Matyu 3:10 - Godigo dwagi yai po buku

¹⁰ Tama megi te sigi hwą ni pagede muai elalubao, te ni gelemainogo. Tama te nigo wiegi yai nai du walisiąbaso da, te tobage ni tigidali augwaligo gelama siaba sąwaibao.”

Matyu 3:10 Iomraidhean Croise

2 Samuel 23:7

Te bidi mego te bono sela sąwainu da, agai te ain dage me, te ene sigi me selama, tama te bono dabe elalubo pesagede te deliba sisinama, tama augwali te siaba ulao. Tama augwali tigidali te sia saibao.” Te da te Devitgo po silagasu pusali po dao.

Godigo Nogi Ugwaba Sabo Tęąbi Po Wabo Buku Dabe 1:3

Te bidi te ni bidi mego ąį sesegede bulai ni elalubo tiwai bidibao. Te nigo nedudu walobo, te sogo dolo naga waliyu ebo dao, tama te ni yabe me sasia pabo menio. Tama tigidali sę agai ebaso, te bugagia pedalobo dao.

Godigo Nogi Ugwaba Sabo Tęąbi Po Wabo Buku Dabe 140:10

Awe, te nago augwaliba te dabo sia tulalumainu ilao. Tama nago augwali te genuai tǫ dedageba aiya sąnama, tama augwa edaba ma holainu ebo te usu me egobeo.

Godigo Nogi Ugwaba Sabo Tęąbi Po Wabo Buku Dabe 92:12

Te doloba pai kolesaga ebo we bidi dabe te wiegi yai pedalu, te nigo wiegi yai du walubo tiwai yaibao, tama te genuai holama, te Lebanonde te wiegi yai ni sida dabe tiwai yaibao.

Aisaia 27:11

Tama te ni nologo dabe sasia pabo si da, te ni nologo dabe mobia pelama, tǫba tulalubo si da, te we dabe sibigo isi nogainu gigila sagasobo dao. Te tobage dwai sogo pedalali. Magi baso meni. Te hanu we bidi augwali bidi po sela sąbo we bidi mu. Tama tibaso, God, te aga te God augwali deli we bidi hani pedalomainu ilai goli, agai augwali godolo elama, augwali me hobede me yai menio.

Aisaia 61:3

Te Saionde gela udubo we bidi dabeba eno te nagame yai haliga dua eyu, pemene ebo homu me selasa asaibao, te augwa bomo silali bageba tama tiwaibao. Augwali homu dene ebaso, te sia keli augwa toboluba muani. Tiali goli, eno te nai hasegelama, tama dwagi yai au yabo nai augwaliba mueibao. Awe, eno augwaligo tigiba te wiegi yai denami ebo wel mawaibao, tama augwali homu dene ebo tagalama, dwagi yai homu pemene eyu bidaibao. Te augwa bomo ma selama, te Genuai Bidiba pemene ebo balia waibao. Augwa tigidali te doloba pai kolesaga naga ebo sę bomo yaibao. Te gasa bidi dabego sueibao, augwali te Genuai Bidigo digi bulali ni kali tiwai elalubao, tama augwaligo Genuai Bidigo nogi ugwaba saibao.

Jeremaia 17:8

Aga da, te augwaligo wiegi yai ni te ąį pagede bulali tiwai ebao. Te nigo bono sele te aiyaba dulama, te ąį sigulali. Te genuai giliga nanobo side, te nigo wi me egobeo. Menio. Aga yabe te kebasi yai sesemane elalueibao. Te tulubage menibo sogo, aga homu si me egobeo. Menio. Aga nai sesemane waludubo dao,” wali.

Daniel 4:14

Agai i bomonama weyu, te tiwai po wali, “Te ni degemainu, te gelao,” wali. “Tama te aga nologo dabe togwao, tama te yabe dabe selama, subigila tedela palao,” wai. “Te ni dologode bidibo kibu hasa sibi dabe sela sąyu, te ni nologode dugulalubo ba sibi dabe te sela sąyao.

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Matyu 21:19

Tama aga pelama, te tų sesegede elaluali ni kaya sulama, tama te ni pąba pali, aga du sela tuainogo yai. Tiali goli tede nai me deli walai elalubo subeo. Menio. Yabe naga elaluai. Tama agai te ni kayabolo te tiwai po wali, “Nago nai ma walogobeo. Mu menio.” Tama polo mu te ni kaya aga sasia pai dao.

Matyu 7:19

Tama te wiegi yai du walosiąwai ni te augwaligo gelama, tama siaba ulubo dao.

Dwagi Yai Gesi Po Lukgo Asęani 23:31

Megi da dwagi yai si digi, augwaligo enabolo dwai sę ebao. Tama nosali te dwai si dageba asobo si, augwaligo dagebolo dwai sę mu yaibao,” Jisasgo te po wai.

Dwagi Yai Gesi Po Lukgo Asęani 3:9

Ni gelabo bidigo te ni tigide sae ilama, te sae nide hwą munalubaso da, te ni tamadi tama gelaibao homu yaibao. Ni dabe du gesego walisiąwani ni dabe da, gelama, isiba sąwaibao. Dage te tobage sae ilali ni tiwai dao,” Jongo te po wai.

Dwagi Yai Gesi Po Jongo Asęani 15:2

Tama enade wadolali nologo, te nai walisiąwai nologo te tigidali eno Ayago togolama, sela sąbo dao. Tialima, nai walobo nologo tigidali agai te dwai sewa yali nologode elaluali yabe te pęą sąyu sela sąbo dao, tama aga nai genuai walomai hagede tiwai.

Dwagi Yai Gesi Po Jongo Asęani 15:6

Bidi me deli ena dali wadoloyu bidisiąyu da, te aga da te sasia pai ni nologo tiwai dao. Te augwaligo te tobage ni nologo sela sąbo dao. Tama sela sąnama, augwaligo te sasia pai nologo sisinama, tama augwaligo siaba sąnama, dabo dao.

Hibru 12:25

Dage dua dao. Tiyu dage olo pania selama tama megi e po wabo bidigo po sela sąyabuo. Polobadu digi e tǫde Godigo bomai po te we bidi augwalibolo mani, tiali goli augwaligo agai po sela sąwai. Tama te sogo polobadu, te augwali wi me pabo usu meni eyu, tama augwa sęgę te geda sabeo. Megi God te dagalude bidiyu dabolo agai po mawai. Tama dago aga tudiba muyu da, te da wi peyu te dabolo mabo sęgę geda sabo usu egowe? Mu menio.

Hibru 6:8

Tiali goli, agai te haniani sesani yai bono naga walobaso da, teda te tǫ te olo dwai tǫ dao. Te pąde Godigo gedude dolaibao. Nosali da siago aga daibao.