Matyu 9:8 - Godigo dwagi yai po buku

⁸ Tama te hanude bidali we bidi augwaligo te tebo bomai sę sulama, tama augwali wi yai. Tama augwaligo Godigo nogi ugwaba sai. Magi baso meni, agai te tobage bomo yai sę yabo bomo te we bidibolo mawai dao.

Matyu 9:8 Iomraidhean Croise

Matyu 12:23

Tama tigidali genuai we bidi hani augwali noma mu sai, tama augwaligo te po wai, “E bidi da aga te Devitgo Ogwa yaliwe, ma meniwe?”

Matyu 15:31

Tama te we bidi augwali noma siyu, augwali homu hauwa yai. Magi basowe, augwaligo suali, te pedauwali pania sai we bidi dabe po ma weyu, te dili gagea pali bage te usu ma eyu, tama te sągą dwai bage me te ma biliyu yai, tama te gedu widai bage te gedu pedeliyu yai. Tama tibaso, augwaligo te Israel bagego God nogi ugwaba mu sai dao.

Matyu 28:18

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Matyu 5:16

Tama te tiwai naga dagego wiegi yai kolesaga ebo te sole ula ebo tiwai dao. Tama tibaso dagego ebo dwagi yai sę te we bidigo sumainao. Tama augwaligo sulama, tama augwaligo duga Aya te dagalude bidibo bidi nogi ugwaba saibao.”

Matyu 9:7

Tama te bidi aga hodaluama, tama aga beba pai dao.

Dwagi Yai Gesi Po Makgo Asęani 2:12

Tama te bidi hodaluama, tama te tigidali we bidi gedude aga pibo somo polo selama, tama palio. Tama tibaso tigidali we bidi augwali noma mu siyu, midigi sai. Tama augwaligo God nogi ugwaba siyu, tama augwaligo te po wali, “Polobadu dago te tobage tiwai sę ebo me susiąwai dao,” te po wai.

Dwagi Yai Gesi Po Makgo Asęani 7:37

Tama te sę yali po odali we bidi tigidali augwali midigi siyu, tama noma mu sali, tama augwaligo te po wai, “Tigidali sę agai ebo, te agai wiegi yai sę naga ebo dao. Agai te olo degai bidi me, te bidigo po odomainogo iliyu, tama te pedauwali pania sai bidigo po ma omainogo eyu yai dao,” te we bidi dabego te po wai.

Dwagi Yai Gesi Po Lukgo Asęani 13:13

Te Jisas agai nogo si te tudi basia selama te sugą sali wego tigide mubaso, tama polo tama te we tudi debela palu bugagia dolugulualio. Tama te wego Godigo nogi ugaba sali.

Dwagi Yai Gesi Po Lukgo Asęani 17:15

Tama augwa tigi sese ma yali sulama, tama bidi me deli aga geasa pelama, i bomona wali, aga Godigo nogi ugwaba siyu, Jisas pageba ma asali.

Dwagi Yai Gesi Po Lukgo Asęani 17:18

E Juda hani isąwai bidi naga agaduba geasa aselama, Godibolo nage usu dao wagasali. Te eno sese ma ilali Juda dabe augwali magi baso nage usu da wagasobewe?”

Dwagi Yai Gesi Po Lukgo Asęani 18:43

Polo te bidigo gedu si dwagi yai ma pedelalio. Agai Godigo nogi ogwaba siyu, Jisas wali pabo gagalali. Tama te we bidi augwaligo Jisasgo agade yali sę sulama, tama augwaligo me Godigo nogi ogwaba sali.

Dwagi Yai Gesi Po Lukgo Asęani 2:20

Tama te sipsip tonalubo bage te sipsip tonalubo sęba ma geasa peyu, Godigo nogi kegene nalani. Te augwaligo gedugo suali sę dabe me, te augwaligo odali po dabe me, tų sisu pela silali. Tama tibaso, augwaligo bugai homu elama, augwaligo Godigo nogi ugwaba kegenanali.

Dwagi Yai Gesi Po Lukgo Asęani 23:47

Te enesigi bidi dabego tuni bidigo te sę suai, tama agai Godigo nogi ugwaba siyu, agai te po wai, “Mu tamao, te bidi Jisas doloba pai bidi mu dao,” te bidigo te po wai.

Dwagi Yai Gesi Po Lukgo Asęani 7:16

Tama te tigidali we bidi moni wi elama, augwaligo Godigo nogi ugwaba sali. Augwaligo te po wai, “Moni Godigo po ola mabo bidi da tomode megi e pedaligulai yabao. God aga we bidi tau sagasu, te asai yabao.”

Dwagi Yai Gesi Po Jongo Asęani 15:8

Dagego sę yalide du hauwa waliyu da, te kolesagade eno Ayago genuai nogi saibao. Tama tilama, dage eno po wali pabo bidi dabe mu yaibao.

Godigo Sęba Tagala Palai Bidigo Po 11:18

Te Jisasgo po wali pabo Juda bidi dabe augwaligo Pitago wali po odama, tama augwaligo wado po wabo tagalali. Tama augwaligo Godigo nogi ugwaba siyu, te po wai, “E, Godigo te sunumi dawai, te Israel bidi hani isąwai bidi dabe augwali me homu begelama, bugagia bidimainu yali,” te po wali.

Godigo Sęba Tagala Palai Bidigo Po 21:20

Tama Polgo te po ola silama, augwaligo Godigo nogi ugwaba sali. Bidi me deli hodaluama, Polbolo agai te po wai, “Dago ama, nage bugagia koneao. Umabo Juda hani we bidi augwaligo homu Jisasba mu muai elalubao. Tama augwaligo bomo elama, Mosesgo bomo yai po tigidali wali pabo da.

Godigo Sęba Tagala Palai Bidigo Po 4:21

Tama te kaunsil dabego me badu bomai sę yabo po tega sibolo ma wai. Tigidali we bidigo Godigo nogi ugwaba siyu bidali, agai bomogo te sągą dwai bidi dwagi yai ma ilai baso. Te bidi agai kibu be bidi si nogo sągą sese te 40 yia silai, tama aga da gesi bidi menio. Tama augwali sigo te sągą dwai bidi dwagi yai ma ilama, tama te we bidi tigidali Godigo nogi ugwaba sobaso, te kaunsilgo ‘Te bidi si dago mena tama elego menio,’ te homu yai. Tama te po olama, augwaligo te bidi si olo tagala palai.

2 Korin 9:13

Dagego te ama dede tau sabo sę ebode, tede te dagego kolesaga hanilama pedalaibao. Te ama dede augwaligo koneama, dagego te Godigo po bugagia wali pelama tama Kraisgo wiegi yai gesi po we bidi gedude hania hanilai dao. Tama dagego homu mu naga eyu, olo mabo nai genuai augwalibolo mabo me, te gasa bidi dabebolo me mabo sueibao. Tama eyu augwaligo Godigo nogi ugwaba saibao.

Galesia 1:24

Tama augwaligo enade te po odoyu, tama augwaligo Godigo nogi ugwaba sai. Tama tibaso, te sęde dagego koneagameo, Godigo digi te eno dagebolo ola mani gesi dwagi yai po agai enabolo ola mawai dao.

1 Pita 2:12

Tama dage te God konesiąwai we bidi tomode bidiyu, tama dwagi yai kolesaga naga yao. Magi baso meni. Augwaligo dage dali nogi posobo po weyu, “Dage dwai sę ebo we bidi dao,” po weyu da, teda augwaligo dagego dwagi yai sę naga ebo sulama, tama nosali te Godigo po tų yagasabo sogo asobo si augwaligo aga nogi ugwaba siyu te po waibao, “Ao, agai po wali pabo we bidi augwaligo dwagi yai sę yalio.”