Matyu 2:7 - Godigo dwagi yai po buku

⁷ Tama te po odolama, tama Herotgo geme te sia ge pedalobo badu asali te po page koneani bidi dabe augwali i wai. Tama augwali aga pageba aselama, tama dua dua eyu agai augwalibolo “Te dagego suali hǫ te mena sogo pedalaliwe?” te po hanalu wali. Tama augwaligo agabolo te hǫ pedalali sogo pusali.

Matyu 2:7 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 55:21

Te pedauwalide agai pusai po wali, tiali goli te haligade agai te boi bidi enade elaluali. Te agai pogo dago tabi nagame ilama bidibao. Tiali goli, te po te bobobage bainat hwą tiwai mu poa pelama, tama da togobao.

Ma Dobola Sali 1:10

Tama wąbi hwįbaso da, te augwaligo dago boi bidi dali taluama, da dali hwįyu, tama dago bulu tagalama, augwali wi paibao. Tama dago augwali hani hauwa pedalidali weyu, dąų wabo tų gegegaibao,” te Isip gavman polasa tuni bidi agai te po wai.

Israel Hanigo Namba 24:17

Eno te nosali yabo sę dabe naga suali, te sę megi pedalugobeo. Tama eno te Israel dabe bidibo suali. Te bidi me deli te bomo dali genuai nogi yai bidi te Israel hani dabego tuni bidi pedalaibao. Tama agai te Moap tobolu bidi dabe dali bomona mu hwįaibao, tama augwaligo tobolu dili aluaibao, tama agai te Setgo hani wąį dabego tobolu dili dolama tagalaibao.

Matyu 2:1

Te Mariago Jisas te Betlehem bulude ame nani, te Judia tǫde. Tama te sogo te moni gavman tuni bidi nogi Herot aga bidali. Tama Mariago te wai Jisas ame nai digi, tama nosali te sia ge pedalobo badu bidali po page koneai bidi dabe augwali meba te Jerusalem moni hanuba sabolali. Tama augwali te dagalu hǫde haniani po page mu koneai dao. Tama augwali Jerusalem hanuba sabolama, tama augwaligo te po wai,

Matyu 2:16

Tialima te genuai gavman tuni bidi Herotgo koneama, te giliga pedalobo badu asali po page koneai bidi augwaligo agai wali po tudiba munama, tama gasa tųdu geme pai homu yali, tialima aga sębę mu yai. Tama agai enesigi bidi dabe tagala paliyu, augwalibolo te po wai, “Dagego te Betlehem bulude me te pąde elalubo bulude me tede bidibo ogwa wai dabe te kibu be si yabo tomode augwali tigidali ela muao,” te po wali. Agai te po page koneai bidi augwalibolo te hǫ hasia pedelali sogode hanalu badi, tama augwaligo aga dali te wali po homugo ma koneama, agai kibu be si weyu tama tiwai dao.

Matyu 2:8

Tama tilama, agai augwali te Betlehem buluba tagala paliyu, tama te po wali, “Dage pelama, tama bomo elama te wai gegao. Tama dagego gegelama subaso da, teda dagego po enaba ma sela asao. Tama ena me pelama, agade kidu sugunama, eno agade lotu po wagi paibao,” Herotgo te po wai.

Godigo Sęba Tagala Palai Bidigo Po 24:22

Te bidi Feliks agai te Genuai Bidi Jisas wali pabo tų po bugagia koneani. Tama agai te Juda bidi hanibolo te po tama ola mani, “Te ami tobolu bidi Lisias asobode, eno dagego te po tų ebo dodolaibao.” Agai te po tama olama, te po tų yali tagalama, nosali po tų ma yainu tonaluali.

Kraisgo Geme Dualali Sę Pedelabo Po Jonbolo Ola Mani 12:15

Tama te we dolainogo eyu te hasamanigo pedauwalide ąį bugulai. Te bugulali ąį te pabo genuai ąį tiwai, tama te ąį peyu te we wali pobasa pai. Te hasamanigo homugo te ąįgo te we selama hagamainogo yai.

1 Samuel 18:21

Tama agai homu te tiwai yali, ‘Wiegi yai mu da. Te Mikal eno te Devitba mawaibao. Tama eno te Devit te Filistia dabe dali hwįmainu tagala palaibao, te wegi abelibo mone mabo tiwai elama, tama te Filistia dabego aga ela mumainu yaibao.’ Tama Solgo Devitbolo ma po wali, “Eno homugo nago te eno wegi somainu homu ebao,” wali.