Matyu 2:23 - Godigo dwagi yai po buku

²³ Tama te tǫba sabolama, tama aga te hanu me nogi Nasaret te hanuba bidigi pai. Tama te sę yaligo da te Godigo po pusali profet dabego wali po usu nubao, “Tama augwaligo aga te Nasaret hanu te bulu bidi dao, te po waibao,” te po wali.

Matyu 2:23 Iomraidhean Croise

Israel Hanigo Namba 6:13

“Te bidigo aga bomai po wali usu nama da, teda aga eno name ugwa be sunumi pąba doligi pao.

Matyu 1:22

Te tigidali pedelali sę te tiwai te po me deli te Genuai Bidigo te agai po pusubo profet bidigo pedauwalidu wali po usu nanio. Te po pusubo profet bidigo te polobadu mu pusai po e tiwai wai,

Matyu 21:11

Tama aga dali asali we bidi augwaligo te po wai, “Aga te Jisas dao, te Godigo po pusubo profet bidi, te Nasaret hanudu te Galili tǫdu asai dao,” augwaligo te po wai.

Matyu 26:71

Tama aga solama, te be bagulali obo mabo pąde bidai. Tama gasa sę we mego aga sulama, tama te pąde bidalubo we bidi augwalibolo te po wai, “Te e bidi da, te Nasaret bulu bidi Jisas dali bidali bidi dao.” Te po wai.

Dwagi Yai Gesi Po Makgo Asęani 1:24

“Te Nasaret hanu bidi Jisas, nago da dwai mobo dabebolo mena sę yainogo asaliwe? Te nago da dolainogo homu eyu, asai dawe? Eno nage koneani, nage te Godigo gasagi yai tedali wiegi yai bidi dao,” te po wai.

Dwagi Yai Gesi Po Makgo Asęani 1:9

Te side Jisas te Nasaret dwasianu hanu te Galili tǫde bidali taga soyu asali. Tama Jongo aga te Jordan pabo ąį tomode baptais mani.

Dwagi Yai Gesi Po Lukgo Asęani 1:26

Te we Elisabet haliga elama, polua a naga olama, me badu nogo deli wagisu, tama Godigo te ensel bidi nogi Gebriel te bulu me nogi Nasaretba pao walio.

Dwagi Yai Gesi Po Lukgo Asęani 18:37

Tama augwaligo agabolo wali, “Te Nasaret bulu bidi nogi Jisas ela sobao,” wali.

Dwagi Yai Gesi Po Lukgo Asęani 2:39

Te Josep dali Maria dali sigo Godigo bomo yai pode yao wali sę dabe ela silama, augwa te Galili tǫ pedai tomode elalubo bulu Nasaret be naniba ma pali,.

Dwagi Yai Gesi Po Jongo Asęani 18:5

Te augwaligo Jisas aga dali po wei ponoyu, te po wai, “Dago te Nasaret bulu bidi Jisas gegagasai dao,” te po wai. Jisasgo augwali dali te po wai, “Te bidi ena tama dao.” Tama Judas, Jisas te boi bidi nogoba muabo bidi me augwali dali dolaluai.

Dwagi Yai Gesi Po Jongo Asęani 18:7

Tama Jisas agai augwali dali ma hanalu wai, “Dagego de gegagasai dawe?” Tama augwaligo te po wai, “Te Nasaret bidi Jisas gegebao,” te po wai.

Dwagi Yai Gesi Po Jongo Asęani 19:19

Tama gavman tuni bidi Pailat agai po me deli asęnama, tama augwaligo te Jisas elali ni pedaide muai. Te asęani pode te po wai, ‘Jisas Nasaret bidi te Juda we bidigo tuni bidi dao,’ te po te ni pedaide asęna muai.

Godigo Sęba Tagala Palai Bidigo Po 2:22

Te Pitago po ma wai, “Dage Israel dabe, dage e po odiąo. Eno Jisas te Nasaret bidide po waibao, te agai bomai moni sę dabe Godigo agabolo mobaso, agai dagebolo ola mayu tama Godigo aga tagala palai dao. Dago te kone dao, te bomai sę dabe Jisasgo dage tomode yali duga kone dao, te bidi Jisas agai yali.

Godigo Sęba Tagala Palai Bidigo Po 24:5

“Dago te bidi Pol sulama, koneani, agai da te dwai dwai kolesaga hauwa ebo bidi da. Tama dago koneani, te bidi agai tigidali Juda bidi tomode me, tigidali bulude me, hwįbo po page pabo bidi dao. Tama agai te wado po olama, tama te we bidi hani tomode pedebo bidi. Tama aga te Nasaret dwai bidi hani tobolu bidi dao.

Te Israel Tobolu Bidi Dabe 13:5

magi baso meni, te nage haliga elama, tama nago te ogwa me deli ame naibao. Tama nago aga tobolu nisi me togolamuo. Te da te Genuai Bidigo sę naga tede elalubao, te aga idago ame nabo sogo tiaibao. Tama agai te wain ąį me, te bomai ąį me, me tusiąma, tama te bidi dabebolo tugio olama habu selali nai me te munu me tugio,” wai. “Tama agai te Israel dabe te Filistia dabego nogode ma dobola sabo sę te gagalaibao,” wali.

1 Samuel 1:11

Tama Hanago bomai po me deli te Genuai Bidiba dąų weyu, te tiwai po wai, “Genuai Bidio, nago tigidali bomo elalubo. Eno homugo nago ena sumainu homu ebao, nago sę ebo we dao. Eno te elalubo homu sęgę ebo sulama, tama ena homu kone palao. Te nago ena homu kone palobo te munu me tagalamuo. Te nago ena te wai ogwa me deli mobaso da, teda eno aga te nageba mayu, te aga nago sę bidi bididubadi, te aga isiboba usu nigi paibao. Tama te dąį nigiliyu, te augwaligo aga tobolu nisi munu me togogobeo,” tama po wali.