Matyu 4:10 - Godigo dwagi yai po buku

¹⁰ Tama Jisasgo aga dali te po wali, “Satan, nage gedao. Godigo po bukude te po wai, ‘Nago naga Genuai Bidi God dali naga lotu po weyu, aga dologode bidao. Tama nago agai sę deli naga dąų olama yao.’ Te po elalubao,” Jisasgo te po wali.

Matyu 4:10 Iomraidhean Croise

Tuni Bidi Dabego Po Elalubo Buku Deli 21:1

Te Satango te Israel dabe sęgę mawai hagede, tama agai Devitba homu kolesaga mobaso te Israel we bidi augwali nedao wai dao.

Jopgo Po Asęani Elalubo Buku 1:12

Tama Genuai Bidi agai Satanbolo te po wali, “Odao, eno agai te nai dabe tigidali nago nogoba mobao. Tagalao, nago te naide magi sę me yabo homu ebaso da, teda eyu naga yao. Tiali goli, nago Jop tigide dwai sę me deli bolo me elamuo,” wali. Te dwai Satango Godigo te po odama, tama aga taga pali.

Jopgo Po Asęani Elalubo Buku 1:6

Me sogo te Godigo ensel mobo bidi dabe augwali Genuai Bidigo geduba sisinagasali. Te dwai haubo tobolu bidi me teba asali, te Godigo gedu, te Satan dao.

Jopgo Po Asęani Elalubo Buku 2:1

Me sogo ma, Godigo ensel mobo bidi dabe ma Godigo geduba ma sisinagasali. Te sogo me te Satan me Godigo geduba asali.

Godigo Nogi Ugwaba Sabo Tęąbi Po Wabo Buku Dabe 109:6

Te bidi dwai me deli nigilama, te agai eno boi bidigo po te po tųde dagalumainu emainao. Te aga boi bidi me deligo digi aga po tų ela momainao.

Ma Dobola Sali 23:25

Tama dagego lotu po enaba naga wao. Ena God, dagego Genuai Bidi dao. Dagego tama tiyu da, te eno dage wiegi yai iliyu, tama dage nai me te wę me mayu, tama dage gasi dabe me tigidali sela sąwaibao.

Aisaia 30:22

Tama da, dagego duga tibo godigo piksa dabe saibao. Te da te bidi dabego nigilama, silva dali, gol dali sigo haluai piksa. Tama dagego te piksa dabe te dwai damua pai nai tonobo tiwai tonama, e tama po waibao, “Gedao. Dago nage subo hagela ebo.”

Matyu 16:23

Tama Jisas begelama, Pitabolo te po wai, “Satan, nage ena tudi badu soao. Nago eno pabo tųde tųą palobo nai tiwai dao. Nago Godigo homu kolesaga wali pabeo. Menio. Nago e tǫde bidigo homu kolesaga naga wali peyu, enabolo te po wai,” Jisasgo Pita dali te po wai.

Dwagi Yai Gesi Po Makgo Asęani 1:13

Tama aga te bidi meni yai bulude bididubadi, te bidi sese si sogo bidali, tama te usu sabo dwai mobo bidi Satan asama, tama sesemane sogo aga usu sagasali, Jisasgo dwai sę emainogo tama usu sali. Tama Jisas te bulu hasa dabe dali bidali. Tama Godigo dagalude sę ebo ensel mobo bidi dabego aga tau sali.

Dwagi Yai Gesi Po Lukgo Asęani 10:18

Jisas agai te dwai haubo polalubo bidi nogi Satan agai bomo polobadu dolai dao homu eyu, te po wali, “Satan be sole gagawai dagaludu kegasa dulubo eno polobadu suai dao.

Dwagi Yai Gesi Po Lukgo Asęani 11:18

Tama te Satango hani bage si bugulama, hwįgi sogo da, teda magi ilama agai te tobage sę ebo bomogo te nai dabe tonalugi dawe? Dagego enabolo dwai noma haubo tobolu bidi Belsebulgo te enabolo bomo mawai digi eno te sę ebao, te po dagego obao.

Dwagi Yai Gesi Po Lukgo Asęani 13:16

Me ma, e we da, te polobadu genuai bidi Abrahamgo hani we da. Tama e we te dwai kauwa bidi Satango dąų wali, kibu be hauwa 18 bidali. Eno e we tau salio, e we bugagia sese bidimainu sana palalio. Dwagi yai sę yalio. Eno dwai sę ebeo. Dagego homugo te eno dwai sę yalio, te homu ebawe? Te menio,” Jisasgo te po wali.

Dwagi Yai Gesi Po Lukgo Asęani 22:3

Te dwai haubo noma bidi Satan agai te bidi me nogi Judas aga homu tomoba pai. Te Judas aga te Keriot bulu bidi dao. Tama Judas te Jisas wali tigidali sogo pabo bidi nogo si olama, sągą me badu si tomode bidali bidi dao.

Dwagi Yai Gesi Po Lukgo Asęani 22:31

Te Jisasgo te bidi Saimonbolo weyu, te po wai, “Saimon, Saimon, nage odao. Te dwai haubo noma bidi nogi Satan agai dage dayu, usu sainogo, agai God hanalu wali. Tama Godigo ‘Ao’ wali.

Dwagi Yai Gesi Po Lukgo Asęani 4:8

Tibaso, Jisasgo wei ponoyu, te po wali, “Woo, Godigo bukude wali po e tiwai po wai dao, ‘Nago naga Genuai Bidi God dali naga lotu po weyu aga dologode bidao. Tama nago agai sę deli naga dąų olama yao,’ te po wai dao,” Jisasgo te po wai.

Dwagi Yai Gesi Po Jongo Asęani 13:27

Judasgo te nai sai, tama tamadi tama te dwai haubo mobo bidi nogi Satan agai Judasgo homude dwai po mu muai. Jisasgo agabolo te po wai, “Nago te sę yai wida, te nago polo yao,” Jisasgo te po Judas dali wai.

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Godigo Sęba Tagala Palai Bidigo Po 5:3

Pitago agabolo te po wai, “Ananaias, magi baso Satango dwai kolesaga elama, nago te tǫ abelali masigi bogea siyu tama me badu dualama, te Godigo Dwagi Yai Mobobolo tibo po waliwe?

1 Korin 5:5

Tama tiyu te bidi dagego te Satango nogoba munama, te agai te dwai sę yali bidigo tigi dolomainao. Dago te tiwai elama, tama aga tigi dolai goli Godigo te bidigo mobo noma bidi te Genuai Bidi ma asobo side ma dobola somainogo tama tiao.

1 Korin 7:5

Dage we de bidi si taluama bidibo, te me deligo me tudiba muyu tama aga tigi dąų weyu geą siyu me elamuo. Te kolesaga ebo tagalao. Mu tama, duga si homu deliba munama, tama duga si tigi te pęwadage sogo habu selabo homu elama, te duga si Godibolo gedu haluasa po wabo sę yainu osogo habu selabo homu ebaso da, te usu da. Tiali goli nosali te duga si homu deli elama te duga si tigi deliba ma taluao. Tiyu duga digi te duga tigi ma tonaluabo usu isąyu, tama Satango dage usu siyu, te dagego dwai penani sę emainogo sinabuo.

2 Korin 11:14

Tama dage tede moni midigi me selamuo. Dago koneani, Satango digi aga tigi hasegelama, tama tigigo naga aga te dwai sę isąwai wiegi yai ensel mobo bidi tiwai pedalobo dao.

2 Korin 12:7

Te po hauwa Godigo enabolo te dagalude ola mani, te genuai wiegi yai nai mu dao. Tama tede ena digi ena ugwaba sabo te Godigo godolo me ebe, tama agai te dene mabo sesani ena tigiba enebo nai tiwai nai me deli enabolo mani. Te dene mabo nai te Satango sę ebo bidi tiwai dao, te ena elidumainogo ebao. Te ena aiyaba elaluama tama te eno te dagalude suali naide ena digi ena ugwaba me sidali olama tibo dao.

2 Korin 2:11

Eno te dago aga sęgę sela sąbo homu yali, tiyu Satango da tibo po ola menama tama da aiyaba elaluidali weyu tiaibao. Dago agai te we bidi dolabo dwai homu kolesaga koneai dao.

Bomai Po 10:20

Dage tigidali sogo God dago Genuai Bidi dologode bidiąo, tama aga delide naga lotu weyu yao. Dagego agaba dąų ola selama, tama dagego tigidali po aga delide naga dąų waliyu yao.

Jems 4:7

Tama tibaso, dagego duga dwai kolesaga ebo te homu aiyaba dualao, tama dage Godigo bomo dologode bidao. Tama tiyu, dagego te Satango dwai sę yainogo ebo dagalama sela sąyao, tama agai dage dali te dwai sę yainogo yali tagalama Satan aga wi paibao.

Josua 24:14

Tama Josuago po ma weyu, te po wai, “Tialima, megi da, dagego te Genuai Bidi dologode bidiyu, agaba lotu po weyu, tama sesemane sogo dagego agade sę te dagego bomo tigidali teba munama, sę yao. Dagego te tibo godiba homu kone ebo tagalama, te duga wąį dabego te Mesopotemiade me te Isip pedai badu side bidali sogo augwalibolo te lotu po wali. Dagego te Genuai Bidiba naga lotu po wao.

1 Pita 5:9

Tama dagego duga Godide konealubo homu bugagia dąų olama, tama dolaluyu te boi bidi sela sąyao. Dagego koneani, te augwaligo dage dene mabo tiwai gilama eyu, te gasa bidi dabego te Godigo hani we bidi tigidalibolo te tobage dene mabo dao, te tigidali tǫde.

1 Samuel 7:3

Tama nosali Samuelgo te Israel dabebolo te tiwai po wai, “Te dage homu mu begelama, tama Genuai Bidiba ma begasa asabo homu ebaso da, teda duga te tibo god, me tama te tibo god we Astarte piksaba lotu wabo, te dagego sela sąyao. Tama dage Genuai Bidi dologode mu bidiyu, tama aga deliba naga lotu waiąo, tama teyu da, agai dage tau selama, tama te Filistia ami bidi dabe sela sąyu, te augwaligo dage ma tonalumainu me egobeo,” wali.