Augwaligo aga te usu sabo sę senayu naga yai.

Dwagi Yai Gesi Po Makgo Asęani 8:15

Tama Jisasgo po bomo elama augwaliba weyu, te po wai, “Dage bugagia tonaluiąo! Dage te Farisi dabego yisde me te gavman tuni bidi Herotgo yisde te dage dua dao!” te po wai.

Dwagi Yai Gesi Po Lukgo Asęani 11:39

Tama Genuai Bidigo te po wali, “Dage Farisi dabego te kap dabe me, pou dabe me te eda badu bulu badu meda elalubaso, te bugagia dua digi me te ąįde telabo dao. Tiali goli, dagego homude dwai sę yabo konealubao, gasa bidigo nai sulama, eno somainawe homu ebo bage dao. Tama te ebogo homu dwai dao ola mabo dao.

Dwagi Yai Gesi Po Lukgo Asęani 16:14

Te Farisi bidi hani dabe augwaligo Jisasgo wali po odali. Augwali te mone dali pesa ebo bage bidali. Tama tibaso, Jisasgo agai po obadi yaide, augwaligo bo weyu bidali.

Dwagi Yai Gesi Po Lukgo Asęani 5:30

Tama te Farisi hani sibi bidi dabe me, te Godigo bomo yai po konebo bidi dabe me, augwaligo te sulama, Jisas wali pabo bidi dabebolo wado po weyu, te po hanalu wali, “Dage te takis sabo dwai bidi dabe me, te dwai sę ebo dabe me, te augwali dali hodobo magi baso nai tubawe?”

Dwagi Yai Gesi Po Lukgo Asęani 6:7

Tama te Juda dabego bomo yai po konebo bidi dabe me, te Farisi sibi dabe me, augwaligo Jisas gedu diliasa tonaluali. Magi ebowe weyu, te Jisas po tų ela mawai hagede te page gegali. Augwaligo Jisasgo te Sabatde te nogo dwai bidi dodologowe weyu, tonaluali.

Dwagi Yai Gesi Po Lukgo Asęani 7:30

Tiali goli, te Godigo augwali tau sainu yali homu Farisi sibi dabe me, Juda dabego bomo yai po ola mabo bidi dabe me, augwaligo te homu sela sąnama, “Jongo da baptais mabo hagelabo,” te po wai dao.

Dwagi Yai Gesi Po Jongo Asęani 11:47

Tama tibaso, te Farisi hani bage me, te pris hani tobolu bage me, augwaligo te kaunsil bage dali sisinama, Jisasde te po wai, “Dago te bidide magi yaibawe? Agai bomai sę hauwa mu ebo dao.

Dwagi Yai Gesi Po Jongo Asęani 11:57

Te pris tobolu bage me, te Farisi hani bage me, augwaligo bomo elama, te po wai, “Bidi mego Jisas menade bidibo sulama, te bidi dabolo wagasao, tama dago aga kalabus yaibao,” te po wai.

Dwagi Yai Gesi Po Jongo Asęani 7:32

Te Farisi hani bidi augwaligo te olo we bidigo Jisasde te tobage po pomu po wabo odali. Tama te po odama, te Farisi hani bidi dabe dede, te pris tobolu bidi dabe dede, augwaligo enesigi bidi dabe tagala palama, Jisas kalabus yainogo, “Sigi pao,” wai.

Dwagi Yai Gesi Po Jongo Asęani 7:48

Da tobolu bidi hani dali, Farisi bidi hani dali dago Jisasgo wabo pode homu musiąbaso, te dagego me agabolo duga homu mugio.

Dwagi Yai Gesi Po Jongo Asęani 8:6

Augwaligo tama po obaso Jisas homu magibo yabowe naga suainogo tiwai. Augwaligo homugo Jisasgo wabo pode augwaligo po tų ela maiabo tų me gegainogo, te Jisasgo po weyu, aga geda muyu da, teda augwaligo agade nogo tų ela mumai hagede. Tialima, Jisas tǫba basialuyu, aga nogo danigo tǫba po asęduai.

1 Korin 10:9

Tama dago me dwai sę eyu te Genuai Bidi usu me selamuo. Te augwali tomode mebago dwai sę eyu aga usu sobaso, tama te dwai hasamani dabego augwali gąų kelama tama augwali isai dao.