Matyu 24:3 - Godigo dwagi yai po buku

³ Te aga pelama, tama te dwasianu bulu du Oliv teba sabolama, aga tede dualaluyu, tama aga wali bilibo bidi dabe naga augwali aga pageba aselama, augwaligo te po wai, “Nago dabolo wao, nisu sogo te Moni Lotu Be tempel dolobo sę pedelaibawe? Magi sę bolo hasia pedelama, dago koneai elalubadi, nage ma asiyu e tǫ siligowe?”

Matyu 24:3 Iomraidhean Croise

Matyu 13:36

Te sogo Jisasgo te we bidi augwali tagalama, tama aga te be tomoba pelama bidai. Tama aga wali pabo bidi dabe augwali agaba aselama, te po wai, “Nago te dwai noswai te gide pedalobo po olama po digi po begelama wali po page te dabolo haninama ola mao,” te po wai.

Matyu 13:49

Tama e tǫ de dagalu si silibo sogo te tiwai gilama naga yaibao. Te Godigo sę ebo ensel mobo bidi dabe augwali aselama, te dwai kolesaga yali bidi dabe te doloba pai bidi dabe tomode bidibo te dagalama, sela sąwaibao.

Matyu 15:12

Tama te sogo te aga wali pabo bidi dabe augwali aselama, agabolo te po wagasai, “Nago te Farisi dabe augwaligo nago megi tamadi wali po odoyu, tama augwaligo dwai homu ebo koneaniwe?” te po wai.

Matyu 16:27

Magi baso meni. Nosali Godigo Bidi Mu te aga Ayago genuai bomo me, ula me dali, te ensel mobo bidi dabe dali hodobo si asaibao. Te sogo te agai tigidali we bidigo yali kolesaga usu nama wei ponaibao.

Matyu 16:28

Eno mu po dagebolo obao, dage megi ede bidalubo bidi dabe me badu isisąbadi, dagego te Godigo Bidi Mu aga we bidi tonalubo sę yabo bomo dali asobo sueibao,” Jisasgo te po wai.

Matyu 17:19

Te nosali te Jisas aga wali bilibo bidi dabe naga agaba aselama, te po wai, “Magi baso dago te dwai haubo sela sąwainogo ebo te usu ebewe?”

Matyu 21:1

Te augwali Jerusalem pąba sabolama, te dwasianu hanu nogi Betfage teba sabolali, te Oliv bulu du pąde elaluai. Tama Jisas aga wali pabo bidi si tagala paliyu, tama augwali sibolo te po wai,

Matyu 24:27

Magi baso meni, te dagalude te be sele ula ebo sogo, te ula te sia ge pedalobo badu pedalama, tama te ula ebogo te sia ge dega saboba me pabo dao. Tama te Godigo Bidi Mu ma asobo sogo te tiwai naga pedelaibao, hania mu pedalaibao,” te po wai.

Matyu 24:30

Te tebo sogo te Godigo Bidi Mugo dąį te dagalude pedelaibao, tama te tǫde we bidi hani tigidali augwali augwa nogo pagasa moni gela waibao. Tama augwaligo te Godigo Bidi Mu te dagalu pǫ daide ugwadu dualasa asobo sueibao, tama aga genuai bomo me genuai ula dali dulaibao.

Matyu 24:37

Te polobadu mu bidali bidi Noa aga tǫde bidali sogo augwaligo yali kolesaga, te kolesaga tiwai naga te Godigo Bidi Mu ma asobo sogode me augwaligo tama tiaibao.

Matyu 24:39

Augwaligo homu kone me isąma, te augwali tama naga bidiba homu yali, tama polo te genuai ąį asiyu, te we bidi tigidali dagalasa pela silali. Te yali tiwai naga te Godigo Bidi Mu ma asobo sogo tiaibao, augwaligo te asabo sogo bodolu konesiąbadi.tama tiaibao

Matyu 24:43

Dagego homugo te sęde koneao, te be page bidigo hasia bolo te nisu sogo hulide te nai wi sabo bidi asobo te agai konegi sogo da, teda agai bugagia tonalugi baso, tama te nai wi sabo bidigo agai be aluama, te tomoba soabo si te me gogolama me sula tagaligi menigi da.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Dwagi Yai Gesi Po Lukgo Asęani 21:7

Te augwaligo Jisas hanaluyu, te po wali, “Po ola mabo bidi, te sę nisu pedalaibawe? E be dolabo maganubo side, te mena tiwai sę hasia pedalubo sulama, dago koneaibawe?”

Godigo Sęba Tagala Palai Bidigo Po 1:7

Tama Jisasgo augwalibolo te po wei ponai, “Menio. Te eno Aya deli naga konealubo, te sę ebo sogo me, te agai bodolu mabo. Agai homugo. Dagego nai menio, tama tibaso dagego Ayago bodolu mani sogo si dabe konegobeo.

Hibru 9:26

Te agai hauwa sogo te sę egi sogo da, teda aga dene hauwa sogo toloyu, te Godigo tǫ nigali sogo gagalama tama megi e sogoba usu nagasigi dao. Tiali goli menio. Megi e sogo tigidali te pąde silainogo ebaso, tama Krais e tǫba deli sogo naga mu asali, te aga digi aga bidibo ula te Godibolo menama, tama te we bidigo yali dwai sę sęgę sela sąwainogo yai dao.