Matyu 21:3 - Godigo dwagi yai po buku

³ Tama dage sigo te donki si sela sobadi, bidi me deligo dage si dali po me obaso da, te bidi dali dage sigo te po wao, ‘Woo, Genuai Bidigo sę e donki side elalubo’ po wao. Tama te po olama, tama polo agai te kibu donki si dage sigo sela piąo te po waibao,” Jisasgo te po wai.

Matyu 21:3 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 17:9

“Tama nage hogodama, nage te Saidon bulude te Sarefat hanu taunba bidigi pao,” wali. “Te taunde te Israel hani isąwai we me deli te bidibao, te we aga bidi isai dao,” wali. “Eno te we dąį ilibao, te wego agai nage tubo nai tau siyu, tama agai nage bugagia tonalumainao,” wali.

Esra 1:1

Te hasia kibu be tede te bidi Sairus te Persia kantri tǫ pedaide king bidali sogo, God Genuai Bidigo aga homu hodolama, tama agai po me deli walio. Agai te po asęnama, tama agai te tonalubo tǫ pedai tigidaliba tolali. Tama te po sela pabo bidi dabe augwaligo te we bidi dabeba nedemainu yalio. Te sę pedelali, te Genuai Bidigo te polobadu bidali profet bidi Jeremaiabolo po menama, tama Jeremaiago te Israel dabeba pusali po me deli te poba usu nanio.

Esra 1:5

Tama tialima, Godigo te Judago tobolu bidi dabe hani me, te Benjamingo hani me te homu hodoliyu, tama te pris dabe me, Livai dabe me, tama te gasa bidi dabe me, te augwali homu hodolama, tama augwa te Jerusalemba pelama, te Genuai Bidigo be ma sę igi pabo doado bage dabe sisi yai dao.

Esra 7:27

Ena Esra dao, eno te pas nedelama, tama eno e tiwai po obao, “Eno homu wiegi yai pemene eyu, tama Godiba usu da po obao, te dago wąį nǫų dabego Genuai Bidi dao. Magi baso meni, Godigo te kingo homu hodolobaso, tama kingo te Genuai Bidigo be Jerusalemde dwagi yai ilaibao po walio.

Godigo Nogi Ugwaba Sabo Tęąbi Po Wabo Buku Dabe 24:1

Te tǫ dali, tigidali tǫde elalubo nai, te tigidali Godigo nai naga dao. Tigidali bulu me, te Godigo nigali nai dao. Tama tigidali bulude bidibo we bidi me, augwali me te Godigo hani we bidi naga dao.

Matyu 21:2

“Dage sigo te pąde elalubo dwasianu bulu tomoba pelama, suao. Tama polo dage sigo te kibu donki me deli augwaligo te bonogo gebelai dolalubo sueibao, tama te donki aga wai dali dao. Tama dage sigo te gebelali bono pisiginama, te kibu donki si ena pageba selasa asao.

Matyu 21:4

Te sę pedalobo si te Godigo sę nosali pedalabo po pusali bidigo polobadu wali po usu numainogo yai. Agai te po wali, “Te Saion bulu we bidi dali te po wao, ‘Suao, dagego tuni bidi duga pageba asobao. Agai nagame yai kolesaga dali, te aga kibu donki daide naga dualasa asobao. Tama aga te walu sabilibo donkigo wai tede dualasa asobao,’ te po wao,” profet bidi me deligo te po polobadu wai.

Dwagi Yai Gesi Po Jongo Asęani 17:2

“Tama nago ena sa muyu, moni bomo mayu yai dao. Ena te tigidali tǫde we bidigo genuai bidi dao weyu, tama nago te bomo enabolo mawai dao. Magi basowe? Te bidada pabo bomo te we bidi nago enabolo mani we bidi augwali eno te bidada pabo bomo mawaibao, te homu eyu, nago enabolo te nogi yai sę mawai dao. Tama te bidada pabo bomo menama, tama augwali bidada peyu, bidada paibao, gamonaibao.

Dwagi Yai Gesi Po Jongo Asęani 3:35

Godigo aga Ogwa delide dwagi yai homu yai. Tama God agai tigidali nai aga Ogwago nogoba mawai.

Godigo Sęba Tagala Palai Bidigo Po 17:25

Me ma, agai dago nogode agai nai tubo mu menio. God aga digi tigidali tǫde bidibo we bidibolo noma mabo dao. Tigidali nai dabe dago gegelama sabo, te Godigo naga mabo dao.

2 Korin 8:16

Eno Godibolo po weyu usu da po obao, agai te bidi Taitusgo homu hodolobaso, tama agai dago homu tiwai ebao. Agai me dage tau sabo homu godolo mu ebo dao.

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

1 Samuel 10:26

Tama Sol aga bulu Gibeaba ma pali. Tiali goli, Godigo te bomai bidi meba homu hodolama, tama augwali te Sol dali pelawali.