Matyu 9:2 - Godigo dwagi yai po buku

² Tama augwaligo gasi bidi me deli aga pageba tolasa asali, te bidigo sągą tigi dili tigidali mu isai, tama aga te gologobe wade pila muai. Tama augwaligo konealubo po agade dąų wali sulama, tama agai te gasi bidibolo te po wai, “Ogwa, nago homu ma tegaluama bidao. Eno nago yali dwai sę sęgę sela sąbao,” Jisasgo te po wai.

Matyu 9:2 Iomraidhean Croise

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Aisaia 44:22

Eno dagego dwai sę yali sęgę sela sąwanio, tama augwali te pǫ waligo selasa pabo tiwai yalio. Te dagego yali dwai sę te kigamu pǫ te giliga pedalubode sia sabo tiwai yalio. Eno dage ma salio, tama tialima, dage enaba ma asiąo,” wali.

Matyu 14:27

Tialima polo Jisasgo te po augwalibolo wali, “Dagego homu kęna sao. Te ena dao. Dage wi egimio.”

Matyu 4:24

Tama augwaligo agai te sę yali po tigidali te Siria genuai tǫde bidibo we bidibolo me te po pusai. Tama te po augwaligo odama, tama augwaligo te tigidali dwai gasi haniani eyu, te dwai dene sali bidi dabe me selasa asali, tama te dwai noma bidi elalubo bidi me, te esela pabo bidi dabe me, tama te sągą dili bomo isai bidi dabe me, te sela asai. Tama agai augwali wiegi yai ma ilai dao.

Matyu 6:12

Tama dago homugo nago dago dwai sę yali sela sąyao. Te bidi dabe augwaligo da dali dwai sę elama, tama dago augwaligo te dwai sę yali sela sąbo tiwai yali gilama tama nago dago sęgę sela sąyao.

Matyu 8:10

Jisasgo te po odama, tama aga homu noma siyu, tama agai aga wali asobo we bidi dabebolo te po wali, “Eno mu po dagebolo obao, eno te Israel we bidi hanide te tobage konealubo po dąų wai bidi tiwai me deli eno subeo. Menio.

Matyu 8:16

Tama te sogo pio naga augwaligo te dwai haubo augwalide elalubo we bidi hauwa augwali odasa aselama, tama Jisas pageba pedalai. Tama agai pogo naga po obadi tama te dwai haubo noma bidi dabe sela sąwai. Tama agai tigidali gasi yai bidi dabe wiegi yai ilai dao.

Matyu 9:22

Te Jisas begelama, te we suali. Agai te webolo te po wai, “Eno wegi, nago homu te tegaluama bidao. Nago konealubo po enade dąų waibaso, nago tigi ma usu ilali.” Tama Jisasgo te po obadi yaide, polo tama te we dwagi yai ma yali.

Matyu 9:5

Eno po bomo elalubo dagebolo ola mawainu, te eno magi po wagowe? Eno e bidibolo te po naga wabo si, ‘Nago dwai sę dabe sela sąbao,’ teda eno pogo bomo elalubo dagego hania konegobeo. Me ma, eno e bidibolo te po wabo si, ‘Nage hodaluama, bilao,’ tama aga hodaluama agai aga pibo somo selama bilibaso da, teda dagego eno pogo bomo elalubao waibao.

Matyu 9:6

Ena da, te Godigo Bidi Mu da. Bidigo dwai sę sęgę e tǫde sela sąbo bomo eno elalubo, te dagego suiąo.” Tama weyu, agai te sągą dili tigidali isai bidibolo te po wai, “Nage hodaluama, naga somo selama, tama naga beba pao,” te po wai.

Dwagi Yai Gesi Po Makgo Asęani 1:32

Te be pio eyu, giliga dega sigilubode, te we bidi augwaligo te gasi yai we bidi dabe me, te dwai haubo noma bidi elalubo we bidi dabe te augwaligo agaba selasa asai.

Dwagi Yai Gesi Po Makgo Asęani 10:49

Tama Jisas dolagaselama, tama te po wai, “Te aga i olama asomainao.” Tama augwaligo te gedu widai bidi i olama, tama augwaligo agabolo te po wai, “Nago haliga bomo emainao. Nage hodaluao. Agai nage i obao.”

Dwagi Yai Gesi Po Makgo Asęani 5:34

Tama Jisasgo agabolo te po wai, “Eno wegi, te naga enade konealubo po dąų weyu, enaba homu tialubo kolesaga ebogo te nage usu ma ilali dao. Nage pao, tama naga homu nagame wiegi yai elaluao. Nago gasi silimainogo yai,” te po wai.

Dwagi Yai Gesi Po Makgo Asęani 6:50

Magi baso meni, tigidali augwaligo aga sulama, tama augwali wi mu yai. Tama polo Jisasgo augwalibolo weyu te po wai, “Dage homu tegaluiąo, bomo elama bidiąo. Te ena tama dao. Dage wi egimio,” te po wai.

Dwagi Yai Gesi Po Jongo Asęani 16:33

Eno homugo dage ena dali wadoloyu, tama dwagi yai homu nagame elama bidimainogo eyu, eno e po tamadi tama dage dali wai dao. Dage tǫde bidibadi te tǫde we bidi augwaligo dwai sę dage dali yaibao. Tialima, dagego homu bomo elama, bidao. Eno e tǫde kolesaga aiyaba elaluai dao,” Jisasgo te po aga sę bidi dabe dali wai.

Dwagi Yai Gesi Po Jongo Asęani 2:25

Magi basowe? Jisas aga digi te tigidali we bidigo homu mu konea silai. Gasa bidi mego agabolo te we bidigo homu me ola magobeo.

Dwagi Yai Gesi Po Jongo Asęani 21:5

Tama Jisasgo augwalibolo hanalubo po olama i weyu, te po wai, “Abagi dede, dagego sųgų meba saliwe?” te po wai. Tama augwaligo aga dali po wei ponoyu, te po wai, “Menio,” te po wai.

Godigo Sęba Tagala Palai Bidigo Po 14:9

Tama agai dugulalu, Polgo wabo po odali. Tama Pol agai suali, te bidi agai homu tigidali te Jisasba bugagia muani kolesaga te usu yali, aga dwagi yai ma ilainogo elalubo usu da homu yali. Tama Pol agai te bidi gedugo bomonama dolo ponama tonaluali.

Godigo Sęba Tagala Palai Bidigo Po 19:12

Polgo nami ugwa ugwa kugulu gudai dao, te duga holobo ugwa gebode kęwai dao. Tama augwaligo te tobage ugwa dabe Polgo tulama, tama augwaligo te gasi sai bidi dabe bidibo madigiba selasa pai dao. Augwaligo te ugwa te gasi sai bidi tigiba mubo si, te gasi sia sai dao. Te dwai haubo noma elalubo bidi dabe me, te sogo augwaligo te sę ebo si, te dwai haubo nomago te bidi dabe tagalama, wi pai dao.

Godigo Sęba Tagala Palai Bidigo Po 23:11

Te sę augwaligo elama, te sogo hulide te Genuai Bidi Jisas aga Pol pageba aselama, dolaluali. Tama agai te po wali, “Pol, nago Jerusalem bidibolo eno po pusa mani. Tama nosali nago te pusali po tiwai naga te Rom be nanide me pusa mao. Tama tibaso, nago wi egio, nago homu dąų olama, bidao,” wali.

Polgo Po Pas Rom Dabeba Asęani 5:11

Tama tede naga me egobeo. Menio. Dago Genuai Bidi Jisas Krais agai da te God dali deli homu pedalumainogo ilali, tama agai te yali sęde te megi dago Godibolo wiegi yai homu pemene ebo dao.

Jems 2:18

Te bidi mego te po wali, “Ao, eno Jisasde konealubo po dąų wabo dao,” wai. Tiali goli agai gasa we bidi tau siyu wiegi yai sę ebe, tama te tiwai bidi dali eno tama po waibao, “Nago pogo naga te konealubo po dąų wabo po wai, tama eno da, te eno we bidi tau sabo kolesaga ebo dao. Tialima, eno te dwagi yai kolesaga ebo suyu da, te sogo nago koneyu eno Jisasde konealubo po dąų wabo mu koneaibao. Tiali goli nago wiegi yai kolesaga ebe, tama mena tama eno nago te konealubo po dąų wabo koneaibawe? Te tų menio, eno konegobeo.” Eno te po te tiwai bidibolo waibao.