Dwagi Yai Gesi Po Makgo Asęani 1:4 - Godigo dwagi yai po buku

⁴ Te po polobadu obaso, te gesi dwagi yai po pusubo sę te tiwai nosali gagalali, te we bidi baptais mabo bidi Jon dią holali side. Tama te bidi meni yai bulude pedelama bididu, tama Jongo e po te agaba asali we bidibolo pupusu pai, “Te dagego duga yali dwai sęde ge neyu tama homu begeleąo, te Godigo dagego dwai sęde sali sęgę wei ponogobeo, sela sąwaibao, te eno dage węgo baptais mawaibao,” Jongo te po wai.

Dwagi Yai Gesi Po Makgo Asęani 1:4 Iomraidhean Croise

Matyu 3:11

“Te eno dage olo ąįgo baptais mabo te dage homu begelai elalubo te dąį tiwai dao. Tiali goli ena tudi badu nosali asobo bidi, te agai bomogo eno bomo aiyaba elaluaibao. Ena da, te wiegi yai bidi meni, tama tiyu eno agai sągą nadoba tolabo te usu egobeo. Agai dage te Godigo Tedali Mobo Bidi me te sia dali si dagebolo mawaibao, te baptais mabo sę tiwai.

Matyu 3:6

Tama augwaligo augwa yali sęgę dabe pusuyu, tama Jongo augwali te Jordan ąįde baptais mani.

Dwagi Yai Gesi Po Makgo Asęani 1:5

Tama te Judia tǫ pedai provinsde bidali we bidi dabe umabo mu Jon pageba sisinigi pai, te Jerusalem moni hanu we bidi dabe umabo me agaba asali. Tama augwali deli deligo augwa dwai sę yali sęgę hania hanilama, tama te po wai, “Eno dwai sę dabe yai dao.” Tama tibadi Jongo augwali te Jordan pabo ąįde baptais mani.

Dwagi Yai Gesi Po Lukgo Asęani 1:77

Agai we bidibolo nago po ola menama, konealueibao. Agai augwaligo dwai sę dabe sela sąnama, augwali ma sai hagede ebao homu yaibao.

Dwagi Yai Gesi Po Jongo Asęani 3:23

Jongo me te we bidi baptais mani bulu me nogi Ainon, te Salim bulu pąde o, tede te we bidi baptais mani. Ąį hauwa te mu te bulude elalubo. Tama we bidi augwali Jon bidibo digi aselama, baptais sagasali.

Godigo Sęba Tagala Palai Bidigo Po 10:37

Duga digi koneai dao. Polobadu Jongo dwagi yai baptais mabo po pusa mawai dao. Te sogo te po te Galili tǫde gagalama, tigidali Judia tǫ usu yai dao.

Godigo Sęba Tagala Palai Bidigo Po 22:16

Nage magi baso tonalubawe? Nage hodaluama, tama baptais sao. Nago dago Genuai Bidi i wao, tama agai nago dwai kolesaga yali sęgę tigidali sela sąmainu tama yao,’ Ananaiasgo enabolo te po wai,” Pol agai te po wali.