Matyu 3:12 - Godigo dwagi yai po buku

¹² Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.

Matyu 3:12 Iomraidhean Croise

Jopgo Po Asęani Elalubo Buku 21:18

Eno suali, Godigo hauwa sogo augwali te bomai waligo sasi nosai sela sąbo ąǫ ebo menio.

Godigo Nogi Ugwaba Sabo Tęąbi Po Wabo Buku Dabe 1:4

Tiali goli, dwai bidi dabe augwali te tiwai gilama mu menio. Augwali te tubo nai wit bo te waligo selasa pabo tiwai ebo dao, te yalala pai olo nai mu dao.

Godigo Nogi Ugwaba Sabo Tęąbi Po Wabo Buku Dabe 35:5

Genuai Bidi, nago enselgo te dwai bidi dabe sela sąmainu ilao, te waligo te nosa kakali sela sąbo tiwai yao.

Aisaia 1:31

Te kala sasia pai da, te isi deli sogo tama dela pabo dao. Tama te tiwai sę te doado bage hauwa elalubo bomai bidi dabede yaibao. Augwa digi dwai kolesaga ebogo augwali deli sogo tama dolaibao, sia saibao. Tama te sogo augwali tau sabo bidi meni yaibao.” Genuai Bidigo te po wali.

Aisaia 17:13

Te boi bidi dabe asali, te tamu wę aluasa asobo tiwai yali. Tiali goli, Godigo augwali sesanobaso, tama augwali augwa buluba ma wi pela wali. Te Godigo augwali sela sąyani, te waligo ni yabe dabe subigila sela sąbo tiwai eyu, me te hogabo waligo te hogomu dabe pobele bage ugwaba sela holobo tiwai yaibao.

Aisaia 27:4

Megi da, eno te wain gi hagede wado po me wabeo. Ma, eno te gide te sesane yai nosai me gasa dwai nosai dabe tede holobaso da, teda eno augwali doliyu yaibao. Teda eno isi tulama, augwali sese ula silaibao.

Aisaia 28:28

Agai te nai wit ge dabe sabo kolesaga agai mu koneani, te agai te nai dwasianu ge dabego bret nigabo. Te agai te hos dali, me te wilkar si agai te nai wit aga dilide sela sąwainu da, teda agai te hos kibu dali, te wilkar sigo te wit dolama, mia saidali weyu agai bugagia tonalubo dao.

Aisaia 30:24

Tama me, dage duga gide nai selama, tama duga gi tǫ elebo kau kibu dabe, me donki kibu dabe bugagia mawaibao.

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Aisaia 5:24

Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.

Aisaia 66:24

Te augwa eno be tagalobo sogo, te augwa hagoma elama, eno po sela sąwani hani dabe tigi, te tǫde pila muna muna pabo sueibao. Te dwasianu sawi dabego augwa tigi dabe tuyu, te bidada paibao. Te isigo augwa tigi deyu, te me siligobeo. Te tigidali we bidigo te bidi hani dabego tigi sueibao, te damua pai dwai nai mu tiwai yaibao,” God Genuai Bidigo te po wai dao.

Jeremaia 15:7

Eno te tigidali we bidi te taun Judade selama, te augwali eno ela gudulali, te waligo wit wali hogomu sela sąbo tiwai yai. Eno ena we bidi dabe dolama, te augwa wai dabe ela muani, magi baso meni, augwa dwai kolesaga ebo me tagalobeo.

Jeremaia 17:27

Tialima, dagego eno po wali me pisąma, te dagego Sabat side te eno side da olama, bodolu te side munama, tama dagego te Jerusalem tomoba te Sabat side da wali sogo te walu doado bage sesebaso da, teda eno te sunumi siago domainogo ilama, tama te sia genuai domainogo elama, te Jerusalemde elalubo genuai bomai be dabe domainogo yaibao. Tama te isi dabo polo sula sogobeo,” te po wai dao.

Jeremaia 4:11

Te boi bidi dabe asobo sogo, Genuai Bidigo te Juda me Jerusalem we bidi dabeba te tiwai po mawaibao wali, “Te posolai wali dabe te tǫ wa pai bulu du dabede hogodaibao, tama wali te eno we bidi dabeba asaibao. Tialima, te wali asobo te dwai kolesaga sela sąwainogo naga me asobeo, te waligo te wit pobele bage hogomu sela sąbo tiwai me egobeo. Menio.

Jeremaia 51:2

Eno te gasa badu tǫ kantri bidi hani dabe tagala palama, te Babilonba hwįagasama, te augwaligo aga doado bage me sela sąwaibao, te bidigo wit bo hogomu sela sąbo tiwai yaibao. Tama te Babilon dolobo sogo, mu tama, te augwali tigidali tǫ habu badu aselama, aga dali hwįagasaibao,” te po wali.

Jeremaia 7:20

Te ena God Genuai Bidi, eno te tama po obao. Eno haliga sębę dwai mu eyu, te tǫ kantriba me, te we bidiba me, te tubo kibu hasa me, te ni dabeba me, te naiba me dwai sę mu yaibao. Eno haliga sębę te genuai sia dabo tiwai eyu, te bidi mego sula sąyabo usu me egobeo,” te po wai.

Hosea 13:3

Tama tialima, te we bidi dabe augwali te kigamu pedalubo dagalu pǫ te olo sia sabo tiwai gilama yaibao wali. Augwali te hulide tulali tulubage segeni te nosade elaluama, te giliga nanu polo sia sabo tiwai ąǫ yaibao. Augwali te wit bo te waligo sela pelama, te besela palobo tiwai yaibao. Tama augwali te sia hano te be pedudu ugwaba holama, te polo silibo tiwai yaibao wali.

Amos 9:9

“Te eno pogo naga weyu, eno te Israel dabe augwali dagalaibao, te bidi dabego te wit ge bo hogomu te waia saide munama, dagalama, hogomu sela sąbo tiwai yaibao. Te Israel dabe bidi dwai dabe te gasa tǫ kantri tomoba tulalu, te wit dwali hogomu sela sąbo tiwai yaibao.

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Matyu 13:30

‘Dagego te si dali si holomainao, te si holama, tama te nai sabo sogode te usu naibao. Tama te nai sabo sogo eno te nai togwa sabo sę ebo bidi augwalibolo te po waibao, “Dagego te dwai noswai bolo hasia sisinama, tama dunama, siade ulainogo kęnama muao. Tiali goli, dagego te wit da, te te sisinama te eno nai mubo beba muao,” eno te po waibao,’ te bidigo te po wali,” Jisasgo te po wai.

Matyu 13:41

Te Godigo Bidi Mu agai aga sę ebo ensel mobo bidi dabe tagala palama, tama augwaligo te Godigo tonalubo we bidi tomode elalubo dwai dwai sę ilabo kolesaga me, te haniani gasa dwai sę ebo we bidi me, augwali tigidali sisinama

Matyu 13:42

tama augwaligo te we bidi dabe augwali te moni tigi dene ebo siaba sąwaibao. Tama te siade te augwali dwai gela mu weyu, tama augwa kele gąųgo halua tuyu bidaibao.

Matyu 13:43

Tama te sogo te doloba pai we bidi augwali augwa Ayago we bidi tonalubo madide bidiyu, tama augwali tigide te giliga ula tiwai eyu bidaibao. Odo elalubo bidi dabego te po bugagia odiąo,” Jisasgo te po wai.

Dwagi Yai Gesi Po Lukgo Asęani 3:16

Tama tibaso, Jongo augwali tigidalibolo te po wali, “Eno dage da ąįgo naga baptais mobao. Tiali goli ena ela holai bidi deli nosali asobao. Eno agai sągą nadoba pedabo me usu me egobe. Tama te bidi agai te Godigo Tedali Mobo Bidi dage me badubolo mawaibao, te baptais mabo tiwai. Agai dage me badubolo sia mawaibao, te baptais mabo tiwai.

Dwagi Yai Gesi Po Lukgo Asęani 3:17

Nai dagalobo bidi aga savol selama, tubo nai wit ge dali sabea dali si dagalaibao. Tilama, aga te nai ge naga aga beba muyu, sabea naga te siaba muaibao. Tama te nosali asobo bidi agai te we bidi dagalu me te hasi yaibao, augwali me badu agai te sula sisąbo siaba mawaibao,” Jongo te po wali.

Dwagi Yai Gesi Po Jongo Asęani 15:2

Tama enade wadolali nologo, te nai walisiąwai nologo te tigidali eno Ayago togolama, sela sąbo dao. Tialima, nai walobo nologo tigidali agai te dwai sewa yali nologode elaluali yabe te pęą sąyu sela sąbo dao, tama aga nai genuai walomai hagede tiwai.