Matyu 4:25 - Godigo dwagi yai po buku

²⁵ Tama te genuai we bidi hani hauwa, te genuai tǫ Galilide bidibo we bidigo me, te Dekapolis tǫde bidibo we bidigo me, te moni hanu Jerusalem we bidigo me, te Judia genuai tǫde bidibo we bidigo me, te Jordan pabo ąį te tǫ u badu bidibo we bidigo me, te tǫ tigidalide bidibo we bidi mebago naga te aga wali pai.

Matyu 4:25 Iomraidhean Croise

Matyu 12:15

Tiali goli Jisasgo augwaligo te po wabo koneama, tama agai te bulu tagalama gasaba pai. Tama te we bidi hauwa aga wali pai, tama agai augwali tomode tigidali gasi we bidi usu ma ilai dao.

Matyu 19:2

Tama we bidi hauwa augwali aga wali asai. Tama tede agai augwaligo gasi dabe usu ma ilai.

Matyu 4:15

“Tama te Sebulun hanigo moni tǫ badu, me te Naptali hanigo moni tǫ te badu me, te sigi węba pabo tų badu, te Jordan pabo ąį badu, te Juda hani isiąwai bidi dabe hauwa bidibo tǫ nogi Galili,

Matyu 5:1

Te Jisasgo te genuai we bidi hani aga wali asobo suali, tama aga te bulu du me deli bageba holai. Tama aga te bulu dude dulalubadi, tama aga wali bilali bidi dabe augwali aga pageba asali.

Matyu 8:1

Te Jisas aga te bulu dude bidali tagalama, tama aba dulama, tama we bidi hauwa aga wali asai.

Dwagi Yai Gesi Po Makgo Asęani 5:20

Tama tibaso te bidi pelama, tama agai te sę yali po te hanu nogo si elalubo tǫ pedai badu te Jisasgo agade yali sę po tigidali pususu bilali. Tama tigidali we bidi augwali homu hauwa eyu noma sali.

Dwagi Yai Gesi Po Makgo Asęani 6:2

Te Sabat sogo aga te bomai po odobo lotu be tomoba pelama, tama te we bidi augwalibolo te Godigo po pusa mani. Tama augwali hauwago agai po odolama, tama augwali dwai noma siyu midigi sali. Augwaligo te po wali, “Te bidigo te ola mani po menade saliwe? Te agade koneani elalubo kolesaga, te menagiai kolesaga dawe? Mena tama tilama agai te bomai sę ebowe?

Dwagi Yai Gesi Po Makgo Asęani 7:31

Te silama, megi da Jisas ma hogodama, tama te Tair tǫ pedaide bidali tagalama, tama te Saidon bulu tomodu pai. Tama aga te hanu nogo si elalubo genuai tǫ tedu pelama gana, tama te sigi ąį Galili pąba sabolali.

Dwagi Yai Gesi Po Lukgo Asęani 6:17

Te Jisas te bulu dude bidama aiyaba ma dulai, aga tagala palabo bidi dabe dali dulali. Tama dulama, augwali te bulu odogo tǫ maluba sabolama, te aga hanide po pusali. Tama umabo we bidi aga pageba asali. Augwali me badu te Judia tǫdu asai, me badu Jerusalem be nanidu asai, me badu te nabis bulu sidu asai, me nogi Taia, me nogi Saidon, tedu me asali.

Dwagi Yai Gesi Po Lukgo Asęani 6:19

Jisas agai bomogo gasi yai we bidi hauwa usu ilibaso, mebago me Jisas agai tigi diąwainu yali, augwali dwagi yai ma emai hagede.