Dwagi Yai Gesi Po Makgo Asęani 10:1 - Godigo dwagi yai po buku

¹ Te Jisas hogodama, te bidali bulu taga peyu, tama aga te Judia provins tǫ pedai badu te pabo ąį Jordan pedai u badu pai. Tama we bidi hauwa agaba ma sisinagasali. Tama agai te aga ebo kolesaga wali peyu, tama Godigo po te augwalibolo ola mawai.

Dwagi Yai Gesi Po Makgo Asęani 10:1 Iomraidhean Croise

Kolesaga Koneai Bidigo Pusali Po Elalubo Buku 12:9

E buku asęani bidigo koneani kolesaga wiegi yai mu elalubaso, tama agai te we bidi dabe augwali ola manio. Agai te tobage wiegi yai po dabe me begelama pusubo po bugagia dagalama wali, tama agai homugo te po dabe mu po da homu ebaso da, teda agai te po dabe e buku asęai dao.

Jeremaia 32:33

Augwaligo ena tudiba naga munama, te augwali ena pageba me asobeo. Eno hauwa sogo augwali ola mani, tiali goli, augwaligo eno po odisąyu, ma eno augwali ola momainogo ebeo.

Matyu 26:55

Tama te sogo naga Jisasgo te aga sagasai bidi hanibolo te po wai, “Dagego ena sagasiyu, tama dagego te bobobage hwą ge me wąbi dabe tolasa asali, te dage te nai wi sabo bidi sainogo asobo tiwai yali. Magi baso te tiwai yaliwe? Tigidali sogo ena te Moni Lotu Be tempel tomode bidiyu, tama eno po te we bidi augwalibolo ola madu geai goli, te dagego te sogo tama dagego ena me nogo dąų me wabeo.

Matyu 4:23

Te Jisas aga te moni tǫ Galili te tigidali sesege badu aga biligi pai. Agai aga ola mabo po te Juda dabego bomo yai po ola mabo be tomode te we bidibolo ola mawai. Tama ola mayu, agai augwalibolo te Godigo we bidi tonalubo sęde te gesi dwagi yai po pusali, tama te tigidali haniani gasi dabe me te tigidali dwai naigo te tigi dolai we bidi augwali tigi usu ma ilai dao.

Dwagi Yai Gesi Po Makgo Asęani 1:21

Te Jisas dali, aga bidi me si me si dali, augwali te Kaperneam hanuba pelama, tama teba sabolali. Tama te Sabat sogo dwasianu Sarere Jisas te Juda dabego bomo yai po ola mabo be tomoba polo pelama, tama agai po te we bidi augwalibolo ola mani.

Dwagi Yai Gesi Po Makgo Asęani 10:2

Tama te po ola mobadi, te Farisi dabe meba agaba aselama, tama augwaligo usu sinayani. Augwaligo te po wali, “Te da Juda dabego bomai pode te bidigo aga we sela sąbode, te usu da wali elalubowe, ma meniwe?”

Dwagi Yai Gesi Po Makgo Asęani 12:35

Jisas te Moni Lotu Be tempel tomoba pelama bidiyu, tama te we bidi dabe augwaliba po ola mabo sę yai. Tama ebadi, agai te po hanalu wali, “Magi baso te Juda dabego bomai po page ola mabo bidi dabego te po wabo, te Krais, Godigo te we bidi tau somainu dąį ilali bidi, te aga te Devitgo ogwa da po magi baso wabo dawe?

Dwagi Yai Gesi Po Makgo Asęani 14:49

Tigidali sogode te ena dage dali te Moni Lotu Be tempel tomode dulalu, tama eno te Godigo po dagebolo ola mawai, tama dagego ena nogo tulama pageabi me ebeo. Tiali goli dagego enade megi ebo sę ebogo te Godigo po bukude elalubo po meba te mu pedalumainu ebao,” Jisasgo te po wai.

Dwagi Yai Gesi Po Makgo Asęani 2:13

Te Jisas te Galili sigi wę saniba ma biligi pai. Tama genuai hani we bidi agaba asobaso, tama agai te Godigo wiegi yai po augwaliba pusa mawai.

Dwagi Yai Gesi Po Makgo Asęani 4:2

Tama agai ola mani po hauwa te po habu sugunama, te begelebo pogo naga augwali dali wali. Agai e tama tiwai po augwaliba mawai.

Dwagi Yai Gesi Po Makgo Asęani 6:2

Te Sabat sogo aga te bomai po odobo lotu be tomoba pelama, tama te we bidi augwalibolo te Godigo po pusa mani. Tama augwali hauwago agai po odolama, tama augwali dwai noma siyu midigi sali. Augwaligo te po wali, “Te bidigo te ola mani po menade saliwe? Te agade koneani elalubo kolesaga, te menagiai kolesaga dawe? Mena tama tilama agai te bomai sę ebowe?

Dwagi Yai Gesi Po Makgo Asęani 6:34

Tama Jisas te gebadu pelama, te wę pedai badu tugi pelama, tama agai te we bidi hauwa bidalubo suali. Tama agai augwali homu dene genuai mu yali. Augwali te sipsip kibu tonalubo bidi meni yai tiwai bidaluali. Tama tibaso agai gagalama, te wiegi yai po hauwa augwaliba ola mawai.

Dwagi Yai Gesi Po Makgo Asęani 6:6

Tama te we bidi augwaligo agade konealubo po dąų wasiąyu, tama augwa homu agaba tialusiąbaso, te aga noma siyu midigi sali. Te Jisasgo te Nasaret hanu tagalama, tama aga te bulu pedai dabeba biligi pelama, tama agai te Godigo po te we bidi dabe augwalibolo ola mena mena bilai dao.

Dwagi Yai Gesi Po Jongo Asęani 10:40

Te Jisas ma pelama, Jordan pabo ąį ma togogi pelama, tama pelama, Jongo we bidi polobadu baptais mani te bulu sabolama, Jisas te bulude bidai.

Dwagi Yai Gesi Po Jongo Asęani 11:7

Nosali si sogo silama, Jisas aga wali pabo bidi dabebolo te po wai, “Da Judia tǫba ma pebelainao,” wai.

Dwagi Yai Gesi Po Jongo Asęani 18:20

Jisasgo aga dali po wei ponoyu, tama po wai, “Eno we bidibolo mani te po eno bulu ulade hania wai dao. Eno te we bidibolo po ola mabo sę eyu, tama te bomo yai po ola mabo be tomode te sę eno yali, ma te Moni Lotu Be tempel, tede me eno te sę yai dao. Te be dabede te Juda bage sisinibo bulude eno augwalibolo eno po hania ola mawai dao. Tama eno po geme dualama bulu tomode me wabeo.