Matyu 26:42 - Godigo dwagi yai po buku

⁴² Aga si sogo ma pelama, gedu haluasa po te aga dene sabode te tiwai po wai, “Eno Ayao, tama te kapgo ena ela soabo usu me egobe da homu elama, tama eno te kap selama, te ąį tumai da wida, teda nago naga homu kolesaga wali naga pao.,” te po wai.

Matyu 26:42 Iomraidhean Croise

Matyu 26:39

Tama aga dwasianu gana obaba pelama, tama aga pabo gesabidiba degasa dulama, tama gedu haluasa po weyu, bomonama te po wai, “Eno Aya, te usu da wida, teda nago enade te elalubo kap dagala sąyao. Tiali goli nago eno homu kolesaga wali me pelamuo. Menio. Nago naga homu kolesaga naga wali pao,” wali.

Hibru 4:15

Dago digi te sęgę aiyaba elaluabo bomo menio. Tiali goli dago genuai pris tobolu bidi aga tede da homu dene isąbo tiwai bidi da po wagobeo. Menio. Te daba usu siyu te pedalobo sęgę tigidali, te tigidali sęgę agaba me pedalama aga me usu sai. Tiali goli agai dwai sę munu me ebeo.

Matyu 6:10

Dago homugo te nago te we bidi mu tonalubo sogo daba asomainao. Tama te dagalude bidibo bidi augwaligo nago homu kolesaga wali pabo tiwai gilama, tama nago homu kolesaga e tǫde bidibo we bidi augwaligo wali pao.

Matyu 20:22

Agai te tiwai po obaso, tama Jisasgo te po wei ponoyu, te po wai, “Dage sigo te nai po page bugagia konesiąma dagego te hanalu obao. Dage sigo eno te ąį tuainogo ebo kapde te ąį dage sigo me tubo usubo gilama, te eno sabo dene tiwai gilama te dage sigo sabo usu egowe?” Tama augwali sigo agabolo te po wali, “Te da sigo tubo usu yaibao.”

Matyu 26:43

Tama aga ma aselama suali, augwali pila mubo suai. Augwali gedu sęgę yalio.

Dwagi Yai Gesi Po Makgo Asęani 14:36

Agai te po wali, “Aya, nago te tigidali sę ebo usu dao. Eno homugo nago enaba megi te pedalainu ebo te dene dagala samainu homu ebao. Tiali goli nago te eno homu wali me pelamuo. Menio. Nago te naga homu wali naga pao,” Jisasgo te po wai.

Dwagi Yai Gesi Po Lukgo Asęani 22:42

“Eno aya, nago homugo usu da wida, te sęgę enade elalubo dagala sąyao. Tialima, nago eno homu wali pelamuo. Naga homu kolesaga naga wali pao,” Jisasgo te po wai, aga Aya dali.

Dwagi Yai Gesi Po Jongo Asęani 6:38

Magi basowe? Eno dagalu tagalama, e tǫba dulali, te eno homu kolesaga wali painogo asobeo. Menio. Ena e tǫba dulali, te ena tagala palai bidigo homu ena wali pomainogo asai.