Matyu 3:7 - Godigo dwagi yai po buku

⁷ Tiali goli Jongo suali, te lotu po wabo bidi hani si te Farisi bage me te Sadyusi bage me te augwali me baptais somainogo asali, tama agai augwalibolo te sesanobo po weyu te po wali, “Dage te dwai hasamani dabego wai dabe, te Godigo te dwai sę yali we bidibolo dene ilabo sogo mu asaibao. Tama tialima mena bidigo dage dali po obaso, tama megi dage wi painogo ebawe?

Matyu 3:7 Iomraidhean Croise

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

Bugagia Bidibo Kolesagade Po Asęai Buku 28:4

Te bomai po tudiba mubo bidi dabe augwaligo te dwai kolesaga ebo bidi dabe nogi ugwaba saibao. Tiali goli, te bomai po wali pabo bidi dabe, augwaligo te dwai sę ebo bidi dabe aiyaba elalubo sę ebo dao.

Aisaia 59:5

Te dagego dwai homu kolesaga elalubo, te dwai nabi elalubo hasamanigo ge tiwai elalubao. Te bidi me deligo te hasamani ge tubaso da, hobede yao, te aga isaibao. Te tama tiwai dagego dwai homu kolesagade dagego te haniani dwai sę pedalumainu elama, te gasa bagego bidibo ula dolobao. Te ababua dabego be sę ebo da, te augwa te dwasianu nai dabe tola sabode te augwa tueinu ebao. Te bidi dabego te ababua be selama, te ugwa nigilama gudugobeo. Te tama tiwai naga dagego te ebo sęgo te gasa bage tau me sogobeo. Menio. Augwa te gasa bage tola selama, te augwali elaluama, te augwaliba dwai sę ebo dao.

Jeremaia 51:6

Dage Israel me Juda, dage te Babilon tagalama, wi pao. Dage deli deli te wi pobaso da, te dage dologobeo, dage bugagia bidaibao. Tiyu, dage te kantri Babilon dali dolabuo, magi baso meni, megi da, Genuai Bidigo te Babilon aga yali dwai kolesagade dwai dene mabo wei ponobo sogo dao.

Jeremaia 6:10

Tialima, eno tama po wei ponani, “Genuai Bidi, eno te nago po deba pusaibawe? Tama dego eno po odogowe? Augwaligo olo te mu palia sali. Augwali tego Godigo po odisąbo hani bage tiwai elama, te nago po odobo hagela homu ebao. Augwaligo homu nago po te augwali hale ilibo po dao, nago po te olo bage te dwai nai tiwai ebao. Augwaligo tede wiegi yai homu pemene me ebeo.

Matyu 12:24

Tiali goli te Farisi dabe augwaligo te po odolama, tama augwaligo te po wai, “Woo, te dwai haubo mobo bidi te Belsebulgo bomode naga te bidigo te dwai haubo sela sąbo dao. Te Belsebul aga te dwai haubo mobo bidi dabego tobolu bidi dao,” te Farisi bagego te po wai.

Matyu 12:34

Dage te dwai bidi dabe, dage te dwai hasamani dabe tiwai dao. Tama tialigo da, magi ilama dagego wiegi yai po waibawe? Tama bidigo pedauwalidu te tiwai po aga homude elalubo po pusubo dao.

Matyu 15:12

Tama te sogo te aga wali pabo bidi dabe augwali aselama, agabolo te po wagasai, “Nago te Farisi dabe augwaligo nago megi tamadi wali po odoyu, tama augwaligo dwai homu ebo koneaniwe?” te po wai.

Matyu 16:1

Te Farisi hani dabe mebago me, te Sadyusi hani dabe mebago me, augwali Jisas pageba aselama, tama aga augwaligo usu sainogo yai. Augwaligo agabolo te dagalude bomai sę ebo me deli te augwaligo suainogo te sę yao te po wai. God agai te Jisasde dwagi yai homu egowe ma egobewe, te konemainogo augwaligo te po agabolo wai.

Matyu 16:6

Tama Jisasgo augwalibolo te po wai, “Dage dua bugagia dao. Dage te Farisi hani dabe me te Sadyusi hani dabe dali sigo bret bo dabo nai yisde dua dao,” wali.

Matyu 22:15

Te Farisi hani dabe augwali Jisas taga pelama, po migi peyu te po wai, “Dago magi ilama te aga wabo pode aga dąų omainogo eyu aga usu sogowe?” te po miani.

Matyu 22:23

Tama te sogo naga te Sadyusi bidi meba te Jisas pageba sabolai. Te bidi hanigo homugo te isai bidi augwali ma hodalogobeo te po wabo dao. Te Sadyusi bage augwali Jisas pageba sabolama hanalu wai,

Matyu 22:34

Jisasgo te wali pogo te Sadyusi bagego pedauwali paniai. Tama te Farisi dabego te po odama, tama augwali aga pageba sisinagasali.

Matyu 23:33

Dage dwai hasamani dabe dao. Dage dwai hasamanigo wai puluba dao. Godigo dage po tų ilibaso, tama dage te dwai sia dabo madi pageba paibao. Mena tama dage menadu wi paibawe? Menio.

Matyu 5:20

Tama tibaso, eno dagebolo obao, te dagego doloba pai kolesaga ebogo te bomo yai po koneani bidi me te Farisi dabe dali augwaligo kolesaga dagego aiyaba me elalusiąbaso da, teda dage te Godigo we bidi tonalubo obo tomoba pogobeo.”

Dwagi Yai Gesi Po Makgo Asęani 12:13

Tama nosali te Juda dabego tobolu bidi dabe augwaligo te Farisi meba dali, te Herot wali pali bidi meba me augwali tagala palama, te augwali Jisas bidiboba pali. Augwaligo te Jisas usu sabo po meba wainogo yai.

Dwagi Yai Gesi Po Makgo Asęani 12:18

Megi da te Sadyusi hani bidi meba augwali te Jisasba asali. Te hani augwaligo te homu yai, te isali bidi ma hodalogobeo wai. Tama augwaligo agabolo hanalu wagasali.

Dwagi Yai Gesi Po Makgo Asęani 8:15

Tama Jisasgo po bomo elama augwaliba weyu, te po wai, “Dage bugagia tonaluiąo! Dage te Farisi dabego yisde me te gavman tuni bidi Herotgo yisde te dage dua dao!” te po wai.

Dwagi Yai Gesi Po Lukgo Asęani 16:14

Te Farisi bidi hani dabe augwaligo Jisasgo wali po odali. Augwali te mone dali pesa ebo bage bidali. Tama tibaso, Jisasgo agai po obadi yaide, augwaligo bo weyu bidali.

Dwagi Yai Gesi Po Lukgo Asęani 18:11

Tama te Farisi hani bidi doligulama, aga homu tomode te po wali, ‘O God, ena da te gasa bidi dabe tiwai meni baso, eno nagebolo nage usu dao obao. Gasa bage augwaligo doado bage pesa ebo dao. Augwaligo te gavmanigo bomo yai po sela sąbo dao. Augwaligo penani ebo dao. Ena da u takis sabo bidi tiwai meni baso, eno nagebolo nage usu dao obao.

Dwagi Yai Gesi Po Lukgo Asęani 7:30

Tiali goli, te Godigo augwali tau sainu yali homu Farisi sibi dabe me, Juda dabego bomo yai po ola mabo bidi dabe me, augwaligo te homu sela sąnama, “Jongo da baptais mabo hagelabo,” te po wai dao.

Dwagi Yai Gesi Po Jongo Asęani 1:24

Tama te Farisi bidi hani dabego tagala palai bidi dabe augwaligo te po hanalu wai, “Nage Godigo sa muani bidi menio, tama nage te bidi nogi Elaija menio, nage te Godigo po polo ola mani bidi menio. Tama nago magi baso te we bidi baptais mobawe?” te po hanalu wai.

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

Dwagi Yai Gesi Po Jongo Asęani 9:40

Te Farisi bage me badu augwali Jisas dali tede bidai. Tama augwaligo te po odai. Augwaligo Jisasbolo te po wai, “Da me homu kolesaga tomode gedu halua sai dawe, nago te po obawe?”

Godigo Sęba Tagala Palai Bidigo Po 15:5

Tiali Jisasgo hani bage me badu augwali te Juda dabego lotu po wabo bidi Farisi sibi da. Augwali doligulama, te po wali, “Te Jisasgo po wali pabo we bidi me badu, augwali te Juda hani isąwai bidi dabe dao,” wali. Tama augwaligo augwali sibolo tama wali, “Dage sigo te hanibolo te po wao, augwaligo Godigo Mosesbolo mani po mu wali pao, tama dage tigiwali togolama, tama Mosesgo yali kolesagadu wali pao,” te po augwali sibolo tama ola mani, te Farisi sibi bidigo.

Godigo Sęba Tagala Palai Bidigo Po 20:31

Tama dage bugagia suao, te tiwai bidi gegabo. Tama dagego homugo eno yali sę tagalamuo. Ena dage dali bidibadi, te kibu be sela silai dao. Tama te hulide me, kigamu me, eno dagebolo dwagi yai tau selama, dąų walabo po ola mawai dao. Tama hauwa sogo eno dage moni homu dene elama, gela wai dao.”

Godigo Sęba Tagala Palai Bidigo Po 26:5

Augwaligo ena polobadu koneai dao. Augwaligo homugo te konegi sogo da, augwaligo eno Godigo po wali peyu te sę yali po nagebolo wagi da. Polobadu ena Farisi bidi sibigo ebo kolesaga wali pai dao. Tama da Farisi sibi dago bomo mu elama, te Juda dabego bomo yai po dabe tigidali dolo wali pabo dao.

Godigo Sęba Tagala Palai Bidigo Po 5:17

Te side te pris hani tobolu bidi dede, agai abagi solo dede, augwaligo lotu hani nogi Sadyusi, augwaligo te Jisasgo tagala palai bidi dabebolo dwai homu mu yali. Tigidali we bidigo te Jisasgo tagala palai bidi dabe dali dwagi yai homu ebaso, te Sadyusi dabego moni sębę elama, elainu yalio.

Polgo Po Pas Rom Dabeba Asęani 1:18

Te Godigo sębę ebo te aga bidibo madidu hania pedalalio. Agai te God tudiba muyu, te dwai kolesaga eyu bidibo bidi dabe dali sębę ebo dao. Te tobage dwai sę ebo bage augwaligo te dwai kolesagago te mu pogo sę idali weyu te mu po hogwa sabo dao.

Polgo Po Pas Rom Dabeba Asęani 5:9

Tama tialigo da, megi dago mu koneani, te agai da me mu dobola sesa pidubadi geyu, tama dago te dwai sę ebode aga sębę tagalama tama dago dene me sogobeo. Krais agai kaneme gelama tama da penama, tama megi Godigo da doloba pai we bidi nogi obao.

1 Tesalonaika 1:10

Tama augwaligo te po wabo dao, dage te Godigo Ogwa dagalu tagalama e tǫba ma asobo sogo te dagego tonalubo dao, te po wabo dao. Te Godigo polobadu gų pagede ma hodolali bidi, te Jisas, tama te bidi agai da dali Godigo nosali sębę idali weyu tau sali bidi Jisas dao. Dagego te bidi asobo tonalubo po augwaligo dabolo pusubo dao.

Hibru 11:7

Te Godigo te bidi Noabolo po weyu, “Te nago gedugo susiąwai nosali pedalabo sęde dua yao,” te po wai. Tama te bidi Noa agai Godide tiąluama tama konealubo po dąų obaso, agai te Godigo agabolo te aga gedugo susiąwani naide pusali po bugagia odali. Tama te po wali peyu, tama agai te moni geba me deli nigai. Tama tiyu, aga dali, aga we wai puluba augwali te geba tomoba pelama, tama bugagia bidali, tama augwali me dolobeo. Te geba sę tama ebogo Noago te tǫde we bidi tigidali augwaligo dwai sęde po tų ela mabo tiwai yalio. Tama te bidi Noa aga Godigo wali pode tiąlubo kolesaga elalualigode Godigo Noa te doloba pai bidi da wali, te Godigo tigidali konealubo po agaba dąų wabo we bidi dabe dali ebo kolesaga yalio.

Hibru 6:18

Tama tibaso, te Godigo mu po dąų wabo me, te aga teba aga nogigo bomo manubo me, te sę si me hasegelegobeo. Te sę side Godigo tibo po munu me wagobeo. Tama tibaso, tebogo da te God pąba wi pelama geme duala sigi pali we bidi da homu bomo mayu, mu dąų ilimainogo yai. Tama tiyu, dago homugo te Godigo po dabolo weyu te dąų olama, te agai da dali nosali yabo dwagi yai sę dago tede dwagi yai homu eyu tama tonalubo dao.

1 Jon 3:10

Edao. Te Godigo wai dabe dali, te Satango wai dabe dali, augwali dagalama hania koneabo tų e dao: dwagi yai doloba pai kolesaga wali pisąbo bidi, aga te Godigo wai menio. Tama aga ama dali dwagi yai homu eyu godolo isąbo bidi, te bidi me aga te Godigo wai menio.