Matyu 3:4 - Godigo dwagi yai po buku

⁴ Jongo te moni kibu kamel nisigo te augwaligo nigai bobage ugwa munama, tama agai tigide te kugulu gudai. Tama agai te mano tiwai nai me te mege ąį te nai si tuyu bidai.

Matyu 3:4 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 1:8

Tama augwaligo te po wei begelu e tiwai po wali, “Te bidi aga te hasa nisigo nigai bulubo ugwa bulai bidi dao,” wali, “tama aga te hasa usugaligo nigai kukulu gudai bidi dao,” wali. Kingo odama, tama agai te po wai, “Te bidi aga te Godigo po pusubo profet bidi Elaija da,” wali.

Aisaia 20:2

Te kibu be sela polasa, te Asiria dabego te Filistia hanu dabe sabode, Genuai Bidigo Aisaiabolo hasia po wai dao, te Amosgo ogwabolo te kolesaga yabo po. Aisaia aga hobedai ugwa me aga sągą nadoba me gudubo tagalama, olo bilao po wali. Tama Aisaiago Genuai Bidigo po odama, tama tiai dao.

Pris Sę Ebo Bomai Po 11:22

Tama dagego te tobage kuli mano tigidali tubaso usu yaibao, te genuai me dwasianu dabe te tuagameo. Te tama dao.

Sekaraia 13:4

Te sogo te profet po wabo bidi me deligo te aga na dabe yaide digi te homu pemene eyu, ma te profetgo gudubo ugwa gudulama te profetgo ebo kolesaga tiwai eyu, te we bidi tibo po ola mayu me tegobeo. Menio.

Malakai 4:5

“Te dwai siago te dwai sę ebo bage dolabo bodolu side te eno side te genuai si ebaso, te we bidi tigidali te wi dwai mu yaibao. Tiali goli, hasia bolo te eno profet Elaija te dageba tagala palama, tama nosali te si pedelaibao,” wai dao.

Matyu 11:18

Tama tiwai, te Jon asali, tama agai te nai osogo gisiliyu, te bomai wain wę me tuai menio. Tama tibaso augwaligo agade te po wai, ‘Te dwai haubo mobo bidi agade bidibao,’ te po wai dao.

Matyu 11:8

Dagego magi nai sugi pai dawe? Ma, dagego te bidi me deligo te wiegi wiegi yai ugwa tigide muai yaibaso sugi paliwe? Menio. Te wiegi wiegi yai ugwa muai bidi dabe augwaligo te tuni bidigo wiegi yai bede naga bidibo dao.

Dwagi Yai Gesi Po Makgo Asęani 1:6

Tama Jongo gudubo ugwa te moni kibu kamel nisigo nigai dao, tama aga tabide te kibu wali kukulu gudai. Tama aga te bulu tomode bidibo kuli mano me hanamu dali si tuyu bidai dao.

Dwagi Yai Gesi Po Lukgo Asęani 1:17

Agai te Godigo po polobadu pusa mawai bidi Elaijago yali sę me, bomo me tigidali selama, Genuai Bidi nosali asaibao obaso, te Jon aga polasa paibao. Agai te aya dabego homu hasegelama, wai bǫų hobede emai yaibao. Me agai te po sela sąbo bidi dabego homu hasegelama, augwali doloba pai bidigo homu somai yaibao. Agai bidi hauwa sisi elama elaludu, Genuai Bidi asabo tonalu mai yaibao. Tama tibaso, te we bidi augwaligo te Jonde bugai homu mu yaibao,” te ensel bidigo te po wali.

Bomai Po 32:13

“Godigo augwali sula tagalu, te bulu du dabe tonalumainu ilali, tama te gide bulali nai dabe te augwaligo sela tuyu yali. Tama augwaligo te pusu nai te hani bunu ge te masigi dedagede sela tuyu yai dao. Tama me augwaligo oliv ni bugagia holali, te masigi hauwa yai tǫde.

Kraisgo Geme Dualali Sę Pedelabo Po Jonbolo Ola Mani 11:3

Tama Godigo enabolo te po wai, “Eno po pusabo te bidi si tagala palaibao. Tama te bidi sigo gudubo ugwa te beg nigali nami ugwa tama gudulama, tama eno po augwali sigo pususu pidubadi te polua bidi sese si olama me badu nogo si te 42 polua bideibao, te tama polua dabede bidada pali sogo nedali usu nama te bidi sese hauwa mu wabo nogi te 1,260 ulade bidibo tiwai si tama bideibao,” te po wai dao.