Dwagi Yai Gesi Po Makgo Asęani 1:5 - Godigo dwagi yai po buku

⁵ Tama te Judia tǫ pedai provinsde bidali we bidi dabe umabo mu Jon pageba sisinigi pai, te Jerusalem moni hanu we bidi dabe umabo me agaba asali. Tama augwali deli deligo augwa dwai sę yali sęgę hania hanilama, tama te po wai, “Eno dwai sę dabe yai dao.” Tama tibadi Jongo augwali te Jordan pabo ąįde baptais mani.

Dwagi Yai Gesi Po Makgo Asęani 1:5 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 32:5

Nosali eno sęgę te eno nageba pusali. Eno ena yali dwai kolesaga geme me dualubeo. Eno te homu yali, eno te bomai po bolali kolesagade sali sęgę tigidali eno te Genuai Bidiba pusabo homu yali. Eno hania pusula silibaso, tama nago eno yali dwai sę me, eno sęgę me, sela sąwai dao. Tama tiyu, nago ena tede nosali elegobeo wali.

Bugagia Bidibo Kolesagade Po Asęai Buku 28:13

Te bidigo aga dwai sę yali geme dualabo homu ebo bidi da, teda aga bugagia me bidigobeo. Tiali goli, te bidigo aga dwai sę yali tigidali pusulama, tama te dwai sę dabe tudiba mubaso da, teda Godigo te olo mu tau sabo wiegi yai kolesagago aga bugagia tau saibao.

Matyu 4:25

Tama te genuai we bidi hani hauwa, te genuai tǫ Galilide bidibo we bidigo me, te Dekapolis tǫde bidibo we bidigo me, te moni hanu Jerusalem we bidigo me, te Judia genuai tǫde bidibo we bidigo me, te Jordan pabo ąį te tǫ u badu bidibo we bidigo me, te tǫ tigidalide bidibo we bidi mebago naga te aga wali pai.

Dwagi Yai Gesi Po Makgo Asęani 1:4

Te po polobadu obaso, te gesi dwagi yai po pusubo sę te tiwai nosali gagalali, te we bidi baptais mabo bidi Jon dią holali side. Tama te bidi meni yai bulude pedelama bididu, tama Jongo e po te agaba asali we bidibolo pupusu pai, “Te dagego duga yali dwai sęde ge neyu tama homu begeleąo, te Godigo dagego dwai sęde sali sęgę wei ponogobeo, sela sąwaibao, te eno dage węgo baptais mawaibao,” Jongo te po wai.

Dwagi Yai Gesi Po Makgo Asęani 1:6

Tama Jongo gudubo ugwa te moni kibu kamel nisigo nigai dao, tama aga tabide te kibu wali kukulu gudai. Tama aga te bulu tomode bidibo kuli mano me hanamu dali si tuyu bidai dao.

Dwagi Yai Gesi Po Jongo Asęani 1:28

Te po bulu me nogi Betani te badu pedalai, te ąį nogi Jordan sesege badu. Te bulude Jongo augwali Juda we bidi baptais mawai.

Dwagi Yai Gesi Po Jongo Asęani 3:23

Jongo me te we bidi baptais mani bulu me nogi Ainon, te Salim bulu pąde o, tede te we bidi baptais mani. Ąį hauwa te mu te bulude elalubo. Tama we bidi augwali Jon bidibo digi aselama, baptais sagasali.

Dwagi Yai Gesi Po Jongo Asęani 5:35

Jon da, te sole ula ebo gilama, agai ula we bidi dabebolo mawai dao. Tama dagego pęwadage side te ulade dagego dwagi yai homu osogo yai dao.

Godigo Sęba Tagala Palai Bidigo Po 19:18

Tama nosali Jisasgo po wali pabo we bidi me badu augwali aselama, te po te we bidi tigidalibolo wai, “Te dwai pobi wabo sę dago polobadu yai dao” wali.

Godigo Sęba Tagala Palai Bidigo Po 2:38

Te Pita agai augwalibolo te po wai, “Dage tigidali deli deli dabego tigidali dwai sę dabe tudiba togolama, tama homu begelama, Jisasgo nogide baptais sao, te Godigo dagego dwai sę sela sąnama, boi bidi egobe weyu yao. Tama tilama, Godigo aga Dwagi Yai Mobo dagebolo mawaibao.

Jems 5:16

Tama tibaso, dagego duga dwai sę yali te duga ama dabebolo pusao, te duga hasi tau somainogo Godibolo te po hanalu wao, te God agai dage dwagi yai ma usu ilimainogo yao. Tama tiyu, te doloba pai bidigo gedu haluasa po wabode bomo elaluyu, tama agai te gedu haluasa po wabogo te we bidi tau sabo sę ebo usu yaibao.

Josua 7:19

Tama Josuago Akanbolo te po wai, “Ogwao, megi nage te Israel dabe dago Genuai Bidi God gedude dolugulama, tama nago te yali sę po dabe hanilama, hania pusao. Nago enade magi sę me deli munu me dualigio,” wali.