Matyu 4:5 - Godigo dwagi yai po buku

⁵ Agai te po obaso, tama Satango aga selasa te moni wiegi yai tedali hanuba pali, tama aga te Moni Lotu Be tempel pedu te ugwaba mu dodolali.

Matyu 4:5 Iomraidhean Croise

Tuni Bidi Dabego Po Elalubo Buku Si 3:4

Tama te be gesabidi badu te rum me deli elaluali, te moni be mabo tiwai da, tama agai genuai te 9 mita usu nama elaluali, te Genuai Bidi aga tempel be magi tiwai si tama. Tama te be mabo be ugwa badu da te 54 mita usu nama elaluali, te genuai sigi be mu dao. Tama augwaligo te wiegi yai gol selama, tama augwaligo te be paiyai daga tomo badu munama, te be daga sese tama halua silali.

Nehemia 11:1

Te sogo te Israel tobolu bidi dabe te Jerusalemde bidali, tama te meba we bidi augwali gasa hanu dabede bidada pali. Tama augwaligo satu gagali yali, te augwa nogo si hani tomode deli deli hani te Jerusalemba bidigi pabo bage sa mumainogo, te Godigo hanu. Tama te gasa hani meba augwali te gasa meba hanu dabede bidada pali.

Nehemia 11:18

Te Godigo taun Jerusalemde bidali Livai dabego namba e tiwai, te 284 dao.

Aisaia 48:2

Tama duga digi duga nogi ugwaba siyu, te po weyu, dage te God aga digi sa muyu, aga da wali, te taungo hani we bidi da, po wabo dao. Tama dage te Israelgo Godide tau mabo sainu tonalubo dao. Aga nogi da, te Tigidali Bomo Elalubo Genuai Bidi dao.

Aisaia 52:1

Jerusalem, nage te God aga da olama, sa muani hanu, nage hogodao. Nage hogodama, bomonama dolugulao. Nago au dobage te gasa sawi yai sawi yai munama, te nage tonobo gasagi me mu yaibao. Te Godigo po odisąbo bidi dabe, me te God gedude wiegi yai isąbo hani bidi dabe, te augwali nage tomoba me asogobeo.

Daniel 9:16

Tama nago dago dwai sę, me dwai kolesaga dabe te dago wąį nǫų dabego me ebo sulama, tama nago dabolo dwai dene sabo menama, tama te taun Jerusalem dolali. Tama te Jerusalem pąde elaluali bulu tǫ kantri we bidi tigidali, augwaligo te Jerusalemba me, te nago we bidi dabolo me, posobo po weyu, gisugu mabo po wali. Tiali goli, megi te dago homugo te nago wado po te Jerusalemba munu ma wagi homu yali, magi baso meni, te nago taun da, tama te naga bulu dude digi ugwadu elalubao. Te polobadu nago da tau sabo wiegi yai sę hauwa yali, tama dago homugo nago te tiwai ma emainu homu ebo dao.

Daniel 9:24

“Godigo dąį ilali te 70 taims 7 kibu be dabe silibo si, te agai nago we bidi dabe dali, me Jerusalem te wiegi yai ma ilabo po wali, tama aga taun dao. Agai te tigidali we bidigo sęgę sela sąnama, tama augwa yali dwai kolesaga tigidali siminaibao. Tama agai te sesemane bidada pabo sogo pedalumainu ilaibao. Tama aga te Gasagi Yai Tedali Mu pesage me deli nigilaibao. Godigo te sę dabe te nade wali sę me, te profet dabego wali po me, te usu nagasu, te tama yai dao.

Matyu 27:53

Augwaligo te gų page tagalali, tama nosali Jisas ma hodaloai madi, augwali te Godibolo hogea sali moni hanu tomoba palio. Tama bidi hauwago te sogo augwali suai dao.

Dwagi Yai Gesi Po Lukgo Asęani 4:9

Nosali Satango Jisas Jerusalem Moni Lotu Be tempel poa pali daiba mu sela holali. Tama Satango te po wali, “Nage Godigo Ogwa da wida, edu aba samanao.

Dwagi Yai Gesi Po Jongo Asęani 19:11

Te Jisasgo agai po wei ponoyu, te po wai, “Tialima, God dagalu ugwadu bidibo bidi agai bomo nagebolo magi menigi sogo da, te nago bomogo ena aiyaba elalugi menio. Tama tibaso, ena nago nogoba muani bidi, te bidi agai sęgę genuai mu eyu, tama nago sęgę aiyaba elaluaibao,” Jisasgo te po wai.

Kraisgo Geme Dualali Sę Pedelabo Po Jonbolo Ola Mani 11:2

Tiali goli te lotu be bulu badu, te we bidi bilibo madi, te nago tagalao, tede nago usu nigo usu sigio. Te madi te Godigo po wali pisąwani we bidigo nogoba mawai dao, tama augwaligo te Tedali Wiegi Yai Hanu sągągo agayu, tama polua bidi sese si olama me si tama yaibao,” te po wai.