Matyu 22:9 - Godigo dwagi yai po buku

⁹ Tama tibaso, dage te tigidali tų tunu magi siba pao, tama dagego te suali we bidi dabe tigidali, dagego augwali i olama, te we sabo sogode te nai megi tuagasao, te po wao.’

Matyu 22:9 Iomraidhean Croise

Esekiel 21:21

Tama kingo aga te mena sunumidu pabo konesiąwai, tibaso agai te hanilibo sę ebo kolesaga yaibao. Hasia bolo agai te ene beledide elaluali ene dabe memenege ilaibao. Gasa enego te Raba taunba nogo tų eyu, te gasa ene mego te Jerusalem taunba nogo tų iliyu, te kingo deli naga sabo homu yaibao. Te aga tibo god dabeba me hanalu olama, tama nosali agai te elali kibu hasago homu hobolu duba bugagia tonaluama, te augwa ofa yainu elali hasa dao.

Matyu 20:7

Tama augwaligo po wei ponoyu, te po wai, ‘Te dabolo sę maiabo bidi me menio.’ Tama agai augwalibolo te po wai, ‘Dage me te wain giba pelama, sę egi piąo.’

Matyu 22:10

Agai tama tiwai po wai, tama te sę bidi dabe augwali te tigidali tų tunu magiba tedela pelama, tama te suali we bidi dabe tigidali augwali sisinao, te dwai bidi dabe me te wiegi yai bidi dabe augwali dali sisinagasai. Tama augwali te we sabo madi aselama, mu pągąna sagasai.”

Matyu 22:8

Tama te tuni bidigo aga sę bidi dabe augwalibolo te po wai, ‘Te we sabode tuabo nai sisi yai elalubadi, tiali goli eno te i wali bidi dabe, augwali te asobo usu menio, te dwai bage dao.

Dwagi Yai Gesi Po Lukgo Asęani 24:47

tama hodaluama, tama aga nogigo bomogo aga sę ebo bidi dabe augwaligo agai po tigidali bidi hanibolo ola mawaibao, te we bidi augwaligo homu begelemainogo yaibao. Augwaligo homu begelama, tama Godigo augwaligo yali dwai dwai sę sela sąwaibao. Te Godigo sa muani bidi agai sę ebo bidi dabego te tobage po tigidali bidi hanibolo wagi paibao, te sę augwaligo Jerusalem bulude gagalaibao.’

Godigo Sęba Tagala Palai Bidigo Po 13:47

‘Nage eno sole tiwai nigilibe dao, te Juda hani isąwai te tigidali tǫ pedaide bidalubo we bidi augwaliba ula ilimai hagede ebao. Tama nago tigidali tǫde bidibo we bidi tau selama, Godigo augwali ma somainu yao,’ wali,” Polgo te po wai.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

Kraisgo Geme Dualali Sę Pedelabo Po Jonbolo Ola Mani 22:17

Te Godigo Mobo Bidi dali, te Kibu Sipsip Waigo we dali sigo te po obao, “Nage asao.” Tama e po odali we bidi tigidali augwaligo me te po wao, “Nage asao.” Tama te wę nogone ebo bidi, aga asomainao. Wę tuainogo ebo bidi, aga aselama, te bidabo ula mabo wę tuagasao, te Godigo agabolo olo mu mawaibao.