Matyu 9:1 - Godigo dwagi yai po buku

¹ Te Jisas te geba me deliba holama, tama te sigi wę e badu ma aselama, tama aga buluba ma pedelai.

Matyu 9:1 Iomraidhean Croise

Matyu 4:13

Tama aga te Nasaret hanude osogo bidama, tama tedu pelama, te Kaperneam buluba pelama bidigi pai. Te Kaperneam hanu te sigi wę sesegede elaluali, te Sebulun bidi hanigo tǫ me te Naptali bidi hanigo tǫ me te tǫ si te badu elalubo dao.

Matyu 7:6

“Te dagego te wiegi yai tedali nai te yowi dabebolo magimio. Tama dagego duga wiegi wiegi yai au yabo bis tiwai nai dabe te kibu dabeba sągimio. Tiyu augwaligo te nai dabe sągągo agalama, tama augwali ma begeleyu, tama dage ma tuidali weyu tama egimio,” Jisasgo te po wai.

Matyu 8:18

Jisasgo te genuai we bidi hanigo aga bagulubo sulama, tama agai te aga wali asobo bidi dabebolo te po wai, “Da te sigi ąį u badu sesege badu te gebadu pinao,” te po wai.

Matyu 8:23

Jisas te gebaba holobaso, tama aga wali pabo bidi dabe me augwali aga wali pai dao.

Dwagi Yai Gesi Po Makgo Asęani 5:21

Te Jisas te gebadu peyu, te sigi ąį ma nogeali. Aga te wę u badu pedai badu tugi pali, tama genuai we bidi hani augwali aselama agaba sisinagasali. Tama Jisas aga te sigi ąį sane pąde bidali.

Dwagi Yai Gesi Po Lukgo Asęani 8:37

Tama te Gerasa bulu bidi dabe tigidali wi kisu mu dobaso, Jisas pao olama, gudulali. Tama te po obaso, Jisas te geba daiba holama, painu yali.

Dwagi Yai Gesi Po Lukgo Asęani 8:40

Jisas te sigi ąį me badu pedai bogo badu te moni gebadu ma nogebadi yaide, te we bidi tigidali augwaligo aga asobaso sulama, te augwa dwagi yai homu pemene yali. Magi baso meni. Augwaligo aga asobo tonaluai dao.

Kraisgo Geme Dualali Sę Pedelabo Po Jonbolo Ola Mani 22:11

Tama te dwai kolesaga ebo bidi agai te dwai kolesaga mę ela pomainao. Bidigo dwai meda yai kolesaga ebo, te bidi agai te meda yai kolesaga mę ela pomainao. Tama te wiegi yai doloba pai kolesaga ebo te bidi, agai te wiegi yai doloba pai kolesaga mę ela pomainao. Tama magi sę me isiąma olo mu bidibo bidi, te bidi aga te sę me isiąma aga olo mu mę bidimainao,” te ensel mobo bidigo te po wai.