Matyu 27:4 - Godigo dwagi yai po buku

⁴ Tama agai augwalibolo te po wai, “Eno dwai sę elama, sęgę salio. Eno te magi dwai sę me isąwai bidi te boi bidi dabego nogoba manigo, tama aga isaibao,” wali. Tiali goli augwaligo te po wai, “Te dago sę menio. Te naga sę tali dao.”

Matyu 27:4 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 21:27

Ahapgo te Elaijago po odali sogo da, teda aga homu dwai dene mu yalio. Agai aga ugwa pisilama, te homu dene ola mabo ugwa gudalio. Tama aga nai tubo habu selali. Tama aga hulide me te homu dene ola mabo ugwa dali piali. Aga moni homu hauwa mu elama, te aga homu pemene dali sę me ebeo.

Te Israel me Juda Hani Sigo Tuni Bidigo Po Elalubo Buku Si 24:4

Tama me te agai e tama homu koneani, te king Manasego agai te tigidali Jerusalem bulu pedaide te haniani dwai kolesaga isąwai doloba pai we bidi dabe ela muani, tama Genuai Bidi agai homu te king Manasego te dwai kolesaga yali sęgo sali sęgę agai tagalabo homu ebe.

Jopgo Po Asęani Elalubo Buku 13:4

Tiali goli, dagego ena aiyaba elalumainu, ili po hauwa mu obao. Dage te dokta bidi te gasi sai bidi mego gasi dodolabo konesiąwai dokta bidi tiwai dao.

Jopgo Po Asęani Elalubo Buku 16:2

“Hauwa sogo me eno deli te po naga odali. Tama ma odobo ena hagela mu dao. Dagego ena tau me sabeo. Mu meni.

Godigo Nogi Ugwaba Sabo Tęąbi Po Wabo Buku Dabe 94:21

Augwaligo dwagi yai sę ebo bidi dwai sęgo aga dolainogo sisinama, po mibo dao, tama augwaligo dwai sę isąwai bidi dabe dali po tų ebo dao, augwali elainogo tiwai.

Ma Dobola Sali 12:31

Tama te sogo hulide naga tuni bidigo Moses de Aron si i olama, asobode augwali sibolo te po wai, “Dage pao! Dage si dali, te tigidali Israel we bidi, dage polo piąo! Eno hani we bidi taga pao. Dagego enabolo hanalu wali te dagego Genuai Bidi Yawebolo lotu po wagi pao.

Ma Dobola Sali 9:27

Tama tuni bidigo po ola toloyu, te Moses de Aron si asao, te po wai. Tama augwali si aselama, tama tuni bidigo augwali dali te po wali, “Megi eno dwai sęgę salio. Genuai Bidi Yawego doloba pai kolesaga yai, tiali goli ena dali, te eno we bidi dabe dali, dago dwai kolesaga yalio.

Bugagia Bidibo Kolesagade Po Asęai Buku 12:8

Te wiegi yai homu elalubo bidi yai baso da, teda te we bidi dabego aga nogi ugwaba saibao. Tiali goli, te homu kolesaga gagea pai bidi da, augwaligo te aga nogi aiyaba elalubo dao.

Jeremaia 26:15

Tialima, eno homu dagego te tiwai konemainogo ebao. Mu tamao, Genuai Bidigo digi ena tagala palobaso, te ena aselama, te eno pusali po dageba pusagasalio. Tama te ena dagego ela mubaso da, dagede te magi dwai sę deli me isąwai bidi odolali elali, te sęgę elalueibao. Tama te dwai sę yali te taunde elalu, te tigidali taun we bidi dabede te sęgę elalueibao,” Jeremaiago te po wai.

Jona 1:14

Tialima, augwaligo Genuai Bidibolo i wali, “O Genuai Bidi, dago nagebolo gedu haluasa po obao. Te dago e bidi te tamu ąįba sąbaso da, teda nago da isimainu me elamuo. Nago da po tų me iligio, te nago te bidigo gasa bidi ela mubaso, te po tų ebo tiwai igio. Genuai Bidi, nago te naga homu wali peyu, tama nago te sę ebao,” wali.

Matyu 27:19

Tama me, te bidi Pailat aga te po tų odobo bidi jas dugabo siade aga dualalubadi, tama aga wego po agabolo toliyu te po wai, “Nago magi sę me deli te doloba pai bidi dali me elamuo. Te eno hulide nade aga sulama, tama eno genuai homu elalubao.” Te po wai.

Matyu 27:54

Tama te enesigi bidi dabego tobolu bidi aga ami bidi dabe aga dali te Jisas tonaluali bage, augwaligo te tǫ mali ebo me te sę dabe pedalobo sulama, tama augwali moni wi mu yalio. Augwaligo te po wai, “Mu tamao, te bidi aga te Godigo Ogwa mu dao,” te po wai.

Dwagi Yai Gesi Po Lukgo Asęani 23:22

Tama Pailatgo sela sogo te we bidibolo wai, “Magi basowe? Te e bidi Jisasgo mena dwai sę yaliwe? Eno agai dwai sę yali me subeo. Tama tibaso, dena Rom dabego bomo yai pode, e bidi dago elegobeo. Tama aga eno bįgo naga elama, olo tagala palaibao,” Pailatgo te po wai, te we bidi dali.

Dwagi Yai Gesi Po Lukgo Asęani 23:41

Augwaligo da si elali da, te augwaligo doloba pai kolesaga yalio. Da sigo sęgę sali da, te usu tama da si yali sęde tialio. Tiali goli, e bidi Jisas da, agai magi dwai sę deli ebeo,” Jisas dali elali bidi mego te po wai.

Dwagi Yai Gesi Po Lukgo Asęani 23:47

Te enesigi bidi dabego tuni bidigo te sę suai, tama agai Godigo nogi ugwaba siyu, agai te po wai, “Mu tamao, te bidi Jisas doloba pai bidi mu dao,” te bidigo te po wai.

Dwagi Yai Gesi Po Jongo Asęani 19:7

Juda bage augwaligo te gavman tuni bidi Pailat agai po wei ponoyu, te po wai, “Dago bomo yai po me deli tama telalubo. Niwai bidi agai ‘Ena da Godigo Ogwa dao’ obaso da, te bidi ela muao. Te bomo yai po agai bolobaso, aga isao,” augwaligo te po wai.

Godigo Sęba Tagala Palai Bidigo Po 13:28

Jisasgo dwai kolesaga munu me isąbadi, augwaligo Jisas olo dali po tų ela mani. Augwaligo te bidi Pailat agabolo moni po dagą weyu, te po wali, ‘Te bidi Jisas elao,’ wali.

Polgo Po Pas Rom Dabeba Asęani 3:19

Tama dago koneani, te tigidali bomai pogo ebo sę agai te da te bomai po dologode bidibo Juda bidi dabe dali te sę ebo dao. Godigo bomai pogo te da Juda bagebolo me te dena yali dwai sę ola mabo dao. Tama tialigo da, bidi me deli agai “Te ena doloba pai bidi dao,” te po wabo usu egobeo. Te Godigo bomai po te pogo sę si elalubao. Te bomai pogo dago ebo dwai sę dabolo ola mabo dao, tama dago wei ponobo po menio. Tama me, da tigidali bidi te da tigidali gasa haniani tǫde bidibo we bidi dago te Godigo gedude dwai sę yali elaluai, te Godigo da tigidali dali po tų yaibao. Dago te me konemainogo, te bomai po elalubo dao.

2 Timoti 4:2

Bidi meba augwaligo dwai sę dali dwagi yai sę dagalabo homu te isali tiwai dao. Tama tibaso augwaligo augwa ebo sę dagalisiąyu tama augwali tibo po wabo bage dao. Tama “Eno mu po naga obao,” wai goli, augwaligo te dwai haubo noma bidi dabego tibo po naga ola mabo dao.

Taitus 1:16

Augwaligo pedauwaligo naga te po wabo dao, “Eno God koneai dao,” te po wabo. Tiali goli augwaligo bilibo kolesaga ebogo te God hogwa sabo dao. Godigo augwali me godolo ebo menio, hagela mu ebo. Augwali agai po sela sąbo bidi dao, tama augwaligo dwagi yai kolesaga me deli ebo usu meni.

Hibru 7:26

Da we bidi te magi kolesagade sǫą pobaso, te tobage polalubo pris bidi agai da tau sabo usu mu dao. Godigo gedude aga te wiegi yai mu, tama magi dwai sę delinu te agade me elalubeo. Aga te wiegi yai mu yai. Aga te sęgę dwasianu sai bidi te tiwai me ebeo. Menio. Aga te dwai sę ebo we bidi dali bidibo menio, aga gasagi yai tedali mu dao. Godigo aga ugwaba mu selama, tama agai te dagalu me aiyaba elaluama, tama ugwadu mu bidibo dao.

1 Pita 1:19

Te meni. Te Kraisgo kanemego agai dage abelama, tama ma dobola selama, tama megi dage olo mu bidibao. Tama aga kaneme te dila pai nai mu dao. Krais aga te wiegi yai kibu sipsip wai tiwai bidali, te sipsip wai aga tigi dwai naigo doloyu husugu yai digi te menio, te Godibolo te ofa mabo sipsip usu dao.

1 Jon 3:12

Da te polobadu bidali bidi Kein bidali tiwai bidamuo. Aga te Satango bidi bidai, tama agai aga ama ela muai. Tama magi baso aga ama ela muaniwe? Agai dwai kolesaga naga yali, tama aga amago yali kolesaga tigidali dwagi yai doloba pai kolesaga yai. Tibaso, aga sębę elama, aga ama ela muai.

Kraisgo Geme Dualali Sę Pedelabo Po Jonbolo Ola Mani 11:10

Tama tǫde we bidi augwaligo te bidi si isalide augwali wiegi yai homu yaibao, tama augwali tęąbi eyu, nai tuyu, tama wiegi yai nai dabe dobu si yaibao. Magi baso meni. Te Godigo po pusali bidi sigo te tǫde bidibo we bidi tigidali dwai dene mawai dao.

1 Samuel 15:24

Tama Solgo te tiwai po wei ponani, “Awe. Eno dwai sę yalio, tama eno Genuai Bidigo po me, nago po me, sela sąwani. Ena te ena ami bidi dabede wi ebaso, tama eno augwaligo po wali pai dao.

1 Samuel 15:30

Tama Solgo po wei ponoyu, te tama po wali, “Mu da, eno dwai sę yalio. Tiali goli, te nage ena dali asobo homu usu eyu da, te eno dago Genuai Bidi Godiba lotu wagowe? Tama tiyu da, nago te tobolu bidi dabe me te gasa we bidi dabego te augwa homu ena bugagia ma konemainu ilao,” te po wai.

1 Samuel 19:5

Te agai Goliat elali sogo, te aga isabo me, te aga bugagia bidabo, te me agai tǫba eyu godolo me ebeo. Tama tialima, te Devitgo nogode, Genuai Bidigo da Israel tau sabo te geninama mu elalu, tama te boi bidi aiyaba mu elalualio. Tama naga digi sulama, tama nage wiegi yai homu pemene mu yai. Agai te dwai sę me eyu, tama magi nai me delide dwai sę yali me elalubeo. Tama tialima, magi baso nago aga olo dali ela muainu ebawe? Te nago tama tiyu da, teda nago dwai sę yali elalueibao,” te po wali.