Matyu 5:1 - Godigo dwagi yai po buku

¹ Te Jisasgo te genuai we bidi hani aga wali asobo suali, tama aga te bulu du me deli bageba holai. Tama aga te bulu dude dulalubadi, tama aga wali bilali bidi dabe augwali aga pageba asali.

Matyu 5:1 Iomraidhean Croise

Matyu 13:2

Tama we bidi hani hauwa aselama. aga pageba sisinagasobaso tama aga te geba me deli daiba holama duagulali, tama te asali we bidi augwali tigidali te sigi ąį sani sesegede bidaluai.

Matyu 15:29

Te megi da, Jisasgo te hanu si tǫ tagalama, tama te sigi ąį Galili tǫ pąba pai. Tama aga te tǫde te bulu du me deliba holama, tama te bulu dude dulaluai.

Matyu 4:25

Tama te genuai we bidi hani hauwa, te genuai tǫ Galilide bidibo we bidigo me, te Dekapolis tǫde bidibo we bidigo me, te moni hanu Jerusalem we bidigo me, te Judia genuai tǫde bidibo we bidigo me, te Jordan pabo ąį te tǫ u badu bidibo we bidigo me, te tǫ tigidalide bidibo we bidi mebago naga te aga wali pai.

Matyu 5:2

Tama agai po augwalibolo weyu te po ola mani,

Dwagi Yai Gesi Po Makgo Asęani 3:13

Jisas te bulu du daiba holai. Agai te bidi meba sa muainogo yai. Tama agai te bidi dabe i olama, tama augwali agaba asali.

Dwagi Yai Gesi Po Makgo Asęani 3:20

Jisas te beba pai. Tama te genuai we bidi hani augwali ma sisinani, tama te Jisas aga wali pabo bidi dabe dali augwaligo te we bidi tau sabo sę hauwa elalubaso, augwali te nai tuabo sogo meni yani.

Dwagi Yai Gesi Po Makgo Asęani 4:1

Te nosali me sogo Jisasgo te we bidi augwali te Galili sigi wę sane pąde po ola mabo sę ebo ma gagalali. Tama genuai we bidi hani mu te augwali agaba sisinagasali. Tama aga te geba me deliba holama, tama tede dulaluai. Tama geba te sigi we tomode elaluali. Tama tigidali we bidi augwali te we sane pąde duada pelama bidaluai.

Dwagi Yai Gesi Po Lukgo Asęani 6:12

Te sogo Jisasgo Godibolo po wainu eyu, tama bulu duba holama, moni huli sesabi Godibolo po udali.

Dwagi Yai Gesi Po Lukgo Asęani 6:17

Te Jisas te bulu dude bidama aiyaba ma dulai, aga tagala palabo bidi dabe dali dulali. Tama dulama, augwali te bulu odogo tǫ maluba sabolama, te aga hanide po pusali. Tama umabo we bidi aga pageba asali. Augwali me badu te Judia tǫdu asai, me badu Jerusalem be nanidu asai, me badu te nabis bulu sidu asai, me nogi Taia, me nogi Saidon, tedu me asali.

Dwagi Yai Gesi Po Lukgo Asęani 6:20

Te Jisasgo aga hani bidi dabeba tonono bilama, te po wali, “Te dage nai meni yai we bidi, bugai homu iyąo. God da dagego tobolu bidi dao.

Dwagi Yai Gesi Po Lukgo Asęani 9:28

Te po olama, Sarere deli bidama, Pita badi, Jon badi, Jems badi, tama bage Jisasgo selama, bulu duba Godibolo po wainu holali.

Dwagi Yai Gesi Po Jongo Asęani 6:15

Tialima Jisasgo koneai, augwaligo homugo Jisas aga dąų olama, tama Jisas aga augwaligo tuni bidi bidimainogo yaibao, augwali te homu yai Jisas aga dali. Tama tibaso, Jisas agaduba bulu duba ma pai.