Matyu 26:11 - Godigo dwagi yai po buku

¹¹ Tama te magi nai meni yai bidi dabe dage dali sesemane sogo bidaibao. Tiali goli ena da, te ena dage dali sesemane sogo me bidigobeo.

Matyu 26:11 Iomraidhean Croise

Matyu 18:20

Awe, te bidi si ma selago eno nogide bulu me deliba sisinabaso da, teda ena augwali tomode bidaibao,” Jisasgo te po wai.

Matyu 26:10

Te Jisasgo augwaligo te po wabo koneama, tama agai augwalibolo te po wai, “Magi baso dagego sęgę te e webolo mobawe? Agai wiegi yai kolesaga mu enabolo yalio.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Dwagi Yai Gesi Po Makgo Asęani 14:7

Sesemane sogo te doado bage meni yai bidi dabe te augwali dage dali bididuaibao. Tigidali sogo dagego augwali tau siduabo homu idubaso da, teda tų elaluaibao. Tiali goli te ena da, te dage dali sesemane sogo me bidigobeo.

Dwagi Yai Gesi Po Jongo Asęani 12:8

Nai meni yai we bidi augwali dage dali sesemane sogo bidaibao. Tama tibaso, dagego augwali tau sabo sogo hauwa elaluaibao. Tialima, ena da dage dali sesemane sogo bidigobeo,” Jisasgo te po wai.

Dwagi Yai Gesi Po Jongo Asęani 13:33

Abagi dede, dwasianu sogo ena dage dali bidaibao. Tama dagego ena gegebo sę yaibao. Tama eno Juda bagebolo wali po gilama, tama megi eno dagebolo me obao, dage ena pabo buluba me pogobeo.

Dwagi Yai Gesi Po Jongo Asęani 14:19

Nosali gana tǫde hulia sai we bidi augwaligo ena ma sugobeo. Tialima, dagego ena nosali ma sueibao. Dagego ena ma subo sogode ena bidibo ula elalubaso, tama dage dali me te bidibo ula elalu, bidaibao.

Dwagi Yai Gesi Po Jongo Asęani 16:28

Polobadu ena Aya dali bidai, tama eno aga taga soyu, ena e tǫba dulai. Tama megi ma eno e tǫ taga peyu, Aya God bidibo digi painogo ebao,” Jisasgo te po aga bidi dabe dali wai.

Dwagi Yai Gesi Po Jongo Asęani 16:5

“Tialima megi ena te ena tagala palai bidi pageba ma pobao. Tama dage tomode bidi me deligo enabolo me hanalu, ‘Nage mena pobawe?’ wabeo.

Dwagi Yai Gesi Po Jongo Asęani 17:11

Tama megi da ena tǫde ma bidigobeo. Tialima, augwali da tǫde me bideibao. Tama ena da nage bidibo madigi asobao. Aya, nage magi dwai sę me isiąwai bidi, nago augwali tonaluao. Nago enabolo nago bomo mawai dao. Tama te bomogo nago augwali tonaluao, augwali me deli homu naga elama, bidimainogo yao. Dadi si deli homu elama bidibo gilama, te tiwai augwali me te emainao.

Godigo Sęba Tagala Palai Bidigo Po 3:21

Megi agai dagalude tonalu bidibo, Godigo tigidali nai gesi ma ilibo sogo, te sogo asobo tonalubo. Te po polobadu Godigo agai po pusa mabo bidigo dabebolo wai, mu dolo yai bidi dabe. Tama augwaligo te po pusa mani.

Galesia 2:10

Tama te homu eyu, tama augwaligo da sibolo te po wai, “Dage sigo te Juda hani tomode bidibo magi nai meni yai we bidi gegeda pelamuo, te dago augwaligo tuabo nai abelemainogo, dagego masigi dabe eba tolao,” augwaligo te po wai. Tama te sę eno digi eno bomo eyu, te sę ebo dao.

Bomai Po 15:11

Tigidali sogo dage Israel dabe meba te nai dabe sǫą peyu bidaibao. Tama tibaso, eno dagebolo te po te wabao, dagego augwali hobede elama, tama augwaligo habuge yali nai dabe tau sao, tama augwali dali wiegi yai sę yao,” Mosesgo te po wai.

1 Jon 3:17

Tialima te doado bage hauwa elalubo bidi agai aga ama te nai meni yai bidi bidibo sula tagalama, tama aga tau masiąyu da, teda magi baso te bidigo te po wali, “Eno Godibolo dwagi yai homu eyu godolo ebo bidi dao.”