Dwagi Yai Gesi Po Makgo Asęani 1:2 - Godigo dwagi yai po buku

² Te gesi dwagi yai po pusubo sę e tiwai hasia bolo pedelai elaluali. Godigo agai Kraisde wali po te Godigo po pusa mabo profet bidi Aisaiabolo polobadu mu pusali. Tama Godigo agabolo po olama, tama te profet bidi Aisaiago Godigo po te bukude asęai. Te bukude asęani po tomode Godigo aga ogwabolo te po wai, “Edao. Eno po sela pabo bidi tagala palama, tama aga nage pabo badu poligi soaibao. Agai te nago pabo tų sisi yaibao,” te po wai.

Dwagi Yai Gesi Po Makgo Asęani 1:2 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 40:7

Tialima, megi eno e tama obao, “Suao. Ena asalio. Te nago bomai po elalubo bukude nago homugo te eno emainu yabo sę asęanio.

Malakai 3:1

Tialima, Tigidali Bomo Elalubo Genuai Bidigo po wei ponoyu, te tiwai wali, “Te eno po pusugi pabo bidi me deli te eno sunumi dodoligi pomainu polasa tagala palaibao. Dagego te Genuai Bidi asobo tonalubao, tialima polo tama aselama, te aga beba bidagasaibao. Dagego te eno po pusagasobo bidi suabo homu ebo wida, te suiąo. Tialima, aga asobo te eno dąų wali kontrak po pusagasaibao,” te po wai dao.

Matyu 11:10

Te Jon agade te gasa profet bidigo Godigo wali po polobadu asęai dao, ‘Suao, te eno po pusabo bidi tagala palobaso, tama aga nage asabo digi polasa paibao. Agai nago tų sisi iligi paibao.’

Matyu 2:5

Herotgo te po wai. Augwaligo agabolo te po wali, “Te Betlehem bulude, te Judia tǫde dao. Te Godigo po pusubo profet bidigo po polobadu asęyu te po wai,

Matyu 26:24

Te Godigo Bidi Mu aga pabo tų po augwaligo te bukude polobadu asęani, tama te tųdu aga peyu, tama isaibao. Tiali goli te Godigo Bidi Mu te boi bidi nogoba muabo bidi da, hobede mu ebao. Te aga idago te bidi aga me ame negi menigi sogo da, te usugi da,” Jisasgo te po wai.

Matyu 26:31

Te augwali te Oliv bulu duba sabolama, tama Jisasgo augwalibolo te po wai, “Megi e sogo hulide dage da, te dage tigidali te enaba duga homu tigidali mubo sę tagalama tuloluaibao. Magi baso meni. Te Godigo polobadu wali po augwaligo te bukude asęani, te po tama wai, ‘Eno te sipsip tonalubo bidi elibaso, tama te sipsip hani dabe augwali tedali tedela wi paibao.’ Te asęani po elalubao.

Dwagi Yai Gesi Po Lukgo Asęani 1:70

Polobadu agai po pusa mani bidi dabego waligia te yaliao.

Dwagi Yai Gesi Po Lukgo Asęani 1:76

Agai te po me Jonde wali, “Eno ogwa, ‘Nage nosali Moni Godigo po pusa mabo bidi mu dao,’ Godigo te po waibao. Nage bolo polasa paidigi Genuai Bidi nosali asaibao. Nage polasa pelama, aga asobo tų sisi ela muaibao.

Dwagi Yai Gesi Po Lukgo Asęani 18:31

Te Jisasgo aga wali asobo bidi nogo si olama, sągą me badu si selama, augwali te we bidi tagalama, augwa tedali bidali. Agai augwalibolo te po wali, “Edao. Da Jerusalem be naniba pobao. Tama da tede bidibadi, te polobadu bidai bidi dabego enade asęani po mu po pedelaibao. Ena da Godigo Bidi Mu dao. Augwaligo te Godigo enade wali po asęani, te po mu po pedelaibao, Jerusalem be nanide.