Matyu 26:8 - Godigo dwagi yai po buku

⁸ Tama aga wali pabo bidi dabe augwaligo te tebo sulama, tama augwaligo homu dwai yai. Augwaligo te po wai, “Magi eyu te wiegi yai denami ebo wel olo dali hagawaliwe?

Matyu 26:8 Iomraidhean Croise

Ma Dobola Sali 5:17

Tama te polasa tuni bidigo augwalibolo te po wai, “Dage sę hagela ebo bidi dabe mu dao. Tama tiyu, dagego te po wai, ‘Dago dena Genuai Bidibolo ofa magi pobaso, te dagego da sula tagalao,’ te po wedu gebo dao.

Kolesaga Koneai Bidigo Pusali Po Elalubo Buku 4:4

Tama me eno gasa kolesaga sualio. Te bidi dabe augwali sę dene mu elama, te tobage wiegi yai nai dabe nigibao. Tialima, te page e tiwai elalubao. Augwaligo homude te augwa abagi dabego genuai nogi elalu, te nai hauwa elaluba homu yali. Tama tibaso, augwaligo me te sę dene hauwa eyu, te abagi dabe augwali genuai nogi elalubo tiwai augwali me bidabo homu yali. Te wabo pabo homu kolesaga tiwai mu ebao, te bidigo wali nogogo tola sainu udabo tiwai gilama ebo dao.

Amos 8:5

Duga digi dagego te tiwai po obao, “Dago homugo te genuai lotu wabo side polo silao homu ebao, tama dago te dena nai dabe te maketba mugi pelama, te bidi dabego abelimainu homu yaibao. Nisu sogo te toma nabo Sabat si siligowe? Da asesa te maketba pabo homu eyu, te dago nai dabe maketba mugi paibao. Tama tibaso, dago mone mubo ugwaba igulama, te dago tibo dąį ilibo sę elama, tama te nai abelibo bidi dabe muma sabo usu sabo skel mueibao.

Malakai 1:13

Dagego te tama po wabo dao, ‘Iya, da te ofa ebo hagela ebao.’ Te po wabo dao. Tialima, dagego ena godolo homu meni isąwai. Dagego te bulu uni hasa dabego elai kibu hasa dabe te ofa yali. Dagego te kibu me hasa te gasi yai, ma te sągą dwai sela aselama, ofa ilali. Dagego homugo eno te nai saiba homu elama eba, agawe? Menio.

Matyu 20:24

Tama te nogo si bage augwaligo te po wabo odolama, tama augwaligo te ama name si dali dwai homu eyu, wado po weyu yai.

Matyu 26:7

tama we me deli aga pageba asali, tama gasagi yai denami ebo wel wiegi yai mu te wego te botol masigi elalubo sela asai. Te wel abelabo mone te genuai mu da. Tama agai te denami ebo wel te Jisas toboluba gelali, te aga nai tubo saide dulalubo sogo tiai dao.

Matyu 26:9

Tama te wiegi yai denami ebo nai wel te bidigo abelemainogo magi sogo da, tama dago genuai mone te naide selama, te magi nai meni yai bidi dabe augwalibolo magi dao.” Augwaligo te po wai.

Dwagi Yai Gesi Po Makgo Asęani 14:4

Tiali goli meba te bidaluali bidi, augwaligo homu dwai yali. Augwa hasi po mia siyu, te tiwai po wai, “Magi baso te wiegi yai denami ebo sanda olo dali hagamainu ebowe?