Matyu 8:4 - Godigo dwagi yai po buku

⁴ Tama Jisasgo te bidi aga dali te po wali, “Bugagia dua dao. Nago bidi me deli dali eno nagede yali sę po me wagio. Menio. Nage dolo pelama, tama nago tigi te pris bageba waseligi pelama, tama agai nago tigi osola sumainao. Tama tilama, tama polobadu Mosesgo wali po gilama Godibolo nai ofa yao. Tama tiyu te bidi dabego koneyu, te nago gasi silali, nage te meda meni yai bidi tiwai megi ma bidibao, te homu augwaligo yaibao,” Jisasgo te po wai.

Matyu 8:4 Iomraidhean Croise

Aisaia 42:21

Genuai Bidigo te doloba pai kolesaga naga eyu, tama agai te we bidi dabe ma dobola sabo kolesaga ebode dwagi yai homu ebao. Tama tibaso, aga bomo yai po dageba mobao, te gasa bage dabego sulama, te tiwai konemainu ebao, te bomo yai po te wiegi yai mu, te mu polalubo dao.

Pris Sę Ebo Bomai Po 13:49

“Tama te nai te ni yano tigi poai, ma mama yai pedalubaso da, teda augwaligo te ugwa dabe prisba waselama, ola magasao,” te po wai.

Matyu 10:18

Te dagego ena wali pobaso, dage augwaligo te gavman bidi dabebolo me te genuai tuni bidiba me selasa paibao, te po tų tede ilimainogo yaibao. Tama dagego augwali dali me, te Israel hani isąwai bidi dabe dali augwalibolo eno gesi wiegi yai po pusao.

Matyu 16:20

Tama te po olama, agai po bomonama aga wali pabo bidi dabebolo wali, augwaligo gasa bidi dabebolo te aga digi te Godigo sa muani Krais bidi da wali po me wagio, hogwa sao, te po wai.

Matyu 17:9

Te augwali te bulu dude bidali tagalama dulubadi, Jisasgo bomo elama, augwalibolo te po wai, “Dagego megi suali sę po te gasa bidi dabebolo wagio. Dagego te po osogo hogwa sao. Tama nosali te Godigo Bidi Mu aga isama, tama ma hodalobode, tama te sogo dagego megi suali sę po te we bidibolo wagameo,” Jisasgo te po wai.

Matyu 3:15

Tiali goli Jisasgo agabolo po wei ponoyu te po wali, “Woo, te nago eno wabo po wali peyu, te sę yao. Tama tiyu, te dago doloba pai kolesaga naga usu nama inao,” te po wai. Tama tialima Jongo agai po wali pai.

Matyu 5:17

“Dagego homugo ena asali eno te Godigo bomo yai po me te Godigo po pusali bidi profet dabego ola mani po dali sela sąwainogo asali homu egimio. Menio. Te eno te po sela sąwainogo asobe, te eno te po mu usu nainogo ena asai dao.

Matyu 6:1

Te bulu du daide bididubadi, Jisasgo te po me wai, “Dage dua dao. Te we bidi dabe augwaligo dagego te wiegi wiegi yai kolesaga ebo sulama, tama augwaligo dagego nogi ugwaba somainogo te bidi dabe augwali gedude te duga wiegi yai kolesaga egimio. Te dagego tama kolesaga eyu da, te duga dagalude bidibo Aya agai te dage mawainogo sisi elama elalubo te wiegi yai nai te dagego me sogobeo.”

Matyu 9:30

Tama te bidi sigo gedu widai elaluali te ma pedai. Tama Jisasgo bomonama te augwali sigo te yali sę po hogwa somainogo te po wai, “Te bidi me deligo te sę yali po koneidali weyu wagimio.”

Dwagi Yai Gesi Po Makgo Asęani 13:9

“Duga digi te bugagia tonaluiąo. Te augwaligo dage te augwa kaunsilba po tų ela mawaibao. Tama augwaligo dage te Juda dabego bomai po odobo lotu be tomode elaibao. Te augwaligo ena nogi aiyaba elaluabo homu elama, tama augwaligo dage te gavmaniba me te tuni bidi gesabidiba dodolaibao. Tama tebode te dagego te Godigo gesi wiegi yai po te augwaliba pusa mao.

Dwagi Yai Gesi Po Makgo Asęani 3:12

Tiali goli agai po bomonama augwaliba wali, augwaligo te aga nogi hanilama munu me wagio wai.

Dwagi Yai Gesi Po Makgo Asęani 5:43

Tama Jisasgo po bomonama augwalibolo weyu, te po wai, “Dagego te sę ebo suali po te bidi me delibolo munu me olamuo.” Tama agai augwalibolo weyu, te nai meba selama te dwasianu wegibolo maiąo po wai.

Dwagi Yai Gesi Po Makgo Asęani 6:11

Tama te meba bulude te augwaligo dage te augwa beba dage sela pisąma, tama augwaligo dagego po odisąyu ebaso da, teda dagego te bulu taga peyu, tama te dagego sągąde elalubo pobele bage sela sąyao. Tama tiyu augwaligo te augwa dage dali yali dwai kolesaga homugo kone palomainao,” agai te po wai.

Dwagi Yai Gesi Po Makgo Asęani 7:36

Tama Jisasgo augwaliba habu seleyu, bomonama wali, augwaligo te sę yali po te bidi me delibolo munu me wagio po wai. Agai bomonama augwali habu selali, tiali goli menio, augwaligo bomo mu elama, te po pususu palio.

Dwagi Yai Gesi Po Makgo Asęani 8:30

Tama agai augwali habu seleyu, te augwaligo bidi me delibolo olamu da po wai.

Dwagi Yai Gesi Po Makgo Asęani 9:9

Augwali te bulu dude bidali tagalama tama aiyaba dudulayu, tama Jisasgo augwali habu seleyu, te tiwai po wai, “Te dagego suali sę, te dagego bidi me delibolo munu me wasiąma, te ena Godigo Bidi Mu te gų page tagalama ma hodalobo sogoba usu naibao,” wali.

Dwagi Yai Gesi Po Lukgo Asęani 17:14

Tama Jisasgo augwali sulama, tama agai augwalibolo te po wali, “Dage piąo, te pris bidi dabe pageba piąo. Te bageba pelama, duga tigi augwalibolo waseligi piąo,” te po wali. Tama odama, te oiyabe gasi sai bidi dabe pabo gagalali. Augwali pebelayu subadi, augwa tigi sese ma yali suali, tomode.

Dwagi Yai Gesi Po Lukgo Asęani 21:13

Te dagego Godigo po wabo tų nigilu te ebao.

Dwagi Yai Gesi Po Lukgo Asęani 4:41

Dwai haubo dabego we bidi hauwa taga pali. Tama te dwai haubo dabego hai olama, te po wali, “Nage Godigo Ogwa dao.” Augwaligo koneani, Jisas te Godigo we bidi tau somainu sa muani bidi Krais da. Tama tibaso, augwaligo te po te we bidibolo waidali weyu, agai augwaligo po tomode togwa sąyani.

Dwagi Yai Gesi Po Lukgo Asęani 5:14

Tama Jisasgo te bidi aga dali te po wali, “Bugagia dua dao. Nago bidi me deli dali eno nagede yali sę po me wagio. Menio. Nage dolo pelama, tama nago tigi te pris bageba waseligi pelama, tama agai nago tigi osola sumainao. Te elama, tama nago te Godibolo te ofa mao, te bidi Mosesgo te kolesaga yao wali po tiwai gilama emainogo yao. Tama tiyu te bidi dabego koneyu, te nago gasi silali, nage te meda meni yai bidi tiwai megi ma bidibao, te homu augwaligo yaibao,” Jisasgo te po wai.

Dwagi Yai Gesi Po Lukgo Asęani 8:56

Te wegi aga ida aya moni noma sali goli, Jisasgo “E tama tiali po gasa we bidibolo pusugio,” wali.

Dwagi Yai Gesi Po Lukgo Asęani 9:21

Jisas agai augwaligo te po mebolo waidali weyu, bomona hageali, “Te po mesegeleiąo,” wali.

Dwagi Yai Gesi Po Jongo Asęani 5:41

“Te ena asali, te we bidi augwaligo enabolo genuai nogi momainogo asobeo.

Dwagi Yai Gesi Po Jongo Asęani 7:18

Bidi mego agai homugo digi po wabo bidi da, te bidi aga genuai nogi aga digi sainogo tibo dao. Tialima, bidi homugo tego ena tagala palama, ena asai da olama, agai Godigo nogi ugwaba siyu da, te usu yaibao, te tebo bidi da doloba pai bidi da, agade tibo dwai sę me isiąwai bidi dao.

Dwagi Yai Gesi Po Jongo Asęani 8:50

Tialima, eno ena nogi ugwaba sabo sę me ebeo. Tialima bidi me deligo eno nogi ugwaba sabo sę ebo dao. Tama te bidi aga te ena dali dage dali tomode te po tų ebo po dodolabo bidi mu dao.